॥ Dakshinamurti Varnamala Stotram Odia Lyrics ॥
॥ ଦକ୍ଷିଣାମୂର୍ତିବର୍ଣମାଲାସ୍ତୋତ୍ରମ୍ ॥
ଦକ୍ଷିଣାମୂର୍ତିଚତୁର୍ୱିଂଶତିବର୍ଣମାଲାସ୍ତୋତ୍ରମ୍ ।
ଓଁମିତ୍ୟେତଦ୍ୟସ୍ୟ ବୁଧୈର୍ନାମ ଗୃହୀତଂ
ଯଦ୍ଭାସେଦଂ ଭାତି ସମସ୍ତଂ ବିୟଦାଦି ।
ଯସ୍ୟାଜ୍ଞାତଃ ସ୍ୱସ୍ୱପଦସ୍ଥା ବିଧିମୁଖ୍ୟା-
ସ୍ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୧ ॥
ନମ୍ରାଙ୍ଗାଣାଂ ଭକ୍ତିମତାଂ ଯଃ ପୁରୁଷାର୍ଥା-
ନ୍ଦତ୍ୱା କ୍ଷିପ୍ରଂ ହନ୍ତି ଚ ତତ୍ସର୍ୱବିପତ୍ତୀଃ ।
ପାଦାମ୍ଭୋଜାଧସ୍ତନିତାପସ୍ମୃତିମୀଶଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୨ ॥
ମୋହଧ୍ୱସ୍ତ୍ୟୈ ବୈଣିକବୈୟାସିକିମୁଖ୍ୟାଃ
ସଂବିନ୍ମୁଦ୍ରାପୁସ୍ତକବୀଣାକ୍ଷଗୁଣାନ୍ୟମ୍ ।
ହସ୍ତାମ୍ଭୋଜୈର୍ବିଭ୍ରତମାରାଧିତବନ୍ତ-
ସ୍ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୩ ॥
ଭଦ୍ରାରୂଢଂ ଭଦ୍ରଦମାରାଧୟିତୃଣାଂ
ଭକ୍ତିଶ୍ରଦ୍ଧାପୂର୍ୱକମୀଶଂ ପ୍ରଣମନ୍ତି ।
ଆଦିତ୍ୟା ଯଂ ବାଞ୍ଛିତସିଦ୍ଧ୍ୟୈ କରୁଣାବ୍ଧିଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୪ ॥
ଗର୍ଭାନ୍ତଃସ୍ଥାଃ ପ୍ରାଣିନ ଏତେ ଭବପାଶ-
ଚ୍ଛେଦେ ଦକ୍ଷଂ ନିଶ୍ଚିତବନ୍ତଃ ଶରଣଂ ଯମ୍ ।
ଆରାଧ୍ୟାଙ୍ଘ୍ରିପ୍ରସ୍ଫୁରଦମ୍ଭୋରୁହୟୁଗ୍ମଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୫ ॥
ବକ୍ତ୍ରଂ ଧନ୍ୟାଃ ସଂସୃତିବାର୍ଧେରତିମାତ୍ରା-
ଦ୍ଭୀତାଃ ସନ୍ତଃ ପୂର୍ଣଶଶାଙ୍କଦ୍ୟୁତି ଯସ୍ୟ ।
ସେବେନ୍ତେଽଧ୍ୟାସୀନମନନ୍ତଂ ବଟମୂଲଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୬ ॥
ତେଜଃସ୍ତୋମୈରଙ୍ଗଦସଂଘଟ୍ଟିତଭାସ୍ୱ-
ନ୍ମାଣିକ୍ୟୋତ୍ଥୈର୍ଭାସିତବିଶ୍ୱୋ ରୁଚିରୈର୍ୟଃ ।
ତେଜୋମୂର୍ତିଂ ଖାନିଲତେଜଃପ୍ରମୁଖାବ୍ଧିଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୭ ॥
ଦଧ୍ୟାଜ୍ୟାଦିଦ୍ରବ୍ୟକକର୍ମାଣ୍ୟଖିଲାନି
ତ୍ୟକ୍ତ୍ୱା କାଙ୍କ୍ଷା କର୍ମଫଲେଷ୍ୱତ୍ର କରୋତି ।
ଯଜ୍ଜିଜ୍ଞାସାଂ ରୂପଫଲାର୍ଥୀ କ୍ଷିତିଦେବ-
ସ୍ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୮ ॥
କ୍ଷିପ୍ରଂ ଲୋକେ ଯଂ ଭଜମାନଃ ପୃଥୁପୁଣ୍ୟଃ
ପ୍ରଧ୍ୱସ୍ତାଧିଃ ପ୍ରୋଜ୍ଝିତସଂସୃତ୍ୟଖିଲାର୍ତିଃ ।
ପ୍ରତ୍ୟଗ୍ଭୂତଂ ବ୍ରହ୍ମ ପରଂ ସନ୍ରମତେ ଯ-
ସ୍ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୯ ॥
ଣାନେତ୍ୟେବଂ ଯନ୍ମନୁମଧ୍ୟସ୍ଥିତବର୍ଣା-
ନ୍ଭକ୍ତାଃ କାଲେ ବର୍ଣଗୃହୀତ୍ୟୈ ପ୍ରଜପନ୍ତଃ ।
ମୋଦନ୍ତେ ସଂପ୍ରାପ୍ତସମସ୍ତଶ୍ରୁତିତନ୍ତ୍ରା-
ସ୍ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୧୦ ॥
ମୂର୍ତିଶ୍ଛାୟାନିର୍ଜିତମନ୍ଦାକିନିକୁନ୍ଦ-
ପ୍ରାଲେୟାମ୍ଭୋରାଶିସୁଧାଭୂତିସୁରେଭା ।
ଯସ୍ୟାଭ୍ରାଭା ହାସବିଧୌ ଦକ୍ଷଶିରୋଧି-
ସ୍ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୧୧ ॥
ତପ୍ତସ୍ୱର୍ଣଚ୍ଛାୟଜଟାଜୂଟକଟାହ-
ପ୍ରୋଦ୍ୟଦ୍ୱୀଚୀବଲ୍ଲିବିରାଜତ୍ସୁରସିନ୍ଧୁମ୍ ।
ନିତ୍ୟଂ ସୂକ୍ଷ୍ମଂ ନିତ୍ୟନିରସ୍ତାଖିଲଦୋଷଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୧୨ ॥
ଯେନ ଜ୍ଞାତେନୈବ ସମସ୍ତଂ ବିଦିତଂ ସ୍ୟା-
ଦ୍ୟସ୍ମାଦନ୍ୟଦ୍ୱସ୍ତୁ ଜଗତ୍ୟାଂ ଶଶଶୃଙ୍ଗମ୍ ।
ଯଂ ପ୍ରାପ୍ତାନାଂ ନାସ୍ତି ପରଂ ପ୍ରାପ୍ୟମନାଦିଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୧୩ ॥
ମତ୍ତୋ ମାରୋ ଯସ୍ୟ ଲଲାଟାକ୍ଷିଭବାଗ୍ନି-
ସ୍ଫୂର୍ଜତ୍କୀଲପ୍ରୋଷିତଭସ୍ମୀକୃତଦେହଃ ।
ତଦ୍ଭସ୍ମାସୀଦ୍ୟସ୍ୟ ସୁଜାତଃ ପଟବାସ-
ସ୍ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୧୪ ॥
ହ୍ୟମ୍ଭୋରାଶୌ ସଂସୃତିରୂପେ ଲୁଠତାଂ ତ-
ତ୍ପାରଂ ଗନ୍ତୁଂ ଯତ୍ପଦଭକ୍ତିର୍ଦୃଢନୌକା ।
ସର୍ୱାରାଧ୍ୟଂ ସର୍ୱଗମାନନ୍ଦପୟୋନିଧିଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୧୫ ॥
ମେଧାବୀ ସ୍ୟାଦିନ୍ଦୁବତଂସଂ ଧୃତବୀଣଂ
କର୍ପୂରାଭଂ ପୁସ୍ତକହସ୍ତଂ କମଲାକ୍ଷମ୍ ।
ଚିତ୍ତେ ଧ୍ୟାୟନ୍ୟସ୍ୟ ବପୁର୍ଦ୍ରାଙ୍ନିମିଷାର୍ଧଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୧୬ ॥
ଧାମ୍ନାଂ ଧାମ ପ୍ରୌଢରୁଚୀନାଂ ପରମଂ ଯ-
ତ୍ସୂର୍ୟାଦୀନାଂ ଯସ୍ୟ ସ ହେତୁର୍ଜଗଦାଦେଃ ।
ଏତାବାନ୍ୟୋ ଯସ୍ୟ ନ ସର୍ୱେଶ୍ୱରମୀଡ୍ୟଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୧୭ ॥
ପ୍ରତ୍ୟାହାରପ୍ରାଣନିରୋଧାଦିସମର୍ଥୈ-
ର୍ଭକ୍ତୈର୍ଦାନ୍ତୈଃ ସଂୟତଚିତ୍ତୈର୍ୟତମାନୈଃ ।
ସ୍ୱାତ୍ମତ୍ୱେନ ଜ୍ଞାୟତ ଏବ ତ୍ୱରୟା ଯ-
ସ୍ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୧୮ ॥
ଜ୍ଞାଂଶୀଭୂତାନ୍ପ୍ରାଣିନ ଏତାନ୍ଫଲଦାତା
ଚିତ୍ତାନ୍ତଃସ୍ଥଃ ପ୍ରେରୟତି ସ୍ୱେ ସକଲେଽପି ।
କୃତ୍ୟେ ଦେବଃ ପ୍ରାକ୍ତନକର୍ମାନୁସରଃ ସଂ-
ସ୍ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୧୯ ॥
ପ୍ରଜ୍ଞାମାତ୍ରଂ ପ୍ରାପିତସଂବିନ୍ନିଜଭକ୍ତଂ
ପ୍ରାଣାକ୍ଷାଦେଃ ପ୍ରେରୟିତାରଂ ପ୍ରଣବାର୍ଥମ୍ ।
ପ୍ରାହୁଃ ପ୍ରାଜ୍ଞା ବିଦିତାନୁଶ୍ରବତତ୍ତ୍ୱା-
ସ୍ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୨୦ ॥
ଯସ୍ୟାଂଜ୍ଞାନାଦେବ ନୃଣାଂ ସଂସୃତିବୋଧୋ
ଯସ୍ୟ ଜ୍ଞାନାଦେବ ବିମୋକ୍ଷୋ ଭବତୀତି ।
ସ୍ପଷ୍ଟଂ ବ୍ରୂତେ ବେଦଶିରୋ ଦେଶିକମାଦ୍ୟଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୨୧ ॥
ଛନ୍ନେଽବିଦ୍ୟାରୂପପଟେନୈବ ଚ ବିଶ୍ୱଂ
ଯତ୍ରାଧ୍ୟସ୍ତଂ ଜୀବପରେଶତ୍ୱମପୀଦମ୍ ।
ଭାନୋର୍ଭାନୁଷ୍ୱମ୍ବୁବଦସ୍ତାଖିଲଭେଦଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୨୨ ॥
ସ୍ୱାପସ୍ୱପ୍ନୌ ଜାଗ୍ରଦବସ୍ଥାପି ନ ଯତ୍ର
ପ୍ରାଣଶ୍ୱେତଃ ସର୍ୱଗତୋ ଯଃ ସକଲାତ୍ମା ।
କୂଟସ୍ଥୋ ଯଃ କେବଲସଚ୍ଚିତ୍ସୁଖରୂପ-
ସ୍ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୨୩ ॥
ହା ହେତ୍ୟେବଂ ବିସ୍ମୟମୀୟୁର୍ମୁନିମୁଖ୍ୟା
ଜ୍ଞାତେ ଯସ୍ମିନ୍ସ୍ୱାତ୍ମତୟାନାତ୍ମବିମୋହଃ ।
ପ୍ରତ୍ୟଗ୍ଭୂତେ ବ୍ରହ୍ମଣି ଯାତଃ କଥମିତ୍ଥଂ
ତଂ ପ୍ରତ୍ୟଞ୍ଚଂ ଦକ୍ଷିଣବକ୍ତ୍ରଂ କଲୟାମି ॥ ୨୪ ॥
ଯୈଷା ରମ୍ୟୈର୍ମତ୍ତମୟୂରାଭିଧବୃତ୍ତୈ-
ରାଦୌ କ୍ଲୃପ୍ତା ଯନ୍ମନୁବର୍ଣୈର୍ମୁନିଭଙ୍ଗୀ ।
ତାମେବୈତାଂ ଦକ୍ଷିଣବକ୍ତ୍ରଃ କୃପୟାସା-
ବୂରୀକୁର୍ୟାଦ୍ଦେଶିକସମ୍ରାଟ୍ ପରମାତ୍ମା ॥ ୨୫ ॥
ଇତି ଶ୍ରୀମତ୍ପରମହଂସପରିବ୍ରଜକାଚାର୍ୟସ୍ୟ
ଶ୍ରିଗୋବିନ୍ଦଭଗବତ୍ପୂଜ୍ୟପାଦଶିଷ୍ୟସ୍ୟ
ଶ୍ରୀମଚ୍ଛଂକରଭଗବତଃ କୃତୌ
ଶ୍ରୀଦକ୍ଷିଣାମୂର୍ତିବର୍ଣମାଲାସ୍ତୋତ୍ରଂ ସଂପୂର୍ଣମ୍ ॥
– Chant Stotra in Other Languages –
Shiva Stotram » Si Dakshinamurthy Stotras » Dakshinamurthy Varnamala Stotram in Sanskrit » English » Marathi » Bengali » Gujarati » Kannada » Malayalam » Telugu » Tamil