॥ Shakambari Ashtakam Gujarati Lyrics ॥
॥ શ્રીશાકમ્ભર્યષ્ટકમ્ ॥
શક્તિઃ શામ્ભવવિશ્વરૂપમહિમા માઙ્ગલ્યમુક્તામણિ-
ર્ઘણ્ટા શૂલમસિં લિપિં ચ દધતીં દક્ષૈશ્ચતુર્ભિઃ કરૈઃ ।
વામૈર્બાહુભિરર્ઘ્યશેષભરિતં પાત્રં ચ શીર્ષં તથા
ચક્રં ખેટકમન્ધકારિદયિતા ત્રૈલોક્યમાતા શિવા ॥ ૧ ॥
દેવી દિવ્યસરોજપાદયુગલે મઞ્જુક્વણન્નૂપુરા
સિંહારૂઢકલેવરા ભગવતી વ્યાઘ્રામ્બરાવેષ્ટિતા ।
વૈડૂર્યાદિમહાર્ઘરત્નવિલસન્નક્ષત્રમાલોજ્જ્વલા
વાગ્દેવી વિષમેક્ષણા શશિમુખી ત્રૈલોક્યમાતા શિવા ॥ ૨ ॥
બ્રહ્માણી ચ કપાલિની સુયુવતી રૌદ્રી ત્રિશૂલાન્વિતા
નાના દૈત્યનિબર્હિણી નૃશરણા શઙ્ખાસિખેટાયુધા ।
ભેરીશઙ્ખક્ષ્ મૃદઙ્ગક્ષ્ ઘોષમુદિતા શૂલિપ્રિયા ચેશ્વરી
માણિક્યાઢ્યકિરીટકાન્તવદના ત્રૈલોક્યમાતા શિવા ॥ ૩ ॥
વન્દે દેવિ ભવાર્તિભઞ્જનકરી ભક્તપ્રિયા મોહિની
માયામોહમદાન્ધકારશમની મત્પ્રાણસઞ્જીવની ।
યન્ત્રં મન્ત્રજપૌ તપો ભગવતી માતા પિતા ભ્રાતૃકા
વિદ્યા બુદ્ધિધૃતી ગતિશ્ચ સકલત્રૈલોક્યમાતા શિવા ॥ ૪ ॥
શ્રીમાતસ્ત્રિપુરે ત્વમબ્જનિલયા સ્વર્ગાદિલોકાન્તરે
પાતાલે જલવાહિની ત્રિપથગા લોકત્રયે શઙ્કરી ।
ત્વં ચારાધકભાગ્યસમ્પદવિની શ્રીમૂર્ધ્નિ લિઙ્ગાઙ્કિતા
ત્વાં વન્દે ભવભીતિભઞ્જનકરીં ત્રૈલોક્યમાતઃ શિવે ॥ ૫ ॥
શ્રીદુર્ગે ભગિનીં ત્રિલોકજનનીં કલ્પાન્તરે ડાકિનીં
વીણાપુસ્તકધારિણીં ગુણમણિં કસ્તૂરિકાલેપનીમ્ ।
નાનારત્નવિભૂષણાં ત્રિનયનાં દિવ્યામ્બરાવેષ્ટિતાં
વન્દે ત્વાં ભવભીતિભઞ્જનકરીં ત્રૈલોક્યમાતઃ શિવે ॥ ૬ ॥
નૈરૃત્યાં દિશિ પત્રતીર્થમમલં મૂર્તિત્રયે વાસિનીં
સામ્મુખ્યા ચ હરિદ્રતીર્થમનઘં વાપ્યાં ચ તૈલોદકમ્ ।
ગઙ્ગાદિત્રયસઙ્ગમે સકુતુકં પીતોદકે પાવને
ત્વાં વન્દે ભવભીતિભઞ્જનકરીં ત્રૈલોક્યમાતઃ શિવે ॥ ૭ ॥
દ્વારે તિષ્ઠતિ વક્રતુણ્ડગણપઃ ક્ષેત્રસ્ય પાલસ્તતઃ
શક્રેડ્યા ચ સરસ્વતી વહતિ સા ભક્તિપ્રિયા વાહિની ।
મધ્યે શ્રીતિલકાભિધં તવ વનં શાકમ્ભરી ચિન્મયી
ત્વાં વન્દે ભવભીતિભઞ્જનકરીં ત્રૈલોક્યમાતઃ શિવે ॥ ૮ ॥
શાકમ્ભર્યષ્ટકમિદં યઃ પઠેત્પ્રયતઃ પુમાન્ ।
સ સર્વપાપવિનિર્મુક્તઃ સાયુજ્યં પદમાપ્નુયાત્ ॥ ૯ ॥
ઇતિ શ્રીમચ્છઙ્કરાચાર્યવિરચિતં શાકમ્ભર્યષ્ટકં સમ્પૂર્ણમ્ ॥
– Chant Stotra in Other Languages –
Adi Shankaracharya slokam » Shakambhari Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil