Common Shlokas Used For Recitation Set 2 In Odia

॥ Common Shlokas for Recitation Set 2 ॥

॥ ଶ୍ଲୋକ ସଂଗ୍ରହ ୨ ॥

ସରସ୍ଵତୀ ନମସ୍ତୁଭ୍ୟଂ ଵରଦେ କାମରୂପିଣି ।
ଵିଦ୍ୟାରମ୍ଭଂ କରିଷ୍ୟାମି ସିଦ୍ଧିର୍ଭଵତୁ ମେ ସଦା ॥

Oh Goddess Sarasvati, my humble prostrations unto
Thee, who are the fulfiller of all my wishes.
I start my studies with the request that Thou wilt
bestow Thy blessings on me .

ଆକାଶାତ୍ ପତିତଂ ତୋୟଂ ୟଥା ଗଚ୍ଛତି ସାଗରମ୍ ।
ସର୍ଵଦେଵନମସ୍କାରାନ୍ କେଶଵଂ ପ୍ରତିଗଚ୍ଛତି ॥

ଦୀପଜ୍ୟୋତିଃ ପରବ୍ରହ୍ମ ଦୀପଜ୍ୟୋତିର୍ଜନାର୍ଦନଃ ।
ଦୀପୋ ହରତୁ ମେ ପାପଂ ଦୀପଜ୍ୟୋତିର୍ନମୋଽସ୍ତୁତେ ॥

ଗଣନାଥସରସ୍ଵତୀରଵିଶୁକ୍ରବୃହସ୍ପତୀନ୍ ।
ପଂଚୈତାନ୍ ସଂସ୍ମରେନ୍ନିତ୍ୟଂ ଵେଦଵାଣୀପ୍ରଵୃତ୍ତୟେ ।
ସୁମୁଖଶ୍ଚ ଏକଦଂତଶ୍ଚ କପିଲୋ ଗଜକର୍ଣକଃ ।
ଲମ୍ବୋଦରଶ୍ଚ ଵିକଟୋ ଵିଘ୍ନନାଶୋ ଗଣାଧିପଃ ॥

ଧୂମ୍ରକେତୁର୍ଗଣାଧ୍ୟକ୍ଷୋ ଭାଲଚନ୍ଦ୍ରୋ ଗଜାନନଃ ।
ଦ୍ଵାଦଶୈତାନି ନାମାନି ୟଃ ପଠେଚ୍ଛୃଣୁୟାଦପି ॥

ଵିଦ୍ୟାରମ୍ଭେ ଵିଵାହେ ଚ ପ୍ରଵେଶେ ନିର୍ଗମେ ତଥା ।
ସଂଗ୍ରାମେ ସଂକଟେ ଚୈଵ ଵିଘ୍ନସ୍ତସ୍ୟ ନ ଜାୟତେ ॥

ଶୁକ୍ଲାମ୍ବରଧରଂ ଦେଵଂ ଶଶିଵର୍ଣଂ ଚତୁର୍ଭୁଜମ୍ ।
ପ୍ରସନ୍ନଵଦନଂ ଧ୍ୟାୟେତ୍ ସର୍ଵଵିଘ୍ନୋପଶାନ୍ତୟେ ॥

ସର୍ଵଦା ସର୍ଵକାର୍ୟେଷୁ ନାସ୍ତି ତେଷାମମଙ୍ଗଲମ୍ ।
ୟେଷଂ ହୃଦିସ୍ଥୋ ଭଗଵାନ୍ ମଙ୍ଗଲାୟତନଂ ହରିଃ ॥

ତଦେଵ ଲଗ୍ନଂ ସୁଦିନଂ ତଦେଵ
ତାରାବଲଂ ଚଂଦ୍ରବଲଂ ତଦେଵ ।
ଵିଦ୍ୟାବଲଂ ଦୈଵବଲଂ ତଦେଵ
ଲକ୍ଷ୍ମୀପତେ ତେଂଽଘ୍ରିୟୁଗଂ ସ୍ମରାମି ॥

କାୟେନ ଵାଚା ମନସେନ୍ଦ୍ରିୟୈର୍ଵା
ବୁଦ୍ଧ୍ୟାତ୍ମନା ଵା ପ୍ରକୃତେଃ ସ୍ଵଭାଵାତ୍ ।
କରୋମି ୟଦ୍ୟଦ୍ ସକଲଂ ପରସ୍ମୈ
ନାରାୟଣାୟେତି ସମର୍ପୟାମି ॥

See Also  Sharabhesha Ashtakam In Odia

ହରିର୍ଦାତା ହରିର୍ଭୋକ୍ତା ହରିରନ୍ନଂ ପ୍ରଜାପତିଃ ।
ହରିଃ ସର୍ଵଃ ଶରୀରସ୍ଥୋ ଭୁଙ୍କ୍ତେ ଭୋଜୟତେ ହରିଃ ॥

କର୍ପୂରଗୌରଂ କରୁଣାଵତାରଂ
ସଂସାରସାରଂ ଭୁଜଗେନ୍ଦ୍ରହାରମ୍ ।
ସଦା ଵସନ୍ତଂ ହୃଦୟାରଵିନ୍ଦେ
ଭଵଂ ଭଵାନୀସହିତଂ ନମାମି ॥

॥ ଶ୍ରୀରାମାୟଣସୂତ୍ର ॥

ଆଦୌ ରାମତପୋଵନାଦିଗମନଂ ହତ୍ଵା ମୃଗଂ କାଞ୍ଚନମ୍
ଵୈଦେହୀହରଣଂ ଜଟାୟୁମରଣମ୍ ସୁଗ୍ରୀଵସମ୍ଭାଷଣମ୍ ॥

ଵାଲୀନିର୍ଦଲନଂ ସମୁଦ୍ରତରଣଂ ଲଙ୍କାପୁରୀଦାହନମ୍
ପଶ୍ଚାଦ୍ରାଵଣକୁମ୍ଭକର୍ଣହନନଂ ଏତଦ୍ଧିରାମାୟଣମ୍ ॥

॥ ଶ୍ରୀଭାଗଵତସୂତ୍ର ॥

ଆଦୌ ଦେଵକିଦେଵିଗର୍ଭଜନନଂ ଗୋପୀଗୃହେ ଵର୍ଧନମ୍
ମାୟାପୂତନଜୀଵିତାପହରଣଂ ଗୋଵର୍ଧନୋଦ୍ଧାରଣମ୍ ॥

କଂସଚ୍ଛେଦନକୌରଵାଦିହନନଂ କୁଂତୀସୁତାଂ ପାଲନମ୍
ଏତଦ୍ଭାଗଵତଂ ପୁରାଣକଥିତଂ ଶ୍ରୀକୃଷ୍ଣଲୀଲାମୃତମ୍ ॥

॥ ଗୀତାସ୍ତଵ ॥

ପାର୍ଥାୟ ପ୍ରତିବୋଧିତାଂ ଭଗଵତା ନାରାୟଣେନ ସ୍ଵୟମ୍
ଵ୍ୟାସେନଗ୍ରଥିତାଂ ପୁରାଣମୁନିନା ମଧ୍ୟେ ମହାଭାରତେ
ଅଦ୍ଵୈତାମୃତଵର୍ଷିଣୀଂ ଭଗଵତୀମଷ୍ଟାଦଶାଧ୍ୟାୟିନୀମ୍
ଅମ୍ବ ତ୍ଵାମନୁସନ୍ଦଧାମି ଭଗଵଦ୍ଗୀତେ ଭଵେଦ୍ଵେଷିଣୀମ୍ ॥

ସର୍ଵୋପନିଷଦୋ ଗାଵୋ ଦୋଗ୍ଧା ଗୋପାଲନନ୍ଦନଃ ।
ପାର୍ଥୋ ଵତ୍ସଃ ସୁଧୀର୍ଭୋକ୍ତା ଦୁଗ୍ଧଂ ଗୀତାମୃତଂ ମହତ୍ ॥

॥ ଵ୍ୟାସସ୍ତୁତୀ ॥

ନମୋସ୍ତୁ ତେ ଵ୍ୟାସ ଵିଶାଲବୁଦ୍ଧେ ଫୁଲ୍ଲାରଵିନ୍ଦାୟତପତ୍ରନେତ୍ର ।
ୟେନ ତ୍ଵୟା ଭାରତତୈଲପୂର୍ଣଃ ପ୍ରଜ୍ଵାଲିତୋ ଜ୍ଞାନମୟପ୍ରଦୀପଃ ॥

ଵ୍ୟାସାୟ ଵିଷ୍ଣୁରୂପାୟ ଵ୍ୟାସରୂପାୟ ଵିଷ୍ଣଵେ ।
ନମୋଵୈ ବ୍ରହ୍ମନିଧୟେ ଵାସିଷ୍ଠାୟ ନମୋନମଃ ॥

॥ ଶ୍ରୀଦତ୍ତଗୁରୁଧ୍ୟାନମ୍ ॥

ବ୍ରହ୍ମାନଂଦଂ ପରମସୁଖଦଂ କେଵଲଂ ଜ୍ଞାନମୂର୍ତିଂ
ଦ୍ଵଂଦ୍ଵାତୀତଂ ଗଗନସଦୃଶଂ ତତ୍ତ୍ଵମସ୍ୟାଦିଲକ୍ଷ୍ୟମ୍ ।
ଏକଂ ନିତ୍ୟଂ ଵିମଲମଚଲଂ ସର୍ଵଧୀସାକ୍ଷିଭୂତଂ
ଭାଵାତୀତଂ ତ୍ରିଗୁଣରହିତଂ ସଦ୍ଗୁରୁଂ ତଂ ନମାମି ॥

ୟଂ ବ୍ରହ୍ମାଵରୁଣେନ୍ଦ୍ରରୁଦ୍ରମରୁତଃ ସ୍ତୁଵନ୍ତି ଦିଵ୍ୟୈଃ ସ୍ତଵୈଃ
ଵେଦୈଃ ସାଙ୍ଗପଦକ୍ରମୋପନିଷଦୈଃ ଗାୟନ୍ତି ୟଂ ସାମଗାଃ ।
ଧ୍ୟାନାଵସ୍ଥିତତଦ୍ଗତେନ ମନସା ପଶ୍ୟନ୍ତି ୟଂ ୟୋଗିନୋ
ୟସ୍ୟାନ୍ତଂ ନ ଵିଦୁଃ ସୁରାସୁରଗଣା ଦେଵାୟ ତସ୍ମୈ ନମଃ ॥

See Also  1000 Names Of Sri Bala 1 – Sahasranamavali Stotram In Odia

ମୂକଂ କରୋତି ଵାଚାଲଂ ପଙ୍ଗୁଂ ଲଙ୍ଘୟତେ ଗିରିମ୍ ।
ୟତ୍କୃପା ତମହଂ ଵନ୍ଦେ ପରମାନନ୍ଦମାଧଵମ୍ ॥

ଶ୍ରୀକେଶଵାୟ ନମଃ । ନାରାୟଣାୟ ନମଃ । ମାଧଵାୟ ନମଃ ।
ଗୋଵିଂଦାୟ ନମଃ । ଵିଷ୍ଣଵେ ନମଃ । ମଧୁସୂଦନାୟ ନମଃ ।
ତ୍ରିଵିକ୍ରମାୟ ନମଃ । ଵାମନାୟ ନମଃ । ଶ୍ରୀଧରାୟ ନମଃ ।
ହୃଷୀକେଶାୟ ନମଃ । ପଦ୍ମନାଭାୟ ନମଃ । ଦାମୋଦରାୟ ନମଃ ।
ସଂକର୍ଷଣାୟ ନମଃ । ଵାସୁଦେଵାୟ ନମଃ । ପ୍ରଦ୍ୟୁମ୍ନାୟ ନମଃ ।
ଅନିରୁଦ୍ଧାୟ ନମଃ । ପୁରୁଷୋତ୍ତମାୟ ନମଃ । ଅଧୋକ୍ଷଜାୟ ନମଃ ।
ନାରସିଂହାୟ ନମଃ । ଅଚ୍ୟୁତାୟ ନମଃ । ଜନାର୍ଦନାୟ ନମଃ ।
ଉପେନ୍ଦ୍ରାୟ ନମଃ । ହରୟେ ନମଃ । ଶ୍ରୀକୃଷ୍ଣାୟ ନମଃ ।
॥ ଦେଵତାଵଂଦନମ୍ ॥

ଶ୍ରୀମନ୍ମହାଗଣାଧିପତୟେ ନମଃ ।
ଶ୍ରୀ ସରସ୍ଵତ୍ୟୈ ନମଃ । ଶ୍ରୀଗୁରଵେ ନମଃ ।
ଶ୍ରୀମାତାପିତୃଭ୍ୟାଂ ନମଃ ।
ଶ୍ରୀଲକ୍ଷ୍ମୀନାରାୟଣାଭ୍ୟାଂ ନମଃ ।
ଶ୍ରୀଉମାମହେଶ୍ଵରାଭ୍ୟାଂ ନମଃ ।
ଇଷ୍ଟଦେଵତାଭ୍ୟୋ ନମଃ । କୁଲଦେଵତାଭ୍ୟୋ ନମଃ ।
ସ୍ଥାନଦେଵତାଭ୍ୟୋ ନମଃ । ଵାସ୍ତୁଦେଵତାଭ୍ୟାଂ ନମଃ ।
ସରେଵେଭ୍ୟୋ ଦେଵେଭ୍ୟୋ ନମୋ ନମଃ ॥ ଅଵିଘ୍ନମସ୍ତୁ ॥

॥ ଓଂ ତତ୍ସତ୍ ଇତି ॥

– Chant Stotra in Other Languages -Common Shlokas Set 2:
Common Shlokas Used for Recitation Set 2 in SanskritEnglishBengaliGujaratiKannadaMalayalam – Odia – TeluguTamil