॥ Hayagriva Ashtottara Shatanama Stotram Kannada Lyrics ॥
॥ ಶ್ರೀಹಯಗ್ರೀವಾಷ್ಟೋತ್ತರಶತನಾಮಸ್ತೋತ್ರಮ್ ॥
ಅಥ ವಿನಿಯೋಗಃ –
ಓಂ ಅಸ್ಯ ಶ್ರೀಹಯಗ್ರೀವಸ್ತೋತ್ರಮನ್ತ್ರಸ್ಯ ಸಂಕರ್ಷಣ ಋಷಿಃ,
ಅನುಷ್ಟುಪ್ಛನ್ದಃ, ಶ್ರೀಹಯಗ್ರೀವೋ ದೇವತಾ ಋಂ ಬೀಜಂ
ನಮಃ ಶಕ್ತಿಃ ವಿದ್ಯಾರ್ಥೇ ಜಪೇ ವಿನಿಯೋಗಃ ॥
ಅಥ ಧ್ಯಾನಮ್ –
ವನ್ದೇ ಪೂರಿತಚನ್ದ್ರಮಂಡಲಗತಂ ಶ್ವೇತಾರವಿನ್ದಾಸನಂ
ಮನ್ದಾಕಿನ್ಯಮೃತಾಬ್ಧಿಕುನ್ದಕುಮುದಕ್ಷೀರೇನ್ದುಹಾಸಂ ಹರಿಮ್ ।
ಮುದ್ರಾಪುಸ್ತಕಶಂಖಚಕ್ರವಿಲಸಚ್ಛ್ರೀಮದ್ಭುಜಾಮಂಡಿತಮ್
ನಿತ್ಯಂ ನಿರ್ಮಲಭಾರತೀಪರಿಮಲಂ ವಿಶ್ವೇಶಮಶ್ವಾನನಮ್ ॥
ಅಥ ಮನ್ತ್ರಃ –
ಓಂ ಋಗ್ಯಜುಃಸಾಮರೂಪಾಯ ವೇದಾಹರಣಕರ್ಮಣೇ ।
ಪ್ರಣವೋದ್ಗೀಥವಚಸೇ ಮಹಾಶ್ವಶಿರಸೇ ನಮಃ ॥
ಶ್ರೀಹಯಗ್ರೀವಾಯ ನಮಃ ।
ಅಥ ಸ್ತೋತ್ರಮ್ –
ಜ್ಞಾನಾನನ್ದಮಯಂ ದೇವಂ ನಿರ್ಮಲಂ ಸ್ಫಟಿಕಾಕೃತಿಮ್ ।
ಆಧಾರಂ ಸರ್ವವಿದ್ಯಾನಾಂ ಹಯಗ್ರೀವಮುಪಾಸ್ಮಹೇ ॥ 1 ॥
ಹಯಗ್ರೀವೋ ಮಹಾವಿಷ್ಣುಃ ಕೇಶವೋ ಮಧುಸೂದನಃ ।
ಗೋವಿನ್ದಃ ಪುಂಡರೀಕಾಕ್ಷೋ ವಿಷ್ಣುರ್ವಿಶ್ವಮ್ಭರೋ ಹರಿಃ ॥ 2 ॥
ಆದೀಶಃ ಸರ್ವವಾಗೀಶಃ ಸರ್ವಾಧಾರಃ ಸನಾತನಃ ।
ನಿರಾಧಾರೋ ನಿರಾಕಾರೋ ನಿರೀಶೋ ನಿರುಪದ್ರವಃ ॥ 3 ॥
ನಿರಂಜನೋ ನಿಷ್ಕಲಂಕೋ ನಿತ್ಯತೃಪ್ತೋ ನಿರಾಮಯಃ ।
ಚಿದಾನನ್ದಮಯಃ ಸಾಕ್ಷೀ ಶರಣ್ಯಃ ಸರ್ವದಾಯಕಃ ॥ 4 ॥ ಶುಭದಾಯಕಃ
ಶ್ರೀಮಾನ್ ಲೋಕತ್ರಯಾಧೀಶಃ ಶಿವಃ ಸಾರಸ್ವತಪ್ರದಃ ।
ವೇದೋದ್ಧರ್ತ್ತಾವೇದನಿಧಿರ್ವೇದವೇದ್ಯಃ ಪುರಾತನಃ ॥ 5 ॥
ಪೂರ್ಣಃ ಪೂರಯಿತಾ ಪುಣ್ಯಃ ಪುಣ್ಯಕೀರ್ತಿಃ ಪರಾತ್ಪರಃ ।
ಪರಮಾತ್ಮಾ ಪರಂಜ್ಯೋತಿಃ ಪರೇಶಃ ಪಾರಗಃ ಪರಃ ॥ 6 ॥
ಸಕಲೋಪನಿಷದ್ವೇದ್ಯೋ ನಿಷ್ಕಲಃ ಸರ್ವಶಾಸ್ತ್ರಕೃತ್ ।
ಅಕ್ಷಮಾಲಾಜ್ಞಾನಮುದ್ರಾಯುಕ್ತಹಸ್ತೋ ವರಪ್ರದಃ ॥ 7 ॥
ಪುರಾಣಪುರುಷಃ ಶ್ರೇಷ್ಠಃ ಶರಣ್ಯಃ ಪರಮೇಶ್ವರಃ ।
ಶಾನ್ತೋ ದಾನ್ತೋ ಜಿತಕ್ರೋಧೋ ಜಿತಾಮಿತ್ರೋ ಜಗನ್ಮಯಃ ॥ 8 ॥
ಜರಾಮೃತ್ಯುಹರೋ ಜೀವೋ ಜಯದೋ ಜಾಡ್ಯನಾಶನಃ । ಗರುಡಾಸನಃ
ಜಪಪ್ರಿಯೋ ಜಪಸ್ತುತ್ಯೋ ಜಪಕೃತ್ಪ್ರಿಯಕೃದ್ವಿಭುಃ ॥ 9 ॥
var ಜಯಶ್ರಿಯೋರ್ಜಿತಸ್ತುಲ್ಯೋ ಜಾಪಕಪ್ರಿಯಕೃದ್ವಿಭುಃ
ವಿಮಲೋ ವಿಶ್ವರೂಪಶ್ಚ ವಿಶ್ವಗೋಪ್ತಾ ವಿಧಿಸ್ತುತಃ । ವಿರಾಟ್ ಸ್ವರಾಟ್
ವಿಧಿವಿಷ್ಣುಶಿವಸ್ತುತ್ಯಃ ಶಾನ್ತಿದಃ ಕ್ಷಾನ್ತಿಕಾರಕಃ ॥ 10 ॥
ಶ್ರೇಯಃಪ್ರದಃ ಶ್ರುತಿಮಯಃ ಶ್ರೇಯಸಾಂ ಪತಿರೀಶ್ವರಃ ।
ಅಚ್ಯುತೋಽನನ್ತರೂಪಶ್ಚ ಪ್ರಾಣದಃ ಪೃಥಿವೀಪತಿಃ ॥ 11 ॥
ಅವ್ಯಕ್ತೋ ವ್ಯಕ್ತರೂಪಶ್ಚ ಸರ್ವಸಾಕ್ಷೀ ತಮೋಹರಃ ।
ಅಜ್ಞಾನನಾಶಕೋ ಜ್ಞಾನೀ ಪೂರ್ಣಚನ್ದ್ರಸಮಪ್ರಭಃ ॥ 12 ॥
ಜ್ಞಾನದೋ ವಾಕ್ಪತಿರ್ಯೋಗೀ ಯೋಗೀಶಃ ಸರ್ವಕಾಮದಃ ।
ಯೋಗಾರೂಢೋ ಮಹಾಪುಣ್ಯಃ ಪುಣ್ಯಕೀರ್ತಿರಮಿತ್ರಹಾ ॥ 13 ॥
ವಿಶ್ವಸಾಕ್ಷೀ ಚಿದಾಕಾರಃ ಪರಮಾನನ್ದಕಾರಕಃ ।
ಮಹಾಯೋಗೀ ಮಹಾಮೌನೀ ಮುನೀಶಃ ಶ್ರೇಯಸಾಂ ನಿಧಿಃ ॥ 14 ॥
ಹಂಸಃ ಪರಮಹಂಸಶ್ಚ ವಿಶ್ವಗೋಪ್ತಾ ವಿರಟ್ ಸ್ವರಾಟ್ ।
ಶುದ್ಧಸ್ಫಟಿಕಸಂಕಾಶಃ ಜಟಾಮಂಡಲಸಂಯುತಃ ॥ 15 ॥
ಆದಿಮಧ್ಯಾನ್ತರಹಿತಃ ಸರ್ವವಾಗೀಶ್ವರೇಶ್ವರಃ ।
ಪ್ರಣವೋದ್ಗೀಥರೂಪಶ್ಚ ವೇದಾಹರಣಕರ್ಮಕೃತ್ ॥ 16 ॥
ನಾಮ್ನಾಮಷ್ಟೋತ್ತರಶತಂ ಹಯಗ್ರೀವಸ್ಯ ಯಃ ಪಠೇತ್ ।
ಸ ಸರ್ವವೇದವೇದಾಂಗಶಾಸ್ತ್ರಾಣಾಂ ಪಾರಗಃ ಕವಿಃ ॥ 17 ॥
ಇದಮಷ್ಟೋತ್ತರಶತಂ ನಿತ್ಯಂ ಮೂಢೋಽಪಿ ಯಃ ಪಠೇತ್ ।
ವಾಚಸ್ಪತಿಸಮೋ ಬುದ್ಧ್ಯಾ ಸರ್ವವಿದ್ಯಾವಿಶಾರದಃ ॥ 18 ॥
ಮಹದೈಶ್ವರ್ಯಮಾಪ್ನೋತಿ ಕಲತ್ರಾಣಿ ಚ ಪುತ್ರಕಾನ್ ।
ನಶ್ಯನ್ತಿ ಸಕಲಾನ್ ರೋಗಾನ್ ಅನ್ತೇ ಹರಿಪುರಂ ವ್ರಜೇತ್ ॥ 19 ॥
॥ ಇತಿ ಶ್ರೀಬ್ರಹ್ಮಾಂಡಪುರಾಣೇ ಶ್ರೀಹಯಗ್ರೀವಾಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Vishnu Slokam » Sri Hayagriva Ashtottara Shatanama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil