॥ Vrindadevyashtakam Telugu Lyrics ॥
వృన్దాదేవ్యష్టకమ్
విశ్వనాథచక్రవర్తీ ఠకురకృతమ్ ।
గాఙ్గేయచామ్పేయతడిద్వినిన్దిరోచిఃప్రవాహస్నపితాత్మవృన్దే ।
బన్ధూకబన్ధుద్యుతిదివ్యవాసోవృన్దే నుమస్తే చరణారవిన్దమ్ ॥ ౧ ॥
బిమ్బాధరోదిత్వరమన్దహాస్యనాసాగ్రముక్తాద్యుతిదీపితాస్యే ।
విచిత్రరత్నాభరణశ్రియాఢ్యే వృన్దే నుమస్తే చరణారవిన్దమ్ ॥ ౨ ॥
సమస్తవైకుణ్ఠశిరోమణౌ శ్రీకృష్ణస్య వృన్దావనధన్యధామిన్ ।
దత్తాధికారే వృషభానుపుత్ర్యా వృన్దే నుమస్తే చరణారవిన్దమ్ ॥ ౩ ॥
త్వదాజ్ఞయా పల్లవపుష్పభృఙ్గమృగాదిభిర్మాధవకేలికుఞ్జాః ।
మధ్వాదిభిర్భాన్తి విభూష్యమాణాః వృన్దే నుమస్తే చరణారవిన్దమ్ ॥ ౪ ॥
త్వదీయదౌత్యేన నికుఞ్జయూనోః అత్యుత్కయోః కేలివిలాససిద్ధిః ।
త్వత్సౌభగం కేన నిరుచ్యతాం తద్వృన్దే నుమస్తే చరణారవిన్దమ్ ॥ ౫ ॥
రాసాభిలాషో వసతిశ్చ వృన్దావనే త్వదీశాఙ్ఘ్రిసరోజసేవా ।
లభ్యా చ పుంసాం కృపయా తవైవ వృన్దే నుమస్తే చరణారవిన్దమ్ ॥ ౬ ॥
త్వం కీర్త్యసే సాత్వతతన్త్రవిద్భిః లీలాభిధానా కిల కృష్ణశక్తిః ।
తవైవ మూర్తిస్తులసీ నృలోకే వృన్దే నుమస్తే చరణారవిన్దమ్ ॥ ౭ ॥
భక్త్యా విహీనా అపరాధలేశైః క్షిప్తాశ్చ కామాదితరఙ్గమధ్యే ।
కృపామయి త్వాం శరణం ప్రపన్నాః వృన్దే నుమస్తే చరణారవిన్దమ్ ॥ ౮ ॥
వృన్దాష్టకం యః శృణుయాత్పఠేచ్చ వృన్దావనాధీశపదాబ్జభృఙ్గః ।
స ప్రాప్య వృన్దావననిత్యవాసం తత్ప్రేమసేవాం లభతే కృతార్థః ॥ ౯ ॥
ఇతి విశ్వనాథచక్రవర్తీ ఠకురకృతం వృన్దాదేవ్యష్టకం సమ్పూర్ణమ్ ।
– Chant Stotra in Other Languages –
Vrinda Devi Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil