॥ Sri Subrahmanya Ashtakam Bengali Lyrics ॥
॥ মুরুকাষ্টকম্ ॥
ওঁ শ্রী গণেশায় নমঃ
মুরুকষ্ষণ্মুখস্স্কন্দঃ সুব্রহ্মণ্যশ্শিবাত্মজঃ ।
বল্লীসেনাপতিঃ পাতু বিঘ্নরাজানুজস্সদা ॥ ১ ॥
মুরুক শ্রীমতান্নাথ ভোগমোক্ষপ্রদ প্রভো ।
দেবদেব মহাসেন পাহি পাহি সদা বিভো ॥ ২ ॥
মুরুকং মুক্তিদং দেবং মুনীনাং মোদকং প্রভুম্ ।
মোচকং সর্বদুঃখানাং মোহনাশং সদা নুমঃ ॥ ৩ ॥
মুরুকেণ মুকুন্দেন মুনীনাং হার্দবাসিনা ।
বল্লীশেন মহেশেন পালিতাস্সর্বদা বয়ম্ ॥ ৪ ॥
মুরুকায় নমঃ প্রাতঃ মুরুকায় নমো নিশি ।
মুরুকায় নমঃ সায়ং মুরুকায় নমো নমঃ ॥ ৫ ॥
মুরুকাত্পরমাত্সত্যাদ্গাঙ্গেয়াচ্ছিখিবাহনাত্ ।
গুহাত্পরং ন জানেঽহং তত্বং কিমপি সর্বদা ॥ ৬ ॥
মুরুকস্য মহেশস্য বল্লীসেনাপতেঃ প্রভোঃ ।
চিদম্বরবিলাসস্য চরণৌ সর্বদা ভজে ॥ ৭ ॥
মুরুকে দেবসেনেশে শিখিবাহে দ্বিষড্ভুজে ।
কৃত্তিকাতনয়ে শম্ভৌ সর্বদা রমতাং মনঃ ॥ ৮ ॥
ইতি মুরুকাষ্টকং সম্পূর্ণম্ ॥
– Chant Stotra in Other Languages –
Sri Subrahmanya / Kartikeya / Muruga Sahasranamani » Sri Muruga Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil