Narayaniyam Trisastitamadasakam in Kannada:

॥ ನಾರಾಯಣೀಯಂ ತ್ರಿಷಷ್ಟಿತಮದಶಕಮ್ ॥

ನಾರಾಯಣೀಯಂ ತ್ರಿಷಷ್ಟಿತಮದಶಕಮ್ (೬೩) – ಗೋವರ್ಧನೋದ್ಧಾರಣಮ್

ದದೃಶಿರೇ ಕಿಲ ತತ್ಕ್ಷಣಮಕ್ಷತ-
ಸ್ತನಿತಜೃಂಭಿತಕಮ್ಪಿತದಿಕ್ತಟಾಃ ।
ಸುಷಮಯಾ ಭವದಙ್ಗತುಲಾಂ ಗತಾ
ವ್ರಜಪದೋಪರಿ ವಾರಿಧರಾಸ್ತ್ವಯಾ ॥ ೬೩-೧ ॥

ವಿಪುಲಕರಕಮಿಶ್ರೈಸ್ತೋಯಧಾರಾನಿಪಾತೈ-
ರ್ದಿಶಿ ದಿಶಿ ಪಶುಪಾನಾಂ ಮಣ್ಡಲೇ ದಣ್ಡ್ಯಮಾನೇ ।
ಕುಪಿತಹರಿಕೃತಾನ್ನಃ ಪಾಹಿ ಪಾಹೀತಿ ತೇಷಾಂ
ವಚನಮಜಿತ ಶ್ರುಣ್ವನ್ಮಾ ಬಿಭೀತೇತ್ಯಭಾಣೀಃ ॥ ೬೩-೨ ॥

ಕುಲ ಇಹ ಖಲು ಗೋತ್ರೋ ದೈವತಂ ಗೋತ್ರಶತ್ರೋ-
ರ್ವಿಹತಿಮಿಹ ಸ ರುನ್ಧ್ಯಾತ್ಕೋ ನುಃ ವಃ ಸಂಶಾಯೋಽಸ್ಮಿನ್ ।
ಇತಿ ಸಹಸಿತವಾದೀ ದೇವ ಗೋವರ್ಧನಾದ್ರಿಂ
ತ್ವರಿತಮುದಮುಮೂಲೋ ಮೂಲತೋ ಬಾಲದೋರ್ಭ್ಯಾಮ್ ॥ ೬೩-೩ ॥

ತದನು ಗಿರಿವರಸ್ಯ ಪ್ರೋದ್ಧೃತಸ್ಯಾಸ್ಯ ತಾವತ್
ಸಿಕತಿಲಮೃದುದೇಶೇ ದೂರತೋ ವಾರಿತಾಪೇ ।
ಪರಿಕರಪರಿಮಿಶ್ರಾನ್ಧೇನುಗೋಪಾನಧಸ್ತಾ-
ದುಪನಿದಧದಧತ್ಥಾ ಹಸ್ತಪದ್ಮೇನ ಶೈಲಮ್ ॥ ೬೩-೪ ॥

ಭವತಿ ವಿಧೃತಶೈಲೇ ಬಾಲಿಕಾಭಿರ್ವಯಸ್ಯೈ-
ರಪಿ ವಿಹಿತವಿಲಾಸಂ ಕೇಲಿಲಾಪಾದಿಲೋಲೇ ।
ಸವಿಧಮಿಲಿತಧೇನೂರೇಕಹಸ್ತೇನ ಕಣ್ಡೂ-
ಯತಿ ಸತಿ ಪಶುಪಾಲಾಸ್ತೋಷಮೈಷನ್ತ ಸರ್ವೇ ॥ ೬೩-೫ ॥

ಅತಿಮಹಾನ್ ಗಿರಿರೇಷ ತು ವಾಮಕೇ
ಕರಸರೋರುಹಿ ತೇ ಧರತೇ ಚಿರಮ್ – [**ತಂ ಧರತೇ**]
ಕಿಮಿದಮದ್ಭುತಮದ್ರಿಬಲಂ ನ್ವಿತಿ
ತ್ವದವಲೋಕಿಭಿರಾಕಥಿ ಗೋಪಕೈಃ ॥ ೬೩-೬ ॥

ಅಹಹ ಧಾರ್ಷ್ಟ್ಯಮಮುಷ್ಯ ವಟೋರ್ಗಿರಿಂ
ವ್ಯಥಿತಬಾಹುರಸಾವವರೋಪಯೇತ್ ।
ಇತಿ ಹರಿಸ್ತ್ವಯಿ ಬದ್ಧವಿಗರ್ಹಣೋ
ದಿವಸಸಪ್ತಕಮುಗ್ರಮವರ್ಷಯತ್ ॥ ೬೩-೭ ॥

ಅಚಲತಿ ತ್ವಯಿ ದೇವ ಪದಾತ್ಪದಂ
ಗಲಿತಸರ್ವಜಲೇ ಚ ಘನೋತ್ಕರೇ ।
ಅಪಹೃತೇ ಮರುತಾ ಮರುತಾಂ ಪತಿ-
ಸ್ತ್ವದಭಿಶಙ್ಕಿತಧೀಃ ಸಮುಪಾದ್ರವತ್ ॥ ೬೩-೮ ॥

ಶಮಮುಪೇಯುಷಿ ವರ್ಷಭರೇ ತದಾ
ಪಶುಪಧೇನುಕುಲೇ ಚ ವಿನಿರ್ಗತೇ ।
ಭುವಿ ವಿಭೋ ಸಮುಪಾಹಿತಭೂಧರಃ
ಪ್ರಮುದಿತೈಃ ಪಶುಪೈಃ ಪರಿರೇಭಿಷೇ ॥ ೬೩-೯ ॥

ಧರಣಿಮೇವ ಪುರಾ ಧೃತವಾನಸಿ
ಕ್ಷಿತಿಧರೋದ್ಧರಣೇ ತವ ಕಃ ಶ್ರಮಃ ।
ಇತಿ ನುತಸ್ತ್ರಿದಶೈಃ ಕಮಲಾಪತೇ
ಗುರುಪುರಾಲಯ ಪಾಲಯ ಮಾಂ ಗದಾತ್ ॥ ೬೩-೧೦ ॥

ಇತಿ ತ್ರಿಷಷ್ಟಿತಮದಶಕಂ ಸಮಾಪ್ತಮ್ ।

– Chant Stotras in other Languages –

Narayaneeyam Trisastitamadasakam in English – Kannada – Telugu – Tamil