॥ Sri Subramanya Bhujanga Stotram 4 Odia Lyrics ॥
॥ ଶ୍ରୀସୁବ୍ରହ୍ମଣ୍ୟଭୁଜଙ୍ଗସ୍ତୋତ୍ରମ୍ ୪ ॥
ସୁବ୍ରହ୍ମଣ୍ୟ ସୁଧାମୟୂଖସୁଷମାହଙ୍କାର ହୁଙ୍କାରକୃ-
ଦ୍ଵକ୍ତ୍ରାମ୍ଭୋରୁହ ପାଦପଙ୍କଜନତାଲୀଷ୍ଟାର୍ଥ ଦାନଵ୍ରତ ।
ବ୍ରହ୍ମଣ୍ୟଂ କୁରୁ ସନ୍ତତଂ କରୁଣୟା ନିର୍ଵ୍ୟାଜୟା ମାଂ ଵିଭୋ
ଶୈଲାଧୀଶସୁତାଶିଵାନନସରୋଜାର୍କାୟିତାସ୍ୟାମ୍ବୁଜ ॥ ୧ ॥
ସମୁଦ୍ରଂ ୟଥା ସଂଶ୍ରୟନ୍ତେ ତଟିନ୍ୟଃ ଵିହୀନାଭିଧାସ୍ତ୍ୟକ୍ତ ରୂପାସ୍ତଥା ମାମ୍ ।
ପ୍ରଵିଜ୍ଞାୟ ଲୋକା ଇତୀଵାଭିଧିତ୍ସୁଃ ସମୁଦ୍ରାଙ୍କଗଶ୍ଶମ୍ଭୁସୂନୁର୍ଦୟାବ୍ଧିଃ ॥ ୨ ॥
ୟଥା ସୈନ୍ଧଵଂ ଚକ୍ଷୁରଗ୍ରାହ୍ୟମପ୍ସୁ ସ୍ଥିତଂ ଜିହ୍ଵୟା ଗୃହ୍ୟତେଽହଂ ତଥାସ୍ମିନ୍ ।
ପ୍ରପଞ୍ଚେ ଧିୟା ସୂକ୍ଷ୍ମୟାତୀନ୍ଦ୍ରିୟୋଽପି ପ୍ରଵିଜ୍ଞେୟ ଏଵଂ ଗୁହୋଽୟଂ ଵ୍ୟନକ୍ତି ॥ ୩ ॥
କରୋତ୍ୟକ୍ଷମାଲାଂ କରେ ୟୋ ମନୁଷ୍ୟୋ ଭଵେଦୂରୁଦଘ୍ନୋ ଭଵାମ୍ଭୋଧିରସ୍ୟ ।
ଇତୀଵାଭିଧାତୁଂ କରଂ ସାକ୍ଷମାଲଂ କରଂ ଚୋରୁଗଂ ଶମ୍ଭୁସୂନୁର୍ବିଭର୍ତି ॥ ୪ ॥
ମୁଧାୟାସମାଲକ୍ଷ୍ୟ ଗନ୍ଧସ୍ରଗାଦୌ ଵିଧାୟାଶୁ କାମାଦି ଷଡ୍ଵୈରିନାଶମ୍ ।
କ୍ରୁଧାଦ୍ୟାଢ୍ୟ ଲଭ୍ୟେତରାତ୍ମସ୍ଵରୂପଂ ବୁଧାସ୍ସମ୍ଭଜଧ୍ଵଂ ମୁଦା କାର୍ତିକେୟମ୍ ॥ ୫ ॥
ସମୁଦ୍ରାତ୍ତରଙ୍ଗା ୟଥାଵିର୍ଭଵନ୍ତୋ ନ ଭିନ୍ନାସ୍ସମୁଦ୍ରାତ୍ତଥାୟଂ ପ୍ରପଞ୍ଚଃ ।
ମଦୁତ୍ଥୋ ନ ମଦ୍ଭିନ୍ନ ଇତ୍ୟେତମର୍ଥଂ ଗୁହୋଽମ୍ଭୋନିଧେସ୍ତୀରଗୋଽଭିଵ୍ୟନକ୍ତି ॥ ୬ ॥
ରତ୍ନାକରେଣ ସଂୟୋଗୋ ରାମସେତୌ ନିରୀକ୍ଷିତଃ ।
ମହୋଦଧେରିହୈଵୈକ୍ଷି ମହୋଦଧି ସମାଗମଃ ॥ ୭ ॥
ସାଗର ଦ୍ଵୟ ସାଙ୍ଗତ୍ୟଂ ରାମସେତାଵିଵାତ୍ର ଚ ।
କରୁଣାମ୍ବୁଧିନା ୟସ୍ମାତ୍ସଙ୍ଗତୋଽୟଂ ମହୋଦଧିଃ ॥ ୮ ॥
ଇତି ଶ୍ରୀଚନ୍ଦ୍ରଶେଖରଭାରତୀମହାସ୍ଵାମିନଃ ଵିରଚିତଂ
ଶ୍ରୀସୁବ୍ରହ୍ମଣ୍ୟଭୁଜଙ୍ଗସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Sri Subrahmanya / Kartikeya / Muruga Sahasranamani » Sri Subramanya Bhujanga Stotram 4 Lyrics in Sanskrit » English » Bengali » Gujarati » Kannada » Malayalam » Telugu » Tamil