॥ Sri Shastastutida Ashtakam Gujarati Lyrics ॥
॥ શ્રીશાસ્તાસ્તુતિદશકં ॥
આશાનુરૂપફલદં ચરણારવિન્દ-
ભાજામપારકરુણાર્ણવપૂર્ણચન્દ્રમ્ ।
નાશાય સર્વવિપદામપિ નૌમિ નિત્ય-
મીશાનકેશવભવં ભુવનૈકનાથમ્ ॥ ૧ ॥
પિઞ્છાવલી વલયિતાકલિતપ્રસૂન-
સઞ્જાતકાન્તિભરભાસુરકેશભારમ્ ।
શિઞ્જાનમઞ્જુમણિભૂષણરઞ્જિતાઙ્ગં
ચન્દ્રાવતંસહરિનન્દનમાશ્રયામિ ॥ ૨ ॥
આલોલનીલલલિતાળકહારરમ્ય-
માકમ્રનાસમરુણાધરમાયતાક્ષમ્ ।
આલમ્બનં ત્રિજગતાં પ્રમથાધિનાથ-
માનમ્રલોકહરિનન્દનમાશ્રયામિ ॥ ૩ ॥
કર્ણાવલમ્બિમણિકુણ્ડલભાસમાન-
ગણ્ડસ્થલં સમુદિતાનનપુણ્ડરીકમ્ ।
અર્ણોજનાભહરયોરિવ મૂર્તિમન્તં
પુણ્યાતિરેકમિવ ભૂતપતિં નમામિ ॥ ૪ ॥
ઉદ્દણ્ડચારુભુજદણ્ડયુગાગ્રસંસ્થં
કોદણ્ડબાણમહિતાન્તમતાન્તવીર્યમ્ ।
ઉદ્યત્પ્રભાપટલદીપ્રમદભ્રસારં
નિત્યં પ્રભાપતિમહં પ્રણતો ભવામિ ॥ ૫ ॥
માલેયપઙ્કસમલઙ્કૃતભાસમાન-
દોરન્તરાળતરળામલહારજાલમ્ ।
નીલાતિનિર્મલદુકૂલધરં મુકુન્દ-
કાલાન્તકપ્રતિનિધિં પ્રણતોઽસ્મિ નિત્યમ્ ॥ ૬ ॥
યત્પાદપઙ્કજયુગં મુનયોઽપ્યજસ્રં
ભક્ત્યા ભજન્તિ ભવરોગનિવારણાય ।
પુત્રં પુરાન્તકમુરાન્તકયોરુદારં
નિત્યં નમામ્યહમમિત્રકુલાન્તકં તમ્ ॥ ૭ ॥
કાન્તં કળાયકુસુમદ્યુતિલોભનીય-
કાન્તિપ્રવાહવિલસત્કમનીયરૂપમ્ ।
કાન્તાતનૂજસહિતં નિખિલામયૌઘ-
શાન્તિપ્રદં પ્રમથયૂથપતિં નમામિ ॥ ૮ ॥
ભૂતેશ ભૂરિકરુણામૃતપૂરપૂર્ણ-
વારાન્નિધે, વરદ, ભક્તજનૈકબન્ધો । પરમભક્ત
પાયાદ્ભવાન્ પ્રણતમેનમપારઘોર-
સંસારભીતમિહ મામખિલામયેભ્યઃ ॥ ૯ ॥
હે ભૂતનાથ ભગવન્, ભવદીયચારુ-
પાદામ્બુજે ભવતુ ભક્તિરચઞ્ચલા મે ।
નાથાય સર્વજગતાં ભજતાં ભવાબ્ધિ-
પોતાય નિત્યમખિલાઙ્ગભુવે નમસ્તે ॥ ૧૦ ॥
ઇતિ શ્રી શઙ્કરભગવદ્પાદ વિરચિતં
શ્રી શાસ્તાસ્તુતિ દશકં સમ્પૂર્ણમ્ ॥
– Chant Stotra in Other Languages –
Lord Ayyappan Slokam » Sri Shastastutida Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil