॥ Sri Ganapathi Stotram Kannada Lyrics ॥
॥ ಶ್ರೀ ಗಣಪತಿ ಸ್ತೋತ್ರಂ ॥
ಜೇತುಂ ಯಸ್ತ್ರಿಪುರಂ ಹರೇಣ ಹರಿಣಾ ವ್ಯಾಜಾದ್ಬಲಿಂ ಬಧ್ನತಾ
ಸ್ತ್ರಷ್ಟುಂ ವಾರಿಭವೋದ್ಭವೇನ ಭುವನಂ ಶೇಷೇಣ ಧರ್ತುಂ ಧರಮ್ ।
ಪಾರ್ವತ್ಯಾ ಮಹಿಷಾಸುರಪ್ರಮಥನೇ ಸಿದ್ಧಾಧಿಪೈಃ ಸಿದ್ಧಯೇ
ಧ್ಯಾತಃ ಪಂಚಶರೇಣ ವಿಶ್ವಜಿತಯೇ ಪಾಯಾತ್ ಸ ನಾಗಾನನಃ ॥ ೧ ॥
ವಿಘ್ನಧ್ವಾಂತನಿವಾರಣೈಕತರಣಿರ್ವಿಘ್ನಾಟವೀಹವ್ಯವಾಟ್
ವಿಘ್ನವ್ಯಾಲಕುಲಾಭಿಮಾನಗರುಡೋ ವಿಘ್ನೇಭಪಂಚಾನನಃ ।
ವಿಘ್ನೋತ್ತುಙ್ಗಗಿರಿಪ್ರಭೇದನಪವಿರ್ವಿಘ್ನಾಂಬುಧೇರ್ವಾಡವೋ
ವಿಘ್ನಾಘೌಧಘನಪ್ರಚಂಡಪವನೋ ವಿಘ್ನೇಶ್ವರಃ ಪಾತು ನಃ ॥ ೨ ॥
ಖರ್ವಂ ಸ್ಥೂಲತನುಂ ಗಜೇಂದ್ರವದನಂ ಲಂಬೋದರಂ ಸುಂದರಂ
ಪ್ರಸ್ಯಂದನ್ಮದಗಂಧಲುಬ್ಧಮಧುಪವ್ಯಾಲೋಲಗಂಡಸ್ಥಲಮ್ ।
ದಂತಾಘಾತವಿದಾರಿತಾರಿರುಧಿರೈಃ ಸಿಂದೂರಶೋಭಾಕರ
ವಂದೇ ಶೈಲಸುತಾಸುತಂ ಗಣಪತಿಂ ಸಿದ್ಧಿಪ್ರದಂ ಕಾಮದಮ್ ॥ ೩ ॥
ಗಜಾನನಾಯ ಮಹಸೇ ಪ್ರತ್ಯೂಹತಿಮಿರಚ್ಛಿದೇ ।
ಅಪಾರಕರುಣಾಪೂರತರಂಗಿತದೃಶೇ ನಮಃ ॥ ೪ ॥
ಅಗಜಾನನಪದ್ಮಾರ್ಕಂ ಗಜಾನನಮಹರ್ನಿಶಮ್ ।
ಅನೇಕದಂ ತಂ ಭಕ್ತಾನಾಮೇಕದಂತಮುಪಾಸ್ಮಹೇ ॥ ೫ ॥
ಶ್ವೇತಾಂಗಂ ಶ್ವೇತವಸ್ತ್ರಂ ಸಿತಕುಸುಮಗಣೈಃ ಪೂಜಿತಂ ಶ್ವೇತಗಂಧೈಃ
ಕ್ಷೀರಾಬ್ಧೌ ರತ್ನದೀಪೈಃ ಸುರನರತಿಲಕಂ ರತ್ನಸಿಂಹಾಸನಸ್ಥಮ್ ।
ದೋರ್ಭಿಃ ಪಾಶಾಂಕುಶಾಬ್ಜಾಭಯವರಮನಸಂ ಚಂದ್ರಮೌಲಿಂ ತ್ರಿನೇತ್ರಂ
ಧ್ಯಾಯೇಚ್ಛಾಂತ್ಯರ್ಥಮೀಶಂ ಗಣಪತಿಮಮಲಂ ಶ್ರೀಸಮೇತಂ ಪ್ರಸನ್ನಮ್ ॥ ೬ ॥
ಆವಾಹಯೇ ತಂ ಗಣರಾಜದೇವಂ ರಕ್ತೋತ್ಪಲಾಭಾಸಮಶೇಷವಂದ್ಯಮ್ ।
ವಿಘ್ನಾಂತಕಂ ವಿಘ್ನಹರಂ ಗಣೇಶಂ ಭಜಾಮಿ ರೌದ್ರಂ ಸಹಿತಂ ಚ ಸಿದ್ಧ್ಯಾ ॥ ೭ ॥
ಯಂ ಬ್ರಹ್ಮ ವೇದಾಂತವಿದೋ ವದಂತಿ ಪರಂ ಪ್ರಧಾನಂ ಪುರುಷಂ ತಥಾಽನ್ಯೇ ।
ವಿಶ್ವೋದ್ಗತೇಃ ಕಾರಣಮೀಶ್ವರಂ ವಾ ತಸ್ಮೈ ನಮೋ ವಿಘ್ನವಿನಾಶನಾಯ ॥ ೮ ॥
ವಿಘ್ನೇಶ ವೀರ್ಯಾಣಿ ವಿಚಿತ್ರಕಾಣಿ ವಂದೀಜನೈರ್ಮಾಗಧಕೈಃ ಸ್ಮೃತಾನಿ ।
ಶ್ರುತ್ವಾ ಸಮುತ್ತಿಷ್ಠ ಗಜಾನನ ತ್ವಂ ಬ್ರಾಹ್ಮೇ ಜಗನ್ಮಂಗಲಕಂ ಕುರುಷ್ವ ॥ ೯ ॥
ಗಣೇಶ ಹೇರಂಬ ಗಜಾನನೇತಿ ಮಹೋದರ ಸ್ವಾನುಭವಪ್ರಕಾಶಿನ್ ।
ವರಿಷ್ಠ ಸಿದ್ಧಿಪ್ರಿಯ ಬುದ್ಧಿನಾಥ ವದಂತ ಏವಂ ತ್ಯಜತ ಪ್ರಭೀತೀಃ ॥ ೧೦ ॥
ಅನೇಕವಿಘ್ನಾಂತಕ ವಕ್ರತುಂಡ ಸ್ವಸಂಜ್ಞವಾಸಿಂಶ್ಚ ಚತುರ್ಭುಜೇತಿ ।
ಕವೀಶ ದೇವಾಂತಕನಾಶಕಾರಿನ್ ವದಂತ ಏವಂ ತ್ಯಜತ ಪ್ರಭೀತೀಃ ॥ ೧೧ ॥
ಅನಂತಚಿದ್ರೂಪಮಯಂ ಗಣೇಶಂ ಹ್ಯಭೇದಭೇದಾದಿವಿಹೀನಮಾದ್ಯಮ್ ।
ಹೃದಿ ಪ್ರಕಾಶಸ್ಯ ಧರಂ ಸ್ವಧೀಸ್ಥಂ ತಮೇಕದಂತಂ ಶರಣಂ ವ್ರಜಾಮಃ ॥ ೧೨ ॥
ವಿಶ್ವಾದಿಭೂತಂ ಹೃದಿ ಯೋಗಿನಾಂ ವೈ ಪ್ರತ್ಯಕ್ಷರೂಪೇಣ ವಿಭಾಂತಮೇಕಮ್ ।
ಸದಾ ನಿರಾಲಂಬಸಮಾಧಿಗಮ್ಯಂ ತಮೇಕದಂತಂ ಶರಣಂ ವ್ರಜಾಮಃ ॥ ೧೩ ॥
ಯದೀಯವೀರ್ಯೇಣ ಸಮರ್ಥಭೂತಾ ಮಾಯಾ ತಯಾ ಸಂರಚಿತಂ ಚ ವಿಶ್ವಮ್ ।
ನಾಗಾತ್ಮಕಂ ಹ್ಯಾತ್ಮತಯಾ ಪ್ರತೀತಂ ತಮೇಕದಂತಂ ಶರಣಂ ವ್ರಜಾಮಃ ॥ ೧೪ ॥
ಸರ್ವಾಂತರೇ ಸಂಸ್ಥಿತಮೇಕಮೂಢಂ ಯದಾಜ್ಞಯಾ ಸರ್ವಮಿದಂ ವಿಭಾತಿ ।
ಅನಂತರೂಪಂ ಹೃದಿ ಬೋಧಕಂ ವೈ ತಮೇಕದಂತಂ ಶರಣಂ ವ್ರಜಾಮಃ ॥ ೧೫ ॥
ಯಂ ಯೋಗಿನೋ ಯೋಗಬಲೇನ ಸಾಧ್ಯಂ ಕುರ್ವಂತಿ ತಂ ಕಃ ಸ್ತವನೇನ ನೌತಿ ।
ಅತಃ ಪ್ರಣಾಮೇನ ಸುಸಿದ್ಧಿದೋಽಸ್ತು ತಮೇಕದಂತಂ ಶರಣಂ ವ್ರಜಾಮಃ ॥ ೧೬ ॥
ದೇವೇಂದ್ರಮೌಲಿಮಂದಾರಮಕರಂದಕಣಾರುಣಾಃ ।
ವಿಘ್ನಾನ್ ಹರಂತು ಹೇರಂಬಚರಣಾಂಬುಜರೇಣವಃ ॥ ೧೭ ॥
ಏಕದಂತಂ ಮಹಾಕಾಯಂ ಲಂಬೋದರಗಜಾನನಮ್ ।
ವಿಘ್ನನಾಶಕರಂ ದೇವಂ ಹೇರಂಬಂ ಪ್ರಣಮಾಮ್ಯಹಮ್ ॥ ೧೮ ॥
ಯದಕ್ಷರ ಪದ ಭ್ರಷ್ಟಂ ಮಾತ್ರಾಹೀನಂ ಚ ಯದ್ಭವೇತ್ ।
ತತ್ಸರ್ವಂ ಕ್ಷಮ್ಯತಾಂ ದೇವ ಪ್ರಸೀದ ಪರಮೇಶ್ವರ ॥ ೧೯ ॥
ಇತಿ ಶ್ರೀ ಗಣಪತಿ ಸ್ತೋತ್ರಂ ಸಂಪೂರ್ಣಮ್ ।
– Chant Stotra in Other Languages –
Sri Ganesh Stotram – Sri Ganapathi Stotram in English – Sanskrit – Kannada – Telugu – Tamil