॥ Sri Radhakunda Ashtakam Gujarati Lyrics ॥
શ્રીરાધાકુણ્ડાષ્ટકમ્
વૃષભદનુજનાશાત્ નર્મધર્મોક્તિરઙ્ગૈઃ
નિખિલનિજતનૂભિર્યત્સ્વહસ્તેન પૂર્ણમ્ ।
પ્રકટિતમપિ વૃન્દારણ્યરાજ્ઞા પ્રમોદૈઃ
તદતિસુરભિ રાધાકુણ્ડમેવાશ્રયો મે ॥ ૧ ॥
વ્રજભુવિ મુરશત્રોઃ પ્રેયસીનાં નિકામૈઃ
અસુલભમપિ તૂર્ણં પ્રેમકલ્પદ્રુમં તમ્ ।
જનયતિ હૃદિ ભૂમૌ સ્નાતુરુચ્ચૈઃ પ્રિયં યત્
તદતિસુરભિ રાધાકુણ્ડમેવાશ્રયો મે ॥ ૨ ॥
અઘરિપુરપિ યત્નાદત્ર દેવ્યાઃ પ્રસાદ-
પ્રસરકૃતકટાક્ષપ્રાપ્તિકામઃ પ્રકામમ્ ।
અનુસરતિ યદુચ્ચૈઃ સ્નાનસેવાનુબન્ધૈઃ
તદતિસુરભિ રાધાકુણ્ડમેવાશ્રયો મે ॥ ૩ ॥
વ્રજભુવનસુધાંશોઃ પ્રેમભૂમિર્નિકામં
વ્રજમધુરકિશોરીમૌલિરત્નપ્રિયેવ ।
પરિચિતમપિ નામ્ના યચ્ચ તેનૈવ તસ્યાઃ
તદતિસુરભિ રાધાકુણ્ડમેવાશ્રયો મે ॥ ૪ ॥
અપિ જન ઇહ કશ્ચિદ્યસ્ય સેવાપ્રસાદૈઃ
પ્રણયસુરલતા સ્યાત્તસ્ય ગોષ્ઠેન્દ્રસૂનોઃ ।
સપદિ કિલ મદીશા દાસ્યપુષ્પપ્રશસ્યા
તદતિસુરભિ રાધાકુણ્ડમેવાશ્રયો મે ॥ ૫ ॥
તતમધુરનિકુઞ્જાઃ ક્લૃપ્તનામાન ઉચ્ચૈઃ
નિજપરિજનવર્ગૈઃ સંવિભજ્યાશ્રિતાસ્તૈઃ ।
મધુકરરુતરમ્યા યસ્ય રાજન્તિ કામ્યાઃ
તદતિસુરભિ રાધાકુણ્ડમેવાશ્રયો મે ॥ ૬ ॥
તતભુવિ વરવેદ્યં યસ્ય નર્માતિહૃદ્યં
મધુરમધુરવાર્તાં ગોષ્ઠચન્દ્રસ્ય ભઙ્ગ્યા ।
પ્રથયિતુમિત ઈશપ્રાણસખ્યાલિભિઃ સા
તદતિસુરભિ રાધાકુણ્ડમેવાશ્રયો મે ॥ ૭ ॥
અનુદિનમતિરઙ્ગૈઃ પ્રેમમત્તાલિસઙ્ઘૈઃ
વરસરસિજગન્ધૈઃ હારિવારિપ્રપૂર્ણે ।
વિહરત ઇહ યસ્મન્ દમ્પતી તૌ પ્રમત્તૌ
તદતિસુરભિ રાધાકુણ્ડમેવાશ્રયો મે ॥ ૮ ॥
ઇતિ રાધાકુણ્ડાષ્ટકં સમાપ્તમ્ ।
– Chant Stotra in Other Languages –
Sri Radha Mantras » Sri Radhakunda Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil