॥ Sri Laxmi Chandralamba Ashtottara Shatanama Stotram Sanskrit Lyrics ॥
॥ श्रीलक्ष्मीचन्द्रलाम्बाष्टोत्तरशतनामस्तोत्रम् ॥
॥ श्री गणेशाय नमः ॥
ॐ श्रीचन्द्रलाम्बा महामाया शाम्भवी शङ्खधारिणी ।
आनन्दी परमानन्दा कालरात्री कपालिनी ॥ १ ॥
कामाक्षी वत्सला प्रेमा काश्मिरी कामरूपिणी ।
कौमोदकी कौलहन्त्री शङ्करी भुवनेश्वरी ॥ २ ॥
खङ्गहस्ता शूलधरा गायत्री गरुडासना ।
चामुण्डा मुण्डमथना चण्डिका चक्रधारिणी ॥ ३ ॥
जयरूपा जगन्नाथा ज्योतिरूपा चतुर्भुजा ।
जयनी जीविनी जीवजीवना जयवर्धिनी ॥ ४ ॥
तापघ्नी त्रिगुणात्धात्री तापत्रयनिवारिणी ।
दानवान्तकरी दुर्गा दीनरक्षा दयापरी ॥ ५ ॥
धर्मत्धात्री धर्मरूपा धनधान्यविवर्धिनी ।
नारायणी नारसिंही नागकन्या नगेश्वरी ॥ ६ ॥
निर्विकल्पा निराधारी निर्गुणा गुणवर्धिनी ।
पद्महस्ता पद्मनेत्री पद्मा पद्मविभूषिणी ॥ ७ ॥
भवानी परमैश्वर्या पुण्यदा पापहारिणी ।
भ्रमरी भ्रमराम्बा च भीमरूपा भयप्रदा ॥ ८ ॥
भाग्योदयकरी भद्रा भवानी भक्तवत्सला ।
महादेवी महाकाली महामूर्तिर्महानिधी ॥ ९ ॥
मेदिनी मोदरूपा च मुक्ताहारविभूषणा ।
मन्त्ररूपा महावीरा योगिनी योगधारिणी ॥ १० ॥
रमा रामेश्वरी ब्राह्मी रुद्राणी रुद्ररूपिणी ।
राजलक्ष्मी राजभूषा राज्ञी राजसुपूजिता ॥ ११ ॥
लक्ष्मी पद्मावती अम्बा ब्रह्माणी ब्रह्मधारीणी ।
विशालाक्षी भद्रकाली पार्वती वरदायिणी ॥ १२ ॥
सगुणा निश्चला नित्या नागभूषा त्रिलोचनी ।
हेमरूपा सुन्दरी च सन्नतीक्षेत्रवासिनी ॥ १३ ॥
ज्ञानदात्री ज्ञानरूपा रजोदारिद्र्यनाशिनी ।
अष्टोत्तरशतं दिव्यं चन्द्रलाप्रीतिदायकम् ॥ १४ ॥
॥ इति श्रीमार्कण्डेयपुराणे सन्नतिक्षेत्रमहात्म्ये
श्रीचन्द्रलाम्बाष्टोत्तरशतनामस्तोत्रं सम्पूर्णम् ॥
– Chant Stotra in Other Languages –
Sri Laxmi Slokam » Lakshmi Chandralamba Ashtottara Shatanama Stotram Lyrics in English » Bengali » Gujarati » Kannada » Malayalam » Odia » Telugu » Tamil