॥ Matangi Ashtottara Shatanama Stotram Malayalam Lyrics ॥
॥ ശ്രീമാതങ്ഗീശതനാമസ്തോത്രം ॥
ശ്രീഭൈരവ്യുവാച –
ഭഗവഞ്ഛ്രോതുമിച്ഛാമി മാതങ്ഗ്യാഃ ശതനാമകം ।
യദ്ഗുഹ്യം സര്‍വതന്ത്രേഷു കേനാപി ന പ്രകാശിതം ॥ 1 ॥
ഭൈരവ ഉവാച –
ശൃണു ദേവി പ്രവക്ഷ്യാമി രഹസ്യാതിരഹസ്യകം ।
നാഖ്യേയം യത്ര കുത്രാപി പഠനീയം പരാത്പരം ॥ 2 ॥
യസ്യൈകവാരപഠനാത്സര്‍വേ വിഘ്നാ ഉപദ്രവാഃ ।
നശ്യന്തി തത്ക്ഷണാദ്ദേവി വഹ്നിനാ തൂലരാശിവത് ॥ 3 ॥
പ്രസന്നാ ജായതേ ദേവീ മാതങ്ഗീ ചാസ്യ പാഠതഃ ।
സഹസ്രനാമപഠനേ യത്ഫലം പരികീര്‍തിതം ।
തത്കോടിഗുണിതം ദേവീനാമാഷ്ടശതകം ശുഭം ॥ 4 ॥
അസ്യ ശ്രീമാതങ്ഗീശതനാമസ്തോത്രസ്യ ഭഗവാന്‍മതങ്ഗ ഋഷിഃ
അനുഷ്ടുപ് ഛന്ദഃ മാതങ്ഗീ ദേവതാ മാതങ്ഗീപ്രീതയേ ജപേ വിനിയോഗഃ ।
മഹാമത്തമാതങ്ഗിനീ സിദ്ധിരൂപാ തഥാ യോഗിനീ ഭദ്രകാലീ രമാ ച ।
ഭവാനീ ഭവപ്രീതിദാ ഭൂതിയുക്താ ഭവാരാധിതാ ഭൂതിസമ്പത്കരീ ച ॥ 1 ॥
ധനാധീശമാതാ ധനാഗാരദൃഷ്ടിര്‍ധനേശാര്‍ചിതാ ധീരവാപീവരാങ്ഗീ ।
പ്രകൃഷ്ടപ്രഭാരൂപിണീ കാമരൂപപ്രഹൃഷ്ടാ മഹാകീര്‍തിദാ കര്‍ണനാലീ ॥ 2 ॥
കരാലീ ഭഗാ ഘോരരൂപാ ഭഗാങ്ഗീ ഭഗാഹ്വാ ഭഗപ്രീതിദാ ഭീമരൂപാ ।
ഭവാനീ മഹാകൌശികീ കോശപൂര്‍ണാ കിശോരീകിശോരപ്രിയാനന്ദ ഈഹാ ॥ 3 ॥
മഹാകാരണാകാരണാ കര്‍മശീലാ കപാലിപ്രസിദ്ധാ മഹാസിദ്ഖണ്ഡാ ।
മകാരപ്രിയാ മാനരൂപാ മഹേശീ മഹോല്ലാസിനീലാസ്യലീലാലയാങ്ഗീ ॥ 4 ॥
ക്ഷമാക്ഷേമശീലാ ക്ഷപാകാരിണീ ചാക്ഷയപ്രീതിദാ ഭൂതിയുക്താ ഭവാനീ ।
ഭവാരാധിതാ ഭൂതിസത്യാത്മികാ ച പ്രഭോദ്ഭാസിതാ ഭാനുഭാസ്വത്കരാ ച ॥ 5 ॥
ധരാധീശമാതാ ധരാഗാരദൃഷ്ടിര്‍ധരേശാര്‍ചിതാ ധീവരാധീവരാങ്ഗീ ।
പ്രകൃഷ്ടപ്രഭാരൂപിണീ പ്രാണരൂപപ്രകൃഷ്ടസ്വരൂപാ സ്വരൂപപ്രിയാ ച ॥ 6 ॥
ചലത്കുണ്ഡലാ കാമിനീ കാന്തയുക്താ കപാലാചലാ കാലകോദ്ധാരിണീ ച ।
കദംബപ്രിയാ കോടരീകോടദേഹാ ക്രമാ കീര്‍തിദാ കര്‍ണരൂപാ ച കാക്ഷ്മീഃ ॥ 7 ॥
ക്ഷമാങ്ഗീ ക്ഷയപ്രേമരൂപാ ക്ഷപാ ച ക്ഷയാക്ഷാ ക്ഷയാഹ്വാ ക്ഷയപ്രാന്തരാ ച ।
ക്ഷവത്കാമിനീ ക്ഷാരിണീ ക്ഷീരപൂര്‍ണാ ശിവാങ്ഗീ ച ശാകംഭരീ ശാകദേഹാ ॥ 8 ॥
മഹാശാകയജ്ഞാ ഫലപ്രാശകാ ച ശകാഹ്വാ ശകാഹ്വാശകാഖ്യാ ശകാ ച ।
ശകാക്ഷാന്തരോഷാ സുരോഷാ സുരേഖാ മഹാശേഷയജ്ഞോപവീതപ്രിയാ ച ॥ 9 ॥
ജയന്തീ ജയാ ജാഗ്രതീയോഗ്യരൂപാ ജയാങ്ഗാ ജപധ്യാനസന്തുഷ്ടസംജ്ഞാ ।
ജയപ്രാണരൂപാ ജയസ്വര്‍ണദേഹാ ജയജ്വാലിനീ യാമിനീ യാംയരൂപാ ॥ 10 ॥
ജഗന്‍മാതൃരൂപാ ജഗദ്രക്ഷണാ ച സ്വധാവൌഷഡന്താ വിലംബാവിലംബാ ।
ഷഡങ്ഗാ മഹാലംബരൂപാസിഹസ്താ പദാഹാരിണീഹാരിണീ ഹാരിണീ ച ॥ 11 ॥
മഹാമങ്ഗലാ മങ്ഗലപ്രേമകീര്‍തിര്‍നിശുംഭച്ഛിദാ ശുംഭദര്‍പത്വഹാ ച ।
തഥാഽഽനന്ദബീജാദിമുക്തസ്വരൂപാ തഥാ ചണ്ഡമുണ്ഡാപദാമുഖ്യചണ്ഡാ ॥ 12 ॥
പ്രചണ്ഡാപ്രചണ്ഡാ മഹാചണ്ഡവേഗാ ചലച്ചാമരാ ചാമരാചന്ദ്രകീര്‍തിഃ ।
സുചാമീകരാചിത്രഭൂഷോജ്ജ്വലാങ്ഗീ സുസങ്ഗീതഗീതാ ച പായാദപായാത് ॥ 13 ॥
ഇതി തേ കഥിതം ദേവി നാംനാമഷ്ടോത്തരം ശതം ।
ഗോപ്യഞ്ച സര്‍വതന്ത്രേഷു ഗോപനീയഞ്ച സര്‍വദാ ॥ 14 ॥
ഏതസ്യ സതതാഭ്യാസാത്സാക്ഷാദ്ദേവോ മഹേശ്വരഃ ।
ത്രിസന്ധ്യഞ്ച മഹാഭക്ത്യാ പഠനീയം സുഖോദയം ॥ 15 ॥
ന തസ്യ ദുഷ്കരം കിഞ്ചിജ്ജായതേ സ്പര്‍ശതഃ ക്ഷണാത് ।
സ്വകൃതം യത്തദേവാപ്തം തസ്മാദാവര്‍തയേത്സദാ ॥ 16 ॥
സദൈവ സന്നിധൌ തസ്യ ദേവീ വസതി സാദരം ।
അയോഗാ യേ തവൈവാഗ്രേ സുയോഗാശ്ച ഭവന്തി വൈ ॥ 17 ॥
ത ഏവമിത്രഭൂതാശ്ച ഭവന്തി തത്പ്രസാദതഃ ।
വിഷാണി നോപസര്‍പന്തി വ്യാധയോ ന സ്പൃശന്തി താന്‍ ॥ 18 ॥
ലൂതാവിസ്ഫോടകാസ്സര്‍വേ ശമം യാന്തി ച തത്ക്ഷണാത് ।
ജരാപലിതനിര്‍മുക്തഃ കല്‍പജീവീ ഭവേന്നരഃ ॥ 19 ॥
അപി കിം ബഹുനോക്തേന സാന്നിധ്യം ഫലമാപ്നുയാത് ।
യാവന്‍മയാ പുരാ പ്രോക്തം ഫലം സാഹസ്രനാമകം ।
തത്സര്‍വം ലഭതേ മര്‍ത്യോ മഹാമായാപ്രസാദതഃ ॥ 20 ॥
ഇതി ശ്രീരുദ്രയാമലേ മാതങ്ഗീശതനാമസ്തോത്രം സമ്പൂര്‍ണം ॥
– Chant Stotra in Other Languages –
Sri Durga Slokam » Sri Matangi Ashtottara Shatanama Stotram Lyrics in Sanskrit » English » Bengali » Gujarati » Kannada » Odia » Telugu » Tamil