॥ Navastakam Telugu Lyrics ॥
॥ నవాష్టకమ్ ॥
గౌరీం గోష్ఠవనేశ్వరీం గిరిధరప్రానాధికప్రేయసీం
స్వీయప్రాణపరార్ధపుష్పపటలీనిర్మఞ్ఛ్యతత్పద్ధతిమ్ ।
ప్రేమ్ణా ప్రానవయస్యయా లలితయా సంలాలితాం నర్మభిః
సిక్తాం సుష్ఠు విశాఖయా భజ మనో రాధామగాధాం రసైః ॥ ౧ ॥
స్వీయప్రేష్ఠసరోవరాన్తికవలత్కుఞ్జాన్తరే సౌరభో-
త్ఫుల్లత్పుష్పమరన్దలుబ్ధమధుపశ్రేణీధ్వనిభ్రాజితే ।
మాద్యన్మన్మథరాజ్యకార్యమసకృద్సమ్భాలయన్తీం స్మరా-
మాత్యశ్రీహరిణా సమం భజ మనో రాధామగాధాం రసైః ॥ ౨ ॥
కృష్ణాపఙ్గతరఙ్గతుఙ్గితతరానఙ్గాసురఙ్గాం గిరం
భఙ్గ్యా లఙ్గిమసఙ్గరే విదధతీం భఙ్గం ను తద్రఙ్గిణః ।
ఫుల్లత్స్మేరసఖీనికాయనిహితస్వాశీఃసుధాస్వాదన
లబ్ధోన్మాదధురోద్ధురాం భజ మనో రాధామగాధాం రసైః ॥ ౩ ॥
జిత్వా పాశకకేలిసఙ్గరతరే నిర్వాదబిమ్బాధరం
స్మిత్వా ద్విః పణితం ధయత్యఘహరే సానన్దగర్వోద్ధురే ।
ఈషాఛోణదృగన్తకోణముదయద్రోమఞ్చకమ్పస్మితం
నిఘ్నన్తీం కమలేన తం భజ మనో రాధామగాధాం రసైః ॥ ౪ ॥
అంసే న్యస్య కరం పరం బకరిపోర్బాఢం సుసఖ్యోన్మదాం
పశ్యన్తీం నవకాననశ్రియమిమాముద్యద్వసన్తోద్భవామ్ ।
ప్రీత్యా తత్ర విశాఖయా కిశలయం నవ్యం వికీర్ణం ప్రియ-
శ్రోత్రే ద్రాగ్దధతీం ముదా భజ మనో రాధామగాధాం రసైః ॥ ౫ ॥
మిథ్యాస్వాపమనల్పపుష్పశయనే గోవర్ధనాద్రేర్గుహా-
మధ్యే ప్రాగ్దధతో హరేర్మురలికాం హృత్వా హరన్తీం స్రజమ్ ।
స్మిత్వా తేన గృహీతకణ్ఠనికటాం భీత్యాపసారోత్సుకాం
హస్తాభ్యాం దమితస్తనీం భజ మనో రాధామగాధాం రసైః ॥ ౬ ॥
తూర్ణం గాః పురతో విధాయ సఖిభిః పూర్ణం విశన్తం వ్రజే
ఘూర్ణద్యౌవతకాఙ్క్షితాక్షినటనైః పశ్యన్తమస్యా ముఖమ్ ।
శ్యామం శ్యామదృగన్తవిభ్రమభరైరాన్దోలయన్తీతరాం
పద్మామ్లానికరోదయాం భజ మనో రాధామగాధాం రసైః ॥ ౭ ॥
ప్రోద్యత్కాన్తిభరేణ బల్లవవధూతారాః పరార్ధాత్పరాః
కుర్వాణాం మలినః సదోజ్జ్వలరసే రాసే లసన్తీరపి ।
గోష్ఠారణ్యవరేణ్యధన్యగగనే గత్యానురాధాశ్రితాం
గోవిన్దేన్దువిరాజితాం భజ మనో రాధామగాధాం రసైః ॥ ౮ ॥
ప్రీత్యా సుష్ఠు నవాష్టకం పటుమతిర్భూమౌ నిపత్య స్ఫుటం
కాక్వా గద్గదనిస్వనేన నియతం పూర్ణం పఠేద్యః కృతీ ।
ఘూర్ణన్మత్తముకున్దభృఙ్గవిలసద్రాధాసుధావల్లరీం
సేవోద్రేకరసేణ గోష్ఠవిపినే ప్రేమ్ణా స తాం సిఞ్చతి ॥ ౯ ॥
ఇతి శ్రీరఘునాథదాసగోస్వామివిరచితస్తవావల్యాం
నవాష్టకమ్ సమ్పూర్ణమ్ ।
– Chant Stotra in Other Languages –
Navastakam Lyrics in Sanskrit » English » Bengali » Gujarati » Kannada » Malayalam » Odia » Tamil