॥ Sri Subrahmanya Ashtakam Gujarati Lyrics ॥
॥ મુરુકાષ્ટકમ્ ॥
ૐ શ્રી ગણેશાય નમઃ
મુરુકષ્ષણ્મુખસ્સ્કન્દઃ સુબ્રહ્મણ્યશ્શિવાત્મજઃ ।
વલ્લીસેનાપતિઃ પાતુ વિઘ્નરાજાનુજસ્સદા ॥ ૧ ॥
મુરુક શ્રીમતાન્નાથ ભોગમોક્ષપ્રદ પ્રભો ।
દેવદેવ મહાસેન પાહિ પાહિ સદા વિભો ॥ ૨ ॥
મુરુકં મુક્તિદં દેવં મુનીનાં મોદકં પ્રભુમ્ ।
મોચકં સર્વદુઃખાનાં મોહનાશં સદા નુમઃ ॥ ૩ ॥
મુરુકેણ મુકુન્દેન મુનીનાં હાર્દવાસિના ।
વલ્લીશેન મહેશેન પાલિતાસ્સર્વદા વયમ્ ॥ ૪ ॥
મુરુકાય નમઃ પ્રાતઃ મુરુકાય નમો નિશિ ।
મુરુકાય નમઃ સાયં મુરુકાય નમો નમઃ ॥ ૫ ॥
મુરુકાત્પરમાત્સત્યાદ્ગાઙ્ગેયાચ્છિખિવાહનાત્ ।
ગુહાત્પરં ન જાનેઽહં તત્વં કિમપિ સર્વદા ॥ ૬ ॥
મુરુકસ્ય મહેશસ્ય વલ્લીસેનાપતેઃ પ્રભોઃ ।
ચિદમ્બરવિલાસસ્ય ચરણૌ સર્વદા ભજે ॥ ૭ ॥
મુરુકે દેવસેનેશે શિખિવાહે દ્વિષડ્ભુજે ।
કૃત્તિકાતનયે શમ્ભૌ સર્વદા રમતાં મનઃ ॥ ૮ ॥
ઇતિ મુરુકાષ્ટકં સમ્પૂર્ણમ્ ॥
– Chant Stotra in Other Languages –
Sri Subrahmanya / Kartikeya / Muruga Sahasranamani » Sri Muruga Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil