॥ Navastakam Kannada Lyrics ॥
॥ ನವಾಷ್ಟಕಮ್ ॥
ಗೌರೀಂ ಗೋಷ್ಠವನೇಶ್ವರೀಂ ಗಿರಿಧರಪ್ರಾನಾಧಿಕಪ್ರೇಯಸೀಂ
ಸ್ವೀಯಪ್ರಾಣಪರಾರ್ಧಪುಷ್ಪಪಟಲೀನಿರ್ಮಂಛ್ಯತತ್ಪದ್ಧತಿಮ್ ।
ಪ್ರೇಮ್ಣಾ ಪ್ರಾನವಯಸ್ಯಯಾ ಲಲಿತಯಾ ಸಂಲಾಲಿತಾಂ ನರ್ಮಭಿಃ
ಸಿಕ್ತಾಂ ಸುಷ್ಠು ವಿಶಾಖಯಾ ಭಜ ಮನೋ ರಾಧಾಮಗಾಧಾಂ ರಸೈಃ ॥ 1 ॥
ಸ್ವೀಯಪ್ರೇಷ್ಠಸರೋವರಾನ್ತಿಕವಲತ್ಕುಂಜಾನ್ತರೇ ಸೌರಭೋ-
ತ್ಫುಲ್ಲತ್ಪುಷ್ಪಮರನ್ದಲುಬ್ಧಮಧುಪಶ್ರೇಣೀಧ್ವನಿಭ್ರಾಜಿತೇ ।
ಮಾದ್ಯನ್ಮನ್ಮಥರಾಜ್ಯಕಾರ್ಯಮಸಕೃದ್ಸಮ್ಭಾಲಯನ್ತೀಂ ಸ್ಮರಾ-
ಮಾತ್ಯಶ್ರೀಹರಿಣಾ ಸಮಂ ಭಜ ಮನೋ ರಾಧಾಮಗಾಧಾಂ ರಸೈಃ ॥ 2 ॥
ಕೃಷ್ಣಾಪಂಗತರಂಗತುಂಗಿತತರಾನಂಗಾಸುರಂಗಾಂ ಗಿರಂ
ಭಂಗ್ಯಾ ಲಂಗಿಮಸಂಗರೇ ವಿದಧತೀಂ ಭಂಗಂ ನು ತದ್ರಂಗಿಣಃ ।
ಫುಲ್ಲತ್ಸ್ಮೇರಸಖೀನಿಕಾಯನಿಹಿತಸ್ವಾಶೀಃಸುಧಾಸ್ವಾದನ
ಲಬ್ಧೋನ್ಮಾದಧುರೋದ್ಧುರಾಂ ಭಜ ಮನೋ ರಾಧಾಮಗಾಧಾಂ ರಸೈಃ ॥ 3 ॥
ಜಿತ್ವಾ ಪಾಶಕಕೇಲಿಸಂಗರತರೇ ನಿರ್ವಾದಬಿಮ್ಬಾಧರಂ
ಸ್ಮಿತ್ವಾ ದ್ವಿಃ ಪಣಿತಂ ಧಯತ್ಯಘಹರೇ ಸಾನನ್ದಗರ್ವೋದ್ಧುರೇ ।
ಈಷಾಛೋಣದೃಗನ್ತಕೋಣಮುದಯದ್ರೋಮಂಚಕಮ್ಪಸ್ಮಿತಂ
ನಿಘ್ನನ್ತೀಂ ಕಮಲೇನ ತಂ ಭಜ ಮನೋ ರಾಧಾಮಗಾಧಾಂ ರಸೈಃ ॥ 4 ॥
ಅಂಸೇ ನ್ಯಸ್ಯ ಕರಂ ಪರಂ ಬಕರಿಪೋರ್ಬಾಢಂ ಸುಸಖ್ಯೋನ್ಮದಾಂ
ಪಶ್ಯನ್ತೀಂ ನವಕಾನನಶ್ರಿಯಮಿಮಾಮುದ್ಯದ್ವಸನ್ತೋದ್ಭವಾಮ್ ।
ಪ್ರೀತ್ಯಾ ತತ್ರ ವಿಶಾಖಯಾ ಕಿಶಲಯಂ ನವ್ಯಂ ವಿಕೀರ್ಣಂ ಪ್ರಿಯ-
ಶ್ರೋತ್ರೇ ದ್ರಾಗ್ದಧತೀಂ ಮುದಾ ಭಜ ಮನೋ ರಾಧಾಮಗಾಧಾಂ ರಸೈಃ ॥ 5 ॥
ಮಿಥ್ಯಾಸ್ವಾಪಮನಲ್ಪಪುಷ್ಪಶಯನೇ ಗೋವರ್ಧನಾದ್ರೇರ್ಗುಹಾ-
ಮಧ್ಯೇ ಪ್ರಾಗ್ದಧತೋ ಹರೇರ್ಮುರಲಿಕಾಂ ಹೃತ್ವಾ ಹರನ್ತೀಂ ಸ್ರಜಮ್ ।
ಸ್ಮಿತ್ವಾ ತೇನ ಗೃಹೀತಕಂಠನಿಕಟಾಂ ಭೀತ್ಯಾಪಸಾರೋತ್ಸುಕಾಂ
ಹಸ್ತಾಭ್ಯಾಂ ದಮಿತಸ್ತನೀಂ ಭಜ ಮನೋ ರಾಧಾಮಗಾಧಾಂ ರಸೈಃ ॥ 6 ॥
ತೂರ್ಣಂ ಗಾಃ ಪುರತೋ ವಿಧಾಯ ಸಖಿಭಿಃ ಪೂರ್ಣಂ ವಿಶನ್ತಂ ವ್ರಜೇ
ಘೂರ್ಣದ್ಯೌವತಕಾಂಕ್ಷಿತಾಕ್ಷಿನಟನೈಃ ಪಶ್ಯನ್ತಮಸ್ಯಾ ಮುಖಮ್ ।
ಶ್ಯಾಮಂ ಶ್ಯಾಮದೃಗನ್ತವಿಭ್ರಮಭರೈರಾನ್ದೋಲಯನ್ತೀತರಾಂ
ಪದ್ಮಾಮ್ಲಾನಿಕರೋದಯಾಂ ಭಜ ಮನೋ ರಾಧಾಮಗಾಧಾಂ ರಸೈಃ ॥ 7 ॥
ಪ್ರೋದ್ಯತ್ಕಾನ್ತಿಭರೇಣ ಬಲ್ಲವವಧೂತಾರಾಃ ಪರಾರ್ಧಾತ್ಪರಾಃ
ಕುರ್ವಾಣಾಂ ಮಲಿನಃ ಸದೋಜ್ಜ್ವಲರಸೇ ರಾಸೇ ಲಸನ್ತೀರಪಿ ।
ಗೋಷ್ಠಾರಣ್ಯವರೇಣ್ಯಧನ್ಯಗಗನೇ ಗತ್ಯಾನುರಾಧಾಶ್ರಿತಾಂ
ಗೋವಿನ್ದೇನ್ದುವಿರಾಜಿತಾಂ ಭಜ ಮನೋ ರಾಧಾಮಗಾಧಾಂ ರಸೈಃ ॥ 8 ॥
ಪ್ರೀತ್ಯಾ ಸುಷ್ಠು ನವಾಷ್ಟಕಂ ಪಟುಮತಿರ್ಭೂಮೌ ನಿಪತ್ಯ ಸ್ಫುಟಂ
ಕಾಕ್ವಾ ಗದ್ಗದನಿಸ್ವನೇನ ನಿಯತಂ ಪೂರ್ಣಂ ಪಠೇದ್ಯಃ ಕೃತೀ ।
ಘೂರ್ಣನ್ಮತ್ತಮುಕುನ್ದಭೃಂಗವಿಲಸದ್ರಾಧಾಸುಧಾವಲ್ಲರೀಂ
ಸೇವೋದ್ರೇಕರಸೇಣ ಗೋಷ್ಠವಿಪಿನೇ ಪ್ರೇಮ್ಣಾ ಸ ತಾಂ ಸಿಂಚತಿ ॥ 9 ॥
ಇತಿ ಶ್ರೀರಘುನಾಥದಾಸಗೋಸ್ವಾಮಿವಿರಚಿತಸ್ತವಾವಲ್ಯಾಂ
ನವಾಷ್ಟಕಮ್ ಸಮ್ಪೂರ್ಣಮ್ ।
– Chant Stotra in Other Languages –
Navastakam Lyrics in Sanskrit » English » Bengali » Gujarati » Malayalam » Odia » Telugu » Tamil