॥ Mrutyunjaya Maanasa Puja Stotram Kannada Lyrics ॥
॥ ಮೃತ್ಯುಞ್ಜಯ ಮಾನಸ ಪೂಜಾ ಸ್ತೋತ್ರಮ್ ॥
ಶಿವಾಯ ನಮಃ ॥
ಮೃತ್ಯುಞ್ಜಯಮಾನಸಪೂಜಾಸ್ತೋತ್ರಮ್ ।
ಕೈಲಾಸೇ ಕಮನೀಯರತ್ನಖಚಿತೇ ಕಲ್ಪದ್ರುಮೂಲೇ ಸ್ಥಿತಂ
ಕರ್ಪೂರಸ್ಫಟಿಕೇನ್ದುಸುನ್ದರತನುಂ ಕಾತ್ಯಾಯನೀಸೇವಿತಮ್ ।
ಗಙ್ಗಾತುಙ್ಗತರಙ್ಗರಞ್ಜಿತ ಜಟಾಭಾರಂ ಕೃಪಾಸಾಗರಂ
ಕಣ್ಠಾಲಙ್ಕೃತಶೇಷಭೂಷಣಮಮುಂ ಮೃತ್ಯುಞ್ಜಯಂ ಭಾವಯೇ ॥ ೧ ॥
ಆಗತ್ಯ ಮೃತ್ಯುಞ್ಜಯ ಚನ್ದ್ರಮೌಲೇ ವ್ಯಾಘ್ರಾಜಿನಾಲಙ್ಕೃತ ಶೂಲಪಾಣೇ ।
ಸ್ವಭಕ್ತಸಂರಕ್ಷಣಕಾಮಧೇನೋ ಪ್ರಸೀದ ವಿಶ್ವೇಶ್ವರ ಪಾರ್ವತೀಶ ॥ ೨ ॥
ಭಾಸ್ವನ್ಮೌಕ್ತಿಕತೋರಣೇ ಮರಕತಸ್ತಮ್ಭಾಯುತಾಲಙ್ಕೃತೇ
ಸೌಧೇ ಧೂಪಸುವಾಸಿತೇ ಮಣಿಮಯೇ ಮಾಣಿಕ್ಯದೀಪಾಞ್ಚಿತೇ ।
ಬ್ರಹ್ಮೇನ್ದ್ರಾಮರಯೋಗಿಪುಙ್ಗವಗಣೈರ್ಯುಕ್ತೇ ಚ ಕಲ್ಪದ್ರುಮೈಃ
ಶ್ರೀಮೃತ್ಯುಞ್ಜಯ ಸುಸ್ಥಿರೋ ಭವ ವಿಭೋ ಮಾಣಿಕ್ಯಸಿಂಹಾಸನೇ ॥ ೩ ॥
ಮನ್ದಾರಮಲ್ಲೀಕರವೀರಮಾಧವೀಪುನ್ನಾಗನೀಲೋತ್ಪಲಚಮ್ಪಕಾನ್ವಿತೈಃ ।
ಕರ್ಪೂರಪಾಟೀರಸುವಾಸಿತೈರ್ಜಲೈರಾಧತ್ಸ್ವ ಮೃತ್ಯುಞ್ಜಯ ಪಾದ್ಯಮುತ್ತಮಮ್ ॥ ೪ ॥
ಸುಗನ್ಧಪುಷ್ಪಪ್ರಕರೈಃ ಸುವಾಸಿತೈರ್ವಿಯನ್ನದೀಶೀತಳವಾರಿಭಿಃ ಶುಭೈಃ ।
ತ್ರಿಲೋಕನಾಥಾರ್ತಿಹರಾರ್ಘ್ಯಮಾದರಾದ್ಗೃಹಾಣ ಮೃತ್ಯುಞ್ಜಯ ಸರ್ವವನ್ದಿತ ॥ ೫ ॥
ಹಿಮಾಮ್ಬುವಾಸಿತೈಸ್ತೋಯೈಃ ಶೀತಳೈರತಿಪಾವನೈಃ ।
ಮೃತ್ಯುಞ್ಜಯ ಮಹಾದೇವ ಶುದ್ಧಾಚಮನಮಾಚರ ॥ ೬ ॥
ಗುಡದಧಿಸಹಿತಂ ಮಧುಪ್ರಕೀರ್ಣಂ ಸುಘೃತಸಮನ್ವಿತಧೇನುದುಗ್ಧಯುಕ್ತಮ್ ।
ಶುಭಕರ ಮಧುಪರ್ಕಮಾಹರ ತ್ವಂ ತ್ರಿನಯನ ಮೄತ್ಯುಹರ ತ್ರಿಲೋಕವನ್ದ್ಯ ॥ ೭ ॥
ಪಞ್ಚಾಸ್ತ್ರ ಶಾನ್ತ ಪಞ್ಚಾಸ್ಯ ಪಞ್ಚಪಾತಕಸಂಹರ ।
ಪಞ್ಚಾಮೃತಸ್ನಾನಮಿದಂ ಕುರು ಮೃತ್ಯುಞ್ಜಯ ಪ್ರಭೋ ॥ ೮।
ಜಗತ್ರಯೀಖ್ಯಾತಸಮಸ್ತತೀರ್ಥಸಮಾಹೃತೈಃ ಕಲ್ಮಷಹಾರಿಭಿಶ್ಚ ।
ಸ್ನಾನಂ ಸುತೋಯೈಃ ಸಮುದಾಚರ ತ್ವಂ ಮೃತ್ಯುಞ್ಜಯಾನನ್ತಗುಣಾಭಿರಾಮ ॥ ೯ ॥
ಆನೀತೇನಾತಿಶುಭ್ರೇಣ ಕೌಶೇಯೇನಾಮರದ್ರುಮಾತ್ ।
ಮಾರ್ಜಯಾಮಿ ಜಟಾಭಾರಂ ಶಿವ ಮೃತ್ಯುಞ್ಜಯ ಪ್ರಭೋ ॥ ೧೦ ॥
ನಾನಾಹೇಮವಿಚಿತ್ರಾಣಿ ಚರಿಚೀನಾಮ್ಬರಾಣಿ ಚ
ವಿವಿಧಾನಿ ಚ ದಿವ್ಯಾನಿ ಮೃತ್ಯುಞ್ಜಯ ಸುಧಾರಯ ॥ ೧೧ ॥
ವಿಶುದ್ಧಮುಕ್ತಾಫಲಜಾಲರಮ್ಯಂ ಮನೋಹರಂ ಕಾಞ್ಚನಹೇಮಸೂತ್ರಮ್ ।
ಯಜ್ಞೋಪವೀತಂ ಪರಮಂ ಪವಿತ್ರಮಾಧತ್ಸ್ವ ಮೃತ್ಯುಞ್ಜಯ ಭಕ್ತಿಗಮ್ಯ ॥ ೧೨ ॥
ಶ್ರೀಗನ್ಧಂ ಘನಸಾರಕುಙ್ಕುಮಯುತಂ ಕಸ್ತೂರಿಕಾಪೂರಿತಂ
ಕಾಲೇಯೇನ ಹಿಮಾಮ್ಬುನಾ ವಿರಚಿತಂ ಮನ್ದಾರಸಂವಾಸಿತಮ್ ।
ದಿವ್ಯಂ ದೇವ ಮನೋಹರಂ ಮಣಿಮಯೇ ಪಾತ್ರೇ ಸಮಾರೋಪಿತಂ
ಸರ್ವಾಙ್ಗೇಷು ವಿಲೇಪಯಾಮಿ ಸತತಂ ಮೃತ್ಯುಞ್ಜಯ ಶ್ರೀವಿಭೋ ॥ ೧೩ ॥
ಅಕ್ಷತೈರ್ಧವಳೈರ್ದಿವ್ಯೈಃ ಸಮ್ಯಕ್ತಿಲಸಮನ್ವಿತೈಃ ।
ಮೃತ್ಯುಞ್ಜಯ ಮಹಾದೇವ ಪೂಜಯಾಮಿ ವೃಷಧ್ವಜ ॥ ೧೪ ॥
ಚಮ್ಪಕಪಙ್ಕಜಕುನ್ದೈಃ ಕರವೀರಮಲ್ಲಿಕಾಕುಸುಮೈಃ ।
ವಿಸ್ತಾರಯ ನಿಜಮುಕುಟಂ ಮೃತ್ಯುಞ್ಜಯ ಪುಣ್ಡರೀಕನಯನಾಪ್ತ ॥ ೧೫ ॥
ಮಾಣಿಕ್ಯಪಾದುಕಾದ್ವನ್ದ್ವೇ ಮೌನಿಹೃತ್ಪದ್ಮಮನ್ದಿರೇ ।
ಪಾದೌ ಸತ್ಪದ್ಮಸದೃಶೌ ಮೃತ್ಯುಞ್ಜಯ ನಿವೇಶಯ ॥ ೧೬ ॥
ಮಾಣಿಕ್ಯಕೇಯೂರಕಿರೀಟಹಾರೈಃ ಕಾಞ್ಚೀಮಣಿಸ್ಥಾಪಿತಕುಡ್ಮಲೈಶ್ಚ ।
ಮಞ್ಜೀರಮುಖ್ಯಾಭರಣೈರ್ಮನೋಜ್ಞೈರಙ್ಗಾನಿ ಮೃತ್ಯುಞ್ಜಯ ಭೂಷಯಾಮಿ ॥ ೧೭ ॥
ಗಜವದನ ಸ್ಕನ್ದಧೃತೇನಾತಿಸ್ವಚ್ಛೇನ ಚಾಮರಯುಗೇನ ।
ಗಲದಲಕಾನನಪದ್ಮಂ ಮೃತ್ಯುಞ್ಜಯ ಭಾವಯಾಮಿ ಹೃತ್ಪದ್ಮೇ ॥ ೧೮ ॥
ಮುಕ್ತಾತಪತ್ರಂ ಶಶಿಕೋಟಿಶುಭ್ರಂ ಶುಭಪ್ರದಂ ಕಾಞ್ಚನ ದಣ್ಡಯುಕ್ತಮ್ ।
ಮಾಣಿಕ್ಯಸಂಸ್ಥಾಪಿತಹೇಮಕುಮ್ಭಂ ಸುರೇಶಮೃತ್ಯುಞ್ಜಯ ತೇಽರ್ಪಯಾಮಿ ॥ ೧೯ ॥
ಮಣಿಮುಕುರೇ ನಿಷ್ಪಟಲೇ ತ್ರಿಜಗದ್ಗಢಾನ್ಧಕಾರಸಪ್ತಾಶ್ವೇ ।
ಕನ್ದರ್ಪಕೋಟಿಸದೃಶಂ ಮೃತ್ಯುಞ್ಜಯ ಪಶ್ಯ ವದನಮಾತ್ಮೀಯಮ್ ॥ ೨೦ ॥
ಕರ್ಪೂರಚೂರ್ಣಂ ಕಪಿಲಾಜ್ಯಪೂತಂ ದಾಸ್ಯಾಮಿ ಕಾಲೇಯಸಮನ್ವಿತೈಶ್ಚ ।
ಸಮುದ್ಭವಂ ಪಾವನಗನ್ಧಧೂಪಿತಂ ಮೄತ್ಯುಞ್ಜಯಾಙ್ಗಂ ಪರಿಕಲ್ಪಯಾಮಿ ॥ ೨೧ ॥
ವರ್ತಿತ್ರಯೋಪೇತಮಖಣ್ಡದೀಪ್ತ್ಯಾ ತಮೋಹರಂ ಬಾಹ್ಯಮಥಾನ್ತರಂ ಚ ।
ರಾಜ್ಯಂ ಸಮಸ್ತಾಮರವರ್ಗಹೃದ್ಯಂ ಸುರೇಶಮೃತ್ಯುಞ್ಜಯ ವಂಶದೀಪಮ್ ॥ ೨೨ ॥
ರಾಜಾನ್ನಂ ಮಧುರಾನ್ವಿತಂ ಚ ಮೃದುಳಂ ಮಾಣಿಕ್ಯಪಾತ್ರೇ ಸ್ಥಿತಂ
ಹಿಙ್ಗೂಜೀರಕಸನ್ಮರೀಚಮಿಲಿತಃ ಶಾಕೈರನೇಕೈಃ ಶುಭೈಃ ।
ಶಾಕಂ ಸಮ್ಯಗಪೂಪಪೂಪಸಹಿತಂ ಸದ್ಯೋಘೃತೇನಾಪ್ಲುತಂ
ಶ್ರೀಮೃತ್ಯುಞ್ಜಯ ಪಾರ್ವತೀಪ್ರಿಯ ವಿಭೋ ಸಾಪೋಶನಂ ಭುಜ್ಯತಾಮ್ ॥ ೨೩ ॥
ಕೂಷ್ಮಾಣ್ಡವಾರ್ತಾಕಪಟೋಲಿಕಾನಾಂ ಫಲಾನಿ ರಮ್ಯಾಣಿ ಚ ಕಾರವೇಲ್ಲ್ಯಾಃ ।
ಸುಪಾಕಯುಕ್ತಾನಿ ಸಸೌರಭಾಣಿ ಶ್ರೀಕಣ್ಠ ಮೃತ್ಯುಞ್ಜಯ ಭಕ್ಷಯೇಶ ॥ ೨೪ ॥
ಶೀತಳಂ ಮಧುರಂ ಸ್ವಚ್ಛಂ ಪಾವನಂ ವಾಸಿತಂ ಲಘು ।
ಮಧ್ಯೇ ಸ್ವೀಕುರು ಪಾನೀಯಂ ಶಿವ ಮೃತ್ಯುಞ್ಜಯ ಪ್ರಭೋ ॥ ೨೫ ॥
ಶರ್ಕರಾಮಿಲಿತಂ ಸ್ನಿಗ್ಧಂ ದುಗ್ಧಾನ್ನಂ ಗೋಘೃತಾನ್ವಿತಮ್ ।
ಕದಳೀಫಲಸಂಮಿಶ್ರಂ ಭುಜ್ಯತಾಂ ಮ್ರ‍ೃತ್ಯುಸಂಹರ ॥ ೨೬ ॥
ಕೇವಲಮತಿಮಾಧುರ್ಯಂ ದುಗ್ಧೈಃ ಸ್ನಿಗ್ಧೈಶ್ಚ ಶರ್ಕರಾಮಿಲಿತೈಃ ।
ಏಲಾಮರೀಚಮಿಲಿತಂ ಮೃತ್ಯುಞ್ಜಯ ದೇವ ಭುಙ್ಕ್ಷ್ವ ಪರಮಾನ್ನಮ್ ॥ ೨೭ ॥
ರಮ್ಭಾಚೂತಕಪಿತ್ಥಕಣ್ರ‍್ಟಕಫಲೈರ್ದ್ರಾಕ್ಷಾರಸಸ್ವಾದುಮತ್-
ಖರ್ಜೂರೈರ್ಮಧುರೇಕ್ಷುಖಣ್ಡಶಕಲೈಃ ಸನ್ನಾರಿಕೇಲಾಮ್ಬುಭಿಃ ।
ಕರ್ಪೂರೇಣ ಸುವಾಸಿತೈರ್ಗುಡಜಲೈರ್ಮಾಧುರ್ಯಯುಕ್ತೈರ್ವಿಭೋ
ಶ್ರೀಮೃತ್ಯುಞ್ಜಯ ಪೂರಯ ತ್ರಿಭುವನಾಧಾರಂ ವಿಶಾಲೋದರಮ್ ॥ ೨೮ ॥
ಮನೋಜ್ಞರಮ್ಭಾವನಖಣ್ಡಖಣ್ಡಿತಾನ್ ರುಚಿಪ್ರದಾನ್ಸರ್ಷಪಜೀರಕಾಂಶ್ಚ ।
ಸಸೌರಭನ್ಸೈನ್ಧವಸೇವಿತಾಂಶ್ಚ ಗೃಹಾಣ ಮೃತ್ಯುಞ್ಜಯ ಲೋಕವನ್ದ್ಯ ॥ ೨೯ ॥
ಹಿಙ್ಗೂಜೀರಕಸಹಿತಂ ವಿಮಲಾಮಲಕಂ ಕಪಿತ್ಥಮತಿಮಧುರಮ್ ।
ಬಿಸಖಣ್ಡಾಂಲ್ಲವಣಯುತಾನ್ಮೃತ್ಯುಞ್ಜಯ ತೇಽರ್ಪಯಾಮಿ ಜಗದೀಶ ॥ ೩೦ ॥
ಏಲಾಶುಣ್ಠೀಸಹಿತಂ ದಧ್ಯನ್ನಂ ಚಾರು ಹೇಮಪಾತ್ರಸ್ಥಮ್ ।
ಅಮೃತಪ್ರತಿನಿಧಿಮಾಢ್ಯಂ ಮೃತ್ಯುಞ್ಜಯ ಭುಜ್ಯತಾಂ ತ್ರಿಲೋಕೇಶ ॥ ೩೧ ॥
ಜಮ್ಬೀರನೀರಾಞ್ಚಿತಶೃಙ್ಗಬೇರಂ ಮನೋಹರಾನಮ್ಲಶಲಾಟುಖಣ್ಡಾನ್ ।
ಮೃದೂಪದಂಶಾನ್ಸಹಿತೋಪಭುಙ್ಕ್ಷ್ವ ಮೃತ್ಯುಞ್ಜಯ ಶ್ರೀಕರುಣಾಸಮುದ್ರ ॥ ೩೨ ॥
ನಾಗರರಾಮಠಯುಕ್ತಂ ಸುಲಲಿತಜಮ್ಬೀರನೀರಸಂಪೂರ್ಣಮ್ ।
ಮಥಿತಂ ಸೈನ್ಧವಸಹಿತಂ ಪಿಬ ಹರ ಮೃತ್ಯುಞ್ಜಯ ಕ್ರತುಧ್ವಂಸಿನ್ ॥ ೩೩
ಮನ್ದಾರಹೇಮಾಮ್ಬುಜಗನ್ಧಯುಕ್ತೈರ್ಮನ್ದಾಕಿನೀನಿರ್ಮಲಪುಣ್ಯತೋಯೈಃ ।
ಗೃಹಾಣ ಮೃತ್ಯುಞ್ಜಯ ಪೂರ್ಣಕಾಮ ಶ್ರೀಮತ್ಪರಾಪೋಶನಮಭ್ರಕೇಶ ॥ ೩೪ ॥
ಗಗನಧುನೀವಿಮಲಜಲೈರ್ಮೃತ್ಯುಞ್ಜಯ ಪದ್ಮರಾಗಪಾತ್ರಗತೈಃ ।
ಮೃಗಮದಚನ್ದನಪೂರ್ಣಂ ಪ್ರಕ್ಷಾಳಯ ಚಾರುಹಸ್ತಪದಯುಗ್ಮಮ್ ॥ ೩೫ ॥
ಪುನ್ನಾಗಮಲ್ಲಿಕಾಕುನ್ದವಾಸಿತೈರ್ಜಾಹ್ನವೀಜಲೈಃ
ಮೃತ್ಯುಞ್ಜಯ ಮಹಾದೇವ ಪುನರಾಚಮನಂ ಕುರು ॥ ೩೬ ॥
ಮೌಕ್ತಿಕಚೂರ್ಣಸಮೇತೈರ್ಮೃಗ ಮದಘನಸಾರವಾಸಿತೈಃ ಪೂಗೈಃ ।
ಪಣೈಂಃ ಸ್ವರ್ಣಸಮಾನೈರ್ಮೃತ್ಯುಞ್ಜಯ ತೇಽರ್ಪಯಾಮಿ ತಾಮ್ಬೂಲಮ್ ॥ ೩೭ ॥
ನೀರಾಜನಂ ನಿರ್ಮಲದೀಪ್ತಿಮದ್ಭಿರ್ದೀಪಾಙ್ಕುರೈರುಜ್ಜವಲಮುಚ್ಛ್ರಿತೈಶ್ಚ ।
ಘಣ್ಟಾನಿನಾದೇನ ಸಮರ್ಪಯಾಮಿ ಮೃತ್ಯುಞ್ಜಯಾಯ ತ್ರಿಪುರಾನ್ತಕಾಯ ॥ ೩೮ ॥
ವಿರಿಞ್ಚಿಮುಖ್ಯಾಮರವೃನ್ದವನ್ದಿತೇ ಸರೋಜಮತ್ಸ್ಯಾಙ್ಕಿತಚಕ್ರಚಿಹ್ನಿತೇ ।
ದದಾಮಿ ಮೃತ್ಯುಞ್ಜಯ ಪಾದಪಙ್ಕಜೇ ಫಣೀನ್ದ್ರಭೂಷೇ ಪುನರರ್ಘ್ಯಮೀಶ್ವರ ॥ ೩೯ ॥
ಪುನ್ನಾಗನೀಲೋತ್ಪಲಕುನ್ದಜಾತೀಮನ್ದಾರಮಲ್ಲೀಕರವೀರಪಙ್ಕಜೈಃ ।
ಪುಷ್ಪಾಞ್ಜಲಿಂ ಬಿಲ್ವದಳೈಸ್ತುಳಸ್ಯಾ ಮೃತ್ಯುಞ್ಜಯಾಙ್ಘ್ರೌ ವಿನಿವೇಶಯಾಮಿ ॥ ೪೦ ॥
ಪದೇ ಪದೇ ಸರ್ವತಮೋನಿಕೃನ್ತನಂ ಪದೇ ಪದೇ ಸರ್ವಶುಭಪ್ರದಾಯಕಮ್ ।
ಪ್ರದಕ್ಷಿಣಂ ಭಕ್ತಿಯುತೇನ ಚೇತಸಾ ಕರೋಮಿ ಮೃತ್ಯುಞ್ಜಯ ರಕ್ಷ ರಕ್ಷ ಮಾಮ್ ॥ ೪೧ ॥
ನಮೋ ಗೌರೀಶಾಯ ಸ್ಫಟಿಕಧವಳಾಙ್ಗಾಯ ಚ ನಮೋ ನಮೋ
ಲೋಕೇಶಾಯ ಸ್ತುತವಿಬುಧಲೋಕಾಯ ಚ ನಮಃ ।
ನಮಃ ಶ್ರೀಕಣ್ಠಾಯ ಕ್ಷಪಿತಪುರದೈತ್ಯಾಯ ಚ ನಮೋ ನಮೋ
ಭಾಲಾಕ್ಷಾಯ ಸ್ಮರಮದವಿನಾಶಾಯ ಚ ನಮಃ ॥ ೪೨ ॥
ಸಂಸಾರೇ ಜನಿತಾಪರೋಗಸಹಿತೇ ತಾಪತ್ರಯಾಕ್ರನ್ದಿತೇ
ನಿತ್ಯಂ ಪುತ್ರಕಳತ್ರವಿತ್ತವಿಲಸತ್ಪಾಶೈರ್ನಿಬದ್ಧಂ ದೃಢಮ್ ।
ಗರ್ವಾನ್ಧಂ ಬಹುಪಾಪವರ್ಗಸಹಿತಂ ಕಾರುಣ್ಯದೃಷ್ಟ್ಯಾ ವಿಭೋ
ಶ್ರೀಮೃತ್ಯುಞ್ಜಯ ಪಾರ್ವತೀಪ್ರಿಯ ಸದಾ ಮಾಂ ಪಾಹಿ ಸರ್ವೇಶ್ವರ ॥ ೪೩ ॥
ಸೌಧೇ ರತ್ನಮಯೇ ನವೋತ್ಪಲದಳಾಕ್ರೀರ್ಣೇ ಚ ತಲ್ಪಾನ್ತರೇ
ಕೌಶೇಯೇನ ಮನೋಹರೇಣ ಧವಳೇನಾಚ್ಛಾದಿತೇ ಸರ್ವಶಃ ।
ಕರ್ಪೂರಾಞ್ಚಿತದೀಪದೀಪ್ತಿಮಿಲಿತೇ ರಮ್ಯೋಪಧಾನದ್ವಯೇ
ಪಾರ್ವತ್ಯಾಃ ಕರಪದ್ಮಲಾಲಿತಪದಂ ಮೃತ್ಯುಞ್ಜಯಂ ಭಾವಯೇ ॥ ೪೪ ॥
ಚತುಶ್ಚತ್ವಾರಿಂಶದ್ವಿಲಸದುಪಚಾರೈರಮಿಮತೈರ್ಮನಃಪದ್ಮೇ
ಭಕ್ತ್ಯಾ ಬಹಿರಪಿ ಚ ಪೂಜಾಂ ಶುಭಕರೀಮ್ ಕರೋತಿ ಪ್ರತ್ಯೂಷೇ
ನಿಶಿ ದಿವಸಮಧ್ಯೇಽಪಿ ಚ ಪುಮಾನ್ಪ್ರಯಾತಿ
ಶ್ರೀಮೃತ್ಯುಞ್ಜಯಪದಮನೇಕಾದ್ಭುತಪದಮ್ ॥ ೪೫ ॥
ಪ್ರಾತರ್ಲಿಙ್ಗಮುಮಾಪತೇರಹರಹಃ ಸನ್ದರ್ಶನಾತ್ಸ್ವರ್ಗದಂ
ಮಧ್ಯಾಹ್ನೇ ಹಯಮೇಧತುಲ್ಯಫಲದಂ ಸಾಯನ್ತನೇ ಮೋಕ್ಷದಮ್ ।
ಭಾನೋರಸ್ತಮಯೇ ಪ್ರದೋಷಸಮಯೇ ಪಞ್ಚಕ್ಷರಾರಾಧನಂ
ತತ್ಕಾಲತ್ರಯತುಲ್ಯಮಿಷ್ಟಫಲದಂ ಸದ್ಯೋಽನವದ್ಯಂ ದೃಢಮ್ ॥ ೪೬ ॥
ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ
ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ ಶ್ರೀಮಚ್ಛಙ್ಕರಾಚಾರ್ಯಸ್ಯ
ಕೃತಂ ಶ್ರೀಮೃತ್ಯುಞ್ಜಯ ಮಾನಸಪೂಜಾಸ್ತೋತ್ರಂ ಸಂಪೂರ್ಣಮ್ ॥
– Chant Stotra in Other Languages –
Mrutyunjaya Maanasa Puja Stotram in English – Marathi – Gujarati । Bengali – Kannada – Malayalam – Telugu