॥ Hayagriva Ashtottara Shatanama Stotram Telugu Lyrics ॥
॥ శ్రీహయగ్రీవాష్టోత్తరశతనామస్తోత్రమ్ ॥
అథ వినియోగః –
ఓం అస్య శ్రీహయగ్రీవస్తోత్రమన్త్రస్య సఙ్కర్షణ ఋషిః,
అనుష్టుప్ఛన్దః, శ్రీహయగ్రీవో దేవతా ఋం బీజం
నమః శక్తిః విద్యార్థే జపే వినియోగః ॥
అథ ధ్యానమ్ –
వన్దే పూరితచన్ద్రమణ్డలగతం శ్వేతారవిన్దాసనం
మన్దాకిన్యమృతాబ్ధికున్దకుముదక్షీరేన్దుహాసం హరిమ్ ।
ముద్రాపుస్తకశఙ్ఖచక్రవిలసచ్ఛ్రీమద్భుజామణ్డితమ్
నిత్యం నిర్మలభారతీపరిమలం విశ్వేశమశ్వాననమ్ ॥
అథ మన్త్రః –
ఓం ఋగ్యజుఃసామరూపాయ వేదాహరణకర్మణే ।
ప్రణవోద్గీథవచసే మహాశ్వశిరసే నమః ॥
శ్రీహయగ్రీవాయ నమః ।
అథ స్తోత్రమ్ –
జ్ఞానానన్దమయం దేవం నిర్మలం స్ఫటికాకృతిమ్ ।
ఆధారం సర్వవిద్యానాం హయగ్రీవముపాస్మహే ॥ ౧ ॥
హయగ్రీవో మహావిష్ణుః కేశవో మధుసూదనః ।
గోవిన్దః పుణ్డరీకాక్షో విష్ణుర్విశ్వమ్భరో హరిః ॥ ౨ ॥
ఆదీశః సర్వవాగీశః సర్వాధారః సనాతనః ।
నిరాధారో నిరాకారో నిరీశో నిరుపద్రవః ॥ ౩ ॥
నిరఞ్జనో నిష్కలఙ్కో నిత్యతృప్తో నిరామయః ।
చిదానన్దమయః సాక్షీ శరణ్యః సర్వదాయకః ॥ ౪ ॥ శుభదాయకః
శ్రీమాన్ లోకత్రయాధీశః శివః సారస్వతప్రదః ।
వేదోద్ధర్త్తావేదనిధిర్వేదవేద్యః పురాతనః ॥ ౫ ॥
పూర్ణః పూరయితా పుణ్యః పుణ్యకీర్తిః పరాత్పరః ।
పరమాత్మా పరఞ్జ్యోతిః పరేశః పారగః పరః ॥ ౬ ॥
సకలోపనిషద్వేద్యో నిష్కలః సర్వశాస్త్రకృత్ ।
అక్షమాలాజ్ఞానముద్రాయుక్తహస్తో వరప్రదః ॥ ౭ ॥
పురాణపురుషః శ్రేష్ఠః శరణ్యః పరమేశ్వరః ।
శాన్తో దాన్తో జితక్రోధో జితామిత్రో జగన్మయః ॥ ౮ ॥
జరామృత్యుహరో జీవో జయదో జాడ్యనాశనః । గరుడాసనః
జపప్రియో జపస్తుత్యో జపకృత్ప్రియకృద్విభుః ॥ ౯ ॥
var జయశ్రియోర్జితస్తుల్యో జాపకప్రియకృద్విభుః
విమలో విశ్వరూపశ్చ విశ్వగోప్తా విధిస్తుతః । విరాట్ స్వరాట్
విధివిష్ణుశివస్తుత్యః శాన్తిదః క్షాన్తికారకః ॥ ౧౦ ॥
శ్రేయఃప్రదః శ్రుతిమయః శ్రేయసాం పతిరీశ్వరః ।
అచ్యుతోఽనన్తరూపశ్చ ప్రాణదః పృథివీపతిః ॥ ౧౧ ॥
అవ్యక్తో వ్యక్తరూపశ్చ సర్వసాక్షీ తమోహరః ।
అజ్ఞాననాశకో జ్ఞానీ పూర్ణచన్ద్రసమప్రభః ॥ ౧౨ ॥
జ్ఞానదో వాక్పతిర్యోగీ యోగీశః సర్వకామదః ।
యోగారూఢో మహాపుణ్యః పుణ్యకీర్తిరమిత్రహా ॥ ౧౩ ॥
విశ్వసాక్షీ చిదాకారః పరమానన్దకారకః ।
మహాయోగీ మహామౌనీ మునీశః శ్రేయసాం నిధిః ॥ ౧౪ ॥
హంసః పరమహంసశ్చ విశ్వగోప్తా విరట్ స్వరాట్ ।
శుద్ధస్ఫటికసఙ్కాశః జటామణ్డలసంయుతః ॥ ౧౫ ॥
ఆదిమధ్యాన్తరహితః సర్వవాగీశ్వరేశ్వరః ।
ప్రణవోద్గీథరూపశ్చ వేదాహరణకర్మకృత్ ॥ ౧౬ ॥
నామ్నామష్టోత్తరశతం హయగ్రీవస్య యః పఠేత్ ।
స సర్వవేదవేదాఙ్గశాస్త్రాణాం పారగః కవిః ॥ ౧౭ ॥
ఇదమష్టోత్తరశతం నిత్యం మూఢోఽపి యః పఠేత్ ।
వాచస్పతిసమో బుద్ధ్యా సర్వవిద్యావిశారదః ॥ ౧౮ ॥
మహదైశ్వర్యమాప్నోతి కలత్రాణి చ పుత్రకాన్ ।
నశ్యన్తి సకలాన్ రోగాన్ అన్తే హరిపురం వ్రజేత్ ॥ ౧౯ ॥
॥ ఇతి శ్రీబ్రహ్మాణ్డపురాణే శ్రీహయగ్రీవాష్టోత్తరశతనామస్తోత్రం సమ్పూర్ణమ్ ॥
– Chant Stotra in Other Languages –
Sri Vishnu Slokam » Sri Hayagriva Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil