॥ Sri Radhika Ashtottarashatanama Stotram Telugu Lyrics ॥
॥ శ్రీరాధికాష్టోత్తరశతనామస్తోత్రమ్ ॥
అవీక్షితేశ్వరీ కాచిద్వృన్దావనమహేశ్వరీమ్ ।
తత్పదామ్భోజమాత్రైకగతిః దాస్యతికాతరా ॥ ౧ ॥
పతితా తత్సరస్తీరే రుదత్యార్తరవాకులమ్ ।
తచ్ఛ్రీవక్త్రేక్షణప్రాప్త్యై నామాన్యేతాని సఞ్జగౌ ॥ ౨ ॥
రాధా గన్ధర్వికా గోష్ఠయువరాజైకకామితా ।
గన్ధర్వారాధితా చన్ద్రకాన్తిర్మాధవసఙ్గినీ ॥ ౩ ॥
దామోదరాద్వైతసఖీ కార్తికోత్కీర్తిదేశ్వరీ ।
ముకున్దదయితావృన్దధమ్మిల్లమణిమఞ్జరీ ॥ ౪ ॥
భాస్కరోపాసికా వార్షభానవీ వృషభానుజా ।
అనఙ్గమఞ్జరీజ్యేష్ఠా శ్రీదామావరజోత్తమా ॥ ౫ ॥
కీర్తిదాకన్యకా మాతృస్నేహపీయూషపుత్రికా ।
విశాఖాసవయాః ప్రేష్ఠవిశాఖాజీవితాధికా ॥ ౬ ॥
ప్రాణాద్వితీయాలలితా వృన్దావనవిహారిణీ ।
లలితాప్రాణరక్షైకలక్షా వృన్దావనేశ్వరీ ॥ ౭ ॥
వ్రజేన్ద్రగృహిణీ కృష్ణప్రాయస్నేహనికేతనమ్ ।
వ్రజగోగోపగోపాలీజీవమాత్రైకజీవనమ్ ॥ ౮ ॥
స్నేహలాభీరరాజేన్ద్రా వత్సలాచ్యుతపూర్వజా ।
గోవిన్దప్రణయాధారా సురభీసేవనోత్సుకా ॥ ౯ ॥
ధృతనన్దీశ్వరక్షేమా గమనోత్కణ్ఠిమానసా ।
స్వదేహాద్వైతతాదృశ్టాధనిష్ఠాధ్యేయదర్శనా ॥ ౧౦ ॥
గోపేన్ద్రమహిషీపాకశాలావేదిప్రకాశికా ।
ఆయుర్వర్ధాకరద్వానారోహిణీఘ్రాతమస్తకా ॥ ౧౧ ॥
సుబలాన్యస్తసారూప్యా సుబలాప్రీతితోషితా ।
ముఖరాదృక్సుధానప్త్రీ జటిలాదృష్టిభాసితా ॥ ౧౨ ॥
మధుమఙ్గలనర్మోక్తిజనితస్మితచన్దిరకా ।
ముఖరాదృక్సుధానప్త్రీ జటిలాదృష్టిభాసితా ॥ ౧౨ ॥
మధుమఙ్గలనర్మోక్తిజనితస్మితచన్దిరకా ।
పౌర్ణమాసీబహిఃఖేలత్ప్రాణపఞ్జరసారికా ॥ ౧౩ ॥
స్వగుణాద్వైతజీవాతుః స్వీయాహఙ్కారవర్ధినీ ।
స్వగణోపేన్ద్రపాదాబ్జస్పర్శాలమ్భనహర్షిణీ ॥ ౧౪ ॥
స్వీయబ్రున్దావనోద్యానపాలికీకృతబృన్దకా ।
జ్ఞాతవృన్దాటవీసర్వలతాతరుమృగద్విజా ॥ ౧౫ ॥
ఈషచ్చన్దనసఙ్ఘృష్ట నవకాశ్మీరదేహభాః ।
జపాపుష్పప్రీతహరీ పట్టచీనారుణామ్బరా ॥ ౧౬ ॥
చరణాబ్జతలజ్యోతిరరుణీకృతభూతలా ।
హరిచిత్తచమత్కారి చారునూపురనిఃస్వనా ॥ ౧౭ ॥
కృష్ణశ్రాన్తిరశ్రేణీపీఠవల్గితఘణ్టికా ।
కృష్ణసర్వస్వపీనోద్యత్కుచాఞ్చన్మణిమాలికా ॥ ౧౮ ॥
నానారత్నేల్లసచ్ఛఙ్ఖచూడచారుభుజద్వయా ।
స్యమన్తకమణిభ్రాజన్మణిబన్ధాతిబన్ధురా ॥ ౧౯ ॥
సువర్ణదర్పణజ్యోతిరుల్లఙ్ఘిముఖమణ్డలా ।
పక్వదాడిమబీజాభ దన్తాకృష్టాఘభిచ్ఛుకా ॥ ౨౦ ॥
అబ్జరాగాదిసృష్టాబ్జకలికాకర్ణభూషణా ।
సౌభాగ్యకజ్జలాఙ్కాక్త నేత్రానన్దితఖఞ్జనా ॥ ౨౧ ॥
సువృత్తమౌకిత్కాముక్తానాసికాతిలపుష్పికా ।
సుచారునవకస్తూరీతిలకాఞ్చితఫాలకా ॥ ౨౨ ॥
దివ్యవేణీవినిర్ధూతకేకీపిఞ్చవరస్తుతిః ।
నేత్రాన్తసారవిధ్వంసకృతచాణూరజిద్ధృతిః ॥ ౨౩ ॥
స్ఫురత్కైశోరతారుణ్యసన్ధిబన్ధురవిగ్రహా ।
మాధవోల్లాసకోన్మత్త పికోరుమధురస్వరా ॥ ౨౪ ॥
ప్రాణాయుతశతప్రేష్ఠమాధవోత్కీర్తిలమ్పటా ।
కృష్ణాపాఙ్గతరఙ్గోద్యత్సిమతపీయూషబుద్ధుదా ॥ ౨౫ ॥
పుఞ్జీభూతజగ్గలజ్జావైదగ్ధీదిగ్ధవిగ్రహా ।
కరుణావిద్రవద్దేహా మూర్తిమన్మాధురీఘటా ॥ ౨౬ ॥
జగద్గుణవతీవర్గగీయమానగుణోచ్చయా ।
శచ్యాదిసుభగాబృన్దవన్ద్యమానోరుసౌభగా ॥ ౨౭ ॥
వీణావాదనసఙ్గీత రసలాస్యవిశారదా ।
నారదప్రముఖోద్గీతజగదానన్దిసద్యశాః ॥ ౨౮ ॥
గోవర్ధనగుహాగేహగృహిణీకుఞ్జమణ్డనా ।
చణ్డాంశునన్దినీబద్ధభగినీభావవిభ్రమా ॥ ౨౯ ॥
దివ్యకున్దలతానర్మసఖ్య దామవిభూషణా ।
గోవర్ధనధరాహ్ణాది శృఙ్గారరసపణ్డితా ॥ ౩౦ ॥
గిరీన్ద్రధరవక్షః శ్రీః శఙ్ఖచూడారిజీవనమ్ ।
గోకులేన్ద్రసుతప్రేమకామభూపేన్ద్రపట్టణమ్ ॥ ౩౧ ॥
వృషవిధ్వంసనర్మోక్తి స్వనిర్మితసరోవరా ।
నిజకుణ్డజలక్రీడాజితసఙ్కర్షణానుజా ॥ ౩౨ ॥
మురమర్దనమత్తేభవిహారామృతదీర్ఘికా ।
గిరీన్ద్రధరపారిణ్ద్రరతియుద్ధరుసింహికా ॥ ౩౩ ॥
స్వతనూసౌరభోన్మత్తీకృతమోహనమాధవా ।
దోర్మూలోచ్చలనక్రీడావ్యాకులీకృతకేశవా ॥ ౩౪ ॥
నిజకుణ్డతతీకుఞ్జ క్లృప్తకేలీకలోద్యమా ।
దివ్యమల్లీకులోల్లాసి శయ్యాకల్పితవిగ్రహా ॥ ౩౫ ॥
కృష్ణవామభుజన్యస్త చారుదక్షిణగణ్డకా ।
సవ్యబాహులతాబద్ధకృష్ణదక్షిణసద్భుజా ॥ ౩౬ ॥
కృష్ణదక్షిణచారూరుశ్లిష్టవామోరురమ్భికా ।
గిరీన్ద్రధరదృగ్వక్షేమర్దిసుస్తనపర్వతా ॥ ౩౭ ॥
గోవిన్దాధరపీయూషవాసితాధరపల్లవా ।
సుధాసఞ్చయచారూక్తి శీతలీకృతమాధవా ॥ ౩౮ ॥
గోవిన్దోద్గీర్ణతామ్బూల రాగరజ్యత్కపోలికా ।
కృష్ణసమ్భోగ సఫలీకృతమన్మథసమ్భవా ॥ ౩౯ ॥
గోవిన్దమార్జితోద్దామరతిప్రస్విన్నసన్ముఖా ।
విశాఖావిజితక్రీడాశాన్తినిద్రాలువిగ్రహా ॥ ౪౦ ॥
గోవిన్దచరణన్యస్తకాయమానసజీవనా ।
స్వప్రాణార్బుదనిర్మచ్ఛయ హరిపాదరజః కణా ॥ ౪౧ ॥
అణుమాత్రాచ్యుతాదర్శశయ్యమానాత్మలిచనా ।
నిత్యనూతనగోవిన్దవక్త్రశుభ్రాంశుదర్శనా ॥ ౪౨ ॥
నిఃసీమహరిమాధుర్యసౌన్దర్యాద్యేకభోగినీ ।
సాపత్న్యధామమురలీమాత్రభాగ్యకటాక్షిణీ ॥ ౪౩ ॥
గాఢబుద్ధ్బలక్రీడాజితవంశీవికర్షిణీ ।
నర్మోక్తిచన్దిరకోత్ఫుల్ల కృష్ణకామాబ్ధివర్ధినీ ॥ ౪౪ ॥
వ్రజచన్ద్రేజ్దిరయగ్రామ విశ్రామవిధుశాలికా ।
కృష్ణసర్వేన్దిరయోన్మాది రాధేత్యక్షరయుగ్మకా ॥ ౪౫ ॥
ఇదం శ్రీరాధికానామ్నామష్టోత్తరశతోజ్జ్వలమ్ ।
శ్రీరాధలమ్భకం నామ స్తోత్రం చారు రసాయనమ్ ॥ ౪౬ ॥
యోఽధీతే పరమప్రీత్యా దీనః కాతరమానసః ।
స నాథామచిరేణైవ సనాథామీక్షతే ధ్రువమ్ ॥ ౪౭ ॥
ఇతి శ్రీరఘునాథదాసగోస్వామివిరచితస్తవావల్యాం
శ్రీరాధికాష్టోత్తరశతనామస్తోత్రం సమ్పూర్ణమ్ ।
– Chant Stotra in Other Languages –
Sri Radha slokam » Sri Radhika Ashtottara Shatanama Stotram in Sanskrit » English » Bengali » Gujarati » Kannada » Malayalam » Odia » Tamil