Kamala Trishati – 300 Names Of Kamala In Odia

॥ Kamala Trishati Odia Lyrics ॥

॥ କମଲାତ୍ରିଶତୀ ॥

ଗଙ୍ଗାଧରମଖିଵିରଚିତା ।
ପରମାଭରଣଂ ଵିଷ୍ଣୋର୍ଵକ୍ଷସି ସା ସାଗରେନ୍ଦ୍ରଵରପୁତ୍ରୀ ।
ୟା ମୂର୍ତିର୍ମତୀ କାଲେ କ୍ଷମା ଜନାନାଂ କୃତାପରାଧାନାମ୍ ॥ ୧ ॥

ସା ନଃ ଶ୍ରେୟୋ ଦଦ୍ୟାତ୍ କମଲା କମଲାସନାଦିଜନନୀଂ ୟାମ୍ ।
ସଂପ୍ରାପ୍ୟ ସହଚରୀଂ ହରିରଵତି ଜଗନ୍ତ୍ୟନାକୁଲଂ ସତତମ୍ ॥ ୨ ॥

ନିତ୍ୟଶ୍ରେୟୋଦାନେ ଖ୍ୟାତା ୟା ହରିଗୃହସ୍ୟ ସର୍ଵସ୍ଵମ୍ ।
ଶ୍ରୁତିମୌଲିସ୍ତୁତଵିଭଵା ସା ଭାତୁ ପୁରଃ ସଦାସ୍ମାକମ୍ ॥ ୩ ॥

ଵିଷ୍ଣୁକ୍ରୀଡାଲୋଲା ଵିଖ୍ୟାତା ଦୀନରକ୍ଷଣେ ଲକ୍ଷ୍ମୀଃ ।
ଜନନୀ ନଃ ସ୍ଫୁରତୁ ସଦା ତେନ ଵୟଂ କିଲ କୃତାର୍ଥାଃ ସ୍ମଃ ॥ ୪ ॥

ନିର୍ଵାଣାଙ୍କୁରଜନନୀ କାଲେ ସା ସାର୍ଵଭୌମପଦଦୋଗ୍ଧ୍ରୀ ।
ନିରସତିମୋହସମୂହା ମମ ଦୈଵତମାଦୃତଂ ଗୁରୁଭିଃ ॥ ୫ ॥

ଵିଷ୍ଣୋର୍ଵକ୍ଷସି ଲସିତା ଶୀତମୟୂଖସ୍ୟ ସୋଦରୀ କମଲା ।
କମଲାୟତନୟନା ନଃ ପାତୁ ସଦା ପାପରାଶିଭ୍ୟଃ ॥ ୬ ॥

କଵିପରିଷଦା ଚ ଵେଦୈଃ ନିତ୍ୟଂ ସ୍ତୁତନିଜମହୋଦୟା କମଲା ।
ମନସି ମମ ସଂନିଧତ୍ତାଂ ତ୍ଵମିତାନନ୍ଦାୟ ଲୋକନାଥେନ ॥ ୭ ॥

ଦୁଗ୍ଧୋଦଧିତନୟା ସା ଦୁରିତନିହନ୍ତ୍ରୀ କୃତପ୍ରଣାମାନାମ୍ ।
ଆନନ୍ଦପଦଵିଧାତ୍ରୀ ପତ୍ୟା ସାକଂ ପଦେ ପଦେ ଲୋକେ ॥ ୮ ॥

ମନ୍ମଥଜନନୀ ସା ମାମଵତୁ ସରୋଜା(କ୍ଷ)ଗେହିନୀ କମଲା ।
ୟାମାରାଧ୍ୟ ବୁଧେନ୍ଦ୍ରା ଵିଶନ୍ତି ପରମଂ ତୁ ତତ୍ ପଦଂ ଵିଷ୍ଣୋଃ ॥ ୯ ॥

ସତ୍ସୂକ୍ତିକୃତିଵିଧାତ୍ରୀ ନମତାମମ୍ବା ତ୍ରିଲୋକ୍ୟାସ୍ତୁ ।
ନିତ୍ୟପ୍ରସାଦଭୂମ୍ନା ରକ୍ଷତି ମାମାଦରାତ୍ କମଲା ॥ ୧୦ ॥

ମମ ସୂକ୍ତିରଞ୍ଜଲିପୁଟଃ ପ୍ରଣତିଶ୍ଚାନେକସଂଖ୍ୟାକା ।
କୁତୁକାତ୍ କ୍ଷୀରୋଦସୁତାମମିତାନନ୍ଦାୟ ଗାହତେ କମଲାମ୍ ॥ ୧୧ ॥

ୟା ପାରମାର୍ଥ୍ୟସରଣିଃ ସା କମଲା ନିଶ୍ଚିତା ଵେଦୈଃ ।
ସୈଷା ହି ଜଗନ୍ମାତା ସଂସୃତିତାପାପହନ୍ତ୍ରୀ ଚ ॥ ୧୨ ॥

ମନ୍ଦସ୍ମିତମଧୁରାନନମମନ୍ଦସଂତୋଷଦାୟି ଭଜତାଂ ତତ୍ ।
କମଲାରୂପଂ ତେଜୋ ଵିଭାତୁ ନିତ୍ୟଂ ମଦୀୟହୃତ୍କମଲେ ॥ ୧୩ ॥

କାଲେ କ୍ଷପୟତି କମଲା କଟାକ୍ଷଧାଟ୍ୟା ହି ମାମକଂ ଦୁରିତମ୍ ।
ଅତ ଏଵାଶ୍ରିତରକ୍ଷଣଦୀକ୍ଷେତ୍ୟେଵଂ ଜନୋ ଵଦତି ॥ ୧୪ ॥

ନଵନଵହର୍ମ୍ୟଵିଧାତ୍ରୀ ନାକିକିରୀଟାର୍ଚିତା ଚ ସା ଦେଵୀ ।
ଜ୍ୟୋତିର୍ମଣ୍ଡଲଲସିତା ମୁନିହୃଦୟାବ୍ଜାସନା ଚ ସଦ୍ଗତିଦା ॥ ୧୫ ॥

ସଂଵୀକ୍ଷ୍ୟ ଜଲଧିତନୟାଂ ଭୂୟୋ ଭୂୟଃ ପ୍ରଣମ୍ୟ ଭକ୍ତଗଣଃ ।
ନିରସିତଦୁରିତୌଘଃ ସନ୍ ସ୍ତୌତି ମୁଦା ମୋକ୍ଷସିଦ୍ଧୟେ କମଲାମ୍ ॥ ୧୬ ॥

ରାକାନିଶୀଵ ଦେଵ୍ୟାଂ ଦୃଷ୍ଟାୟାଂ ଭକ୍ତଗଣଵାଣୀ ।
ଭଜତେ ଜଲନିଧିଶୈଲୀଂ ସାଙ୍ଗୋପାଙ୍ଗଂ କୃତାନନ୍ଦା ॥ ୧୭ ॥

ଦୁର୍ଗତିଭୀତ୍ୟା ଖିନ୍ନଃ ସୋଽହଂ ଶରଣଂ ଭଜାମି ତାଂ କମଲାମ୍ ।
ଶରଣାର୍ଥିନାଂ ହି ରକ୍ଷାକୃଦିତି ଖ୍ୟାତା ହି ୟା ଲୋକେ ॥ ୧୮ ॥

ନ ହି କଲୟତେ ହୃଦନ୍ତେ ମନ୍ଦାରଂ କାମଧେନୁଂ ଵା ।
ୟଃ ସେଵତେ ମୁକୁନ୍ଦପ୍ରିୟାଂ ଶ୍ରିୟଂ ନିତ୍ୟଭାଵେନ ॥ ୧୯ ॥

କୈଟଭମର୍ଦନମହିଷୀଂ ମମାଞ୍ଜଲିର୍ଗାହତାଂ କାଲେ ।
ନ ହି ନାଥନୀୟମତ୍ର କ୍ଷମାତଲେ ସା ପ୍ରସନ୍ନାସ୍ତୁ ॥ ୨୦ ॥

ସଂତାପପୀଡିତଂ ମାମଵତୁ ସଦା ଶ୍ରୀର୍ହରିପ୍ରିୟା ମାତା ।
ରକ୍ଷିତଵାୟସମୁଖ୍ୟା କୃପାନିଧିଃ ପୁଣ୍ୟକୃଦ୍ଦୃଶ୍ୟା ॥ ୨୧ ॥

ନ ହି କେଵଲଂ ପ୍ରଣାମୈଃ ସ୍ତୁତ୍ୟା ଭକ୍ତ୍ୟା ସମାରାଧ୍ୟା ।
ସତ୍ୟେନ ଧର୍ମନିଵହୈର୍ଭାଵେନ ଚ କମଲଗେହିନୀ କମଲା ॥ ୨୨ ॥

କଦାଚିତ୍କଵିଲୋକେଽପ୍ୟକ୍ଷୀଣାନନ୍ଦଦାୟିନୀ କମଲା ।
ରକ୍ଷତୁ କଟାକ୍ଷକଲିକାଙ୍କୂରୈର୍ଭକ୍ତାନିହାଦରତଃ ॥ ୨୩ ॥

କଲିପାପଗ୍ଲପିତାନାଂ ମୁରମର୍ଦନଦିଵ୍ୟଗେହିନୀ ଲକ୍ଷ୍ମୀଃ ।
ରାଜତି ଶରଣଂ ପରମଂ ଵଶୀକୃତେଶା ଚ ଵିବୁଧଗଣସେଵ୍ୟା ॥ ୨୪ ॥

ନିତ୍ୟୋଲ୍ଲସଦୁରୁମାଲା ଵକ୍ଷସି କମଲା ହରେର୍ଭାତି ।
ନିଜତନୁଭାସା ଦ୍ୟୋତିତକୌସ୍ତୁଭମଣିରମ୍ବୁଧେସ୍ତନୟା ॥ ୨୫ ॥

ମାତର୍ମଙ୍ଗଲଦାୟିନ୍ୟମରେନ୍ଦ୍ରଵଧୂସମର୍ଚିତାଙ୍ଘ୍ରିୟୁଗେ ।
ମାଂ ପାହ୍ୟପାୟନିଵହାତ୍ ସଂତତମକଲକ୍ଷମାମୂର୍ତେ ॥ ୨୬ ॥

ୟଦି କଲିତା ଚୋପେକ୍ଷା ନଶ୍ୟେତ୍ କିଲ ତାଵକୀ ମହତୀ ।
କୀର୍ତିରତୋଽମ୍ବ କଟାକ୍ଷୈଃ ପରିଷିଞ୍ଚ ମୁଦା ମୁହୁଃ ଶୀତୈଃ ॥ ୨୭ ॥

ଧନଧାନ୍ୟସୁତାଦିରୁଚିଗ୍ରସ୍ତଂ ମାଂ ପାହି କମଲେ ତ୍ଵମ୍ ।
ତେନୋର୍ଜିତକୀର୍ତିଃ ସ୍ୟା ମାତସ୍ତ୍ଵଂ ସର୍ଵରକ୍ଷିଣୀ ଖ୍ୟାତା ॥ ୨୮ ॥

ତଵ ପାଦାମ୍ବୁଜୟୁଗଲଧ୍ୟାନଂ ମାତର୍ମଦୀୟମଘମାଶୁ ।
କବଲୀକରୋତି କାଲେ ତେନାହଂ ସିଦ୍ଧସଂକଲ୍ପଃ ॥ ୨୯ ॥

ଅଞ୍ଜଲିକଲିକା ହି କୃତା ୟଦି ତସ୍ୟୈ ମୁରନିହନ୍ତୃଦୟିତାୟୈ ।
ରସନାଗ୍ରେ ଖେଲନଭାକ୍ ତସ୍ୟ ତୁ ପୁଂସୋ ଗିରାଂ ଦେଵୀ ॥ ୩୦ ॥

ମାତସ୍ତଵ ମୂର୍ତିରିୟଂ ସୁଧାମୟୀ ନିଶ୍ଚିତା ନିପୁଣୈଃ ।
ୟତ୍ ତଦ୍ଦର୍ଶନଭୂମ୍ନା ନିରସ୍ତତାପା ବୁଧା ଭଵନ୍ତ୍ୟଚିରାତ୍ ॥ ୩୧ ॥

କଲିତଜଗତ୍ତ୍ରୟରକ୍ଷାଭରାଣି ମୟି ଦେଵି ସଂଵିଧେହି ମୁଦା ।
ତ୍ଵଦ୍ଵୀକ୍ଷଣାନି କମଲେ ତେନାହଂ ସିଦ୍ଧସଂକଲ୍ପଃ ॥ ୩୨ ॥

ଵରଦେ ମୁରାରିଦୟିତେ ଜୟନ୍ତି ତେ ଵୀକ୍ଷଣାନି ୟାନି ଦିଵି ।
ସଂପ୍ରାପ୍ୟ ତାନି ମଘଵା ଵିଜିତାରିର୍ଦେଵସଂଘଵନ୍ଦ୍ୟଶ୍ଚ ॥ ୩୩ ॥

ମୋହାନ୍ଧକାରଭାସ୍କରମମ୍ବ କଟାକ୍ଷଂ ଵିଧେହି ମୟି କମଲେ ।
ୟେନାପ୍ତଜ୍ଞାନକଲାଃ ସ୍ତୁଵନ୍ତି ଵିବୁଧାସ୍ତ୍ଵଦୀୟସଦସି କଲମ୍ ॥ ୩୪ ॥

କାମକ୍ରୋଧାଦିମହାସତ୍ତ୍ଵନିରାସଂ କୃପାସାରାତ୍ ।
କୁରୁ ମାତର୍ମମ ସଂସୃତିଭୀତିଂ ଚ ନିରାକୁରୁ ତ୍ଵମେଵାରାତ୍ ॥ ୩୫ ॥

ମୂଢାନାମପି ହୃଦ୍ୟାଂ କଵିତାଂ ଦାତୁଂ ୟଦୀୟପରିଚର୍ୟା ।
ପ୍ରଭଵତି କାଲେ ସା ହି ଶ୍ରୀରମ୍ବା ନଃ ପ୍ରସନ୍ନାସ୍ତୁ ॥ ୩୬ ॥

ଦିଵ୍ୟକ୍ଷେତ୍ରେଷୁ ବୁଧା ଦିନକରମଧ୍ୟେ ଚ ଵେଦମୌଲୌ ଚ ।
ୟତ୍ସ୍ଥାନମିତି ଵଦନ୍ତି ଶ୍ରୀରେଷା ଭାତି ସଂଶ୍ରିତହରିର୍ହି ॥ ୩୭ ॥

ନିଜଲୀଲାକ୍ରାନ୍ତହରୀ ରକ୍ଷତି କମଲା କଟାକ୍ଷଧାଟ୍ୟା ନଃ ।
ଶରଣାର୍ଥିନଶ୍ଚ କାଲେ ଵିହଗୋରଗପଶୁମୁଖାନୁର୍ଵ୍ୟାମ୍ ॥ ୩୮ ॥

ସମରାଙ୍ଗଣେଷୁ ଜୟଦା ତ୍ରିଦଶାନାଂ ମୌଲିଭିର୍ମାନ୍ୟା ।
ଆପଦି ରକ୍ଷଣଦକ୍ଷା ସା କମଲା ନଃ ପ୍ରସନ୍ନାସ୍ତୁ ॥ ୩୯ ॥

ନିତ୍ୟାନନ୍ଦାସନଭାଡ୍ ନଵନିଧିଵନ୍ଦ୍ୟା ଚ ସାଗରେନ୍ଦ୍ରସୁତା ।
ଵିଲସତି ମାଧଵଵକ୍ଷସି ପାଲିତଲୋକତ୍ରୟା ଚ ଜନନୀ ନଃ ॥ ୪୦ ॥

ମୁନିନୁତନିଜପରିପାଟୀ ଵାଗ୍ଧାଟୀ ଦାନଲୋଲୁପା ଭଜତାମ୍ ।
ଶିକ୍ଷିତରିପୁଜନକୋଟୀ ଵିଲସତି ଧୃତଶାତକୁମ୍ଭମୟଶାଟୀ ॥ ୪୧ ॥

ନିଖିଲାଗମଵେଦ୍ୟପଦା ନିତ୍ୟଂ ସଦ୍ଭିଃ ସମାରାଧ୍ୟା ।
ସଂସୃତିପାଶନିହନ୍ତ୍ରୀ ୟା ତସ୍ୟୈ ଚାଞ୍ଜଲିଃ କ୍ରିୟତେ ॥ ୪୨ ॥

ଭୂୟାଂସି ନମାଂସି ମୟା ଭକ୍ତେନ କୃତାନି କମଲଜାଙ୍ଘ୍ରିୟୁଗେ ।
ନିତ୍ୟଂ ଲଗନ୍ତୁ ତେନ ହି ସର୍ଵା ରାଜନ୍ତି ସଂପଦୋ ମାନ୍ୟାଃ ॥ ୪୩ ॥

ନିତ୍ୟଂ ନିର୍ମଲରୂପେ ବରଦେ ଵାରାଶିକନ୍ୟକେ ମାତଃ ।
ସଦ୍ଗଣରକ୍ଷଣଦୀକ୍ଷେ ପାହୀତି ଵଦନ୍ତମାଶୁ ମାଂ ପାହି ॥ ୪୪ ॥

ଭୁଵନଜନନି ତ୍ଵମାରାତ୍ କୃତରକ୍ଷଣସଂତତିଃ କ୍ଷମାମୂର୍ତେ ।
ପ୍ରତିଵସ୍ତୁ ରମେ କଲିତସ୍ଵରୂପଶକ୍ତ୍ୟା ହି ରାଜସେ ଜଗତି ॥ ୪୫ ॥

ଜୟ ଜୟ କଲଶାବ୍ଧିସୁତେ ଜୟ ଜୟ ହରିଵଲ୍ଲଭେ ରମେ ମାତଃ ।
ପ୍ରାତରିତି ଵିବୁଧଵର୍ୟାଃ ପଠନ୍ତି ନାମାନି ତେ ହି ମେ ଗୁରଵଃ ॥ ୪୬ ॥

ନେତ୍ରରୁଚିଵିଜିତଶାରଦପଦ୍ମେ ପଦ୍ମେ ନମସ୍ତୁଭ୍ୟମ୍ ।
ତେନ ଵୟଂ ଗତଵିପଦଃ ସା ମୁକ୍ତିଃ କରଗତା କଲିତା ॥ ୪୭ ॥

ସତତଂ ବଦ୍ଧାଞ୍ଜଲିପୁଟମୁପାସ୍ମହେ ତଚ୍ଛୁଭପ୍ରଦଂ ତେଜଃ ।
ୟତ୍ କମଲୋଦରନିଲୟଂ କମଲାକ୍ଷପ୍ରୀତିଵୀଚିକାପୂରମ୍ ॥ ୪୮ ॥

ସ୍ଫୁରତୁ ମମ ଵଚସି କମଲେ ତ୍ଵଦୀୟଵୈଭଵସୁଧାଧାରା ।
ନିତ୍ୟଂ ଵ୍ୟକ୍ତିଂ ପ୍ରାପ୍ତା ଧୁତନୁତଜନଖେଦଜାଲକା ମହତୀ ॥ ୪୯ ॥

କମଲେ ତଵ ନୁତିଵିଷୟେ ବୁଦ୍ଧିର୍ଜାତା ହି ମେ ସହସା ।
ତେନ ମମ ଭାଗଧେୟଂ ପରିଣତମିତ୍ୟେଵ ନିତ୍ୟସଂତୁଷ୍ଟଃ ॥ ୫୦ ॥

କଵିତାରସପରିମଲିତଂ କରୋତି ଵଦନଂ ନତାନାଂ ୟା ।
ସ୍ତୋତୁଂ ତାଂ ମେ ହ୍ୟାରାତ୍ ସା ଦେଵୀ ସୁପ୍ରସନ୍ନାସ୍ତୁ ॥ ୫୧ ॥

ହରିଗୃହିଣି ତାଵକଂ ନୁତରୂପଂ ୟେ ଭୁଵି ନିଜେ ହୃଦମ୍ଭୋଜେ ।
ଧ୍ୟାୟନ୍ତି ତେଷୁ ଵିବୁଧା ଅପି କଲ୍ପକକୁସୁମମର୍ପୟନ୍ତି ମୁଦା ॥ ୫୨ ॥

ନାନାଵରଦାନକଲାଲୋଲୁପହୃଦୟେ ହୃଦମ୍ଭୁଜସ୍ଥେ ମାମ୍ ।
ରକ୍ଷାପାୟାତ୍ ସହସା କୁରୁ ଭକ୍ତଂ ଦୋଷହୀନଂ ଚ ॥ ୫୩ ॥

ନିଜଘନକେଶରୁଚା ଜିତନୀଲାମ୍ବୁଧରେ ଶଶାଙ୍କସହଜନ୍ମନ୍ ।
ପଦ୍ମେ ତ୍ଵଦୀୟରୂପଂ ମନୋହରଂ ଭାତୁ ମେ ହୃଦୟେ ॥ ୫୪ ॥

ଘନକୁଙ୍କୁମଲସିତାଙ୍ଗଂ ମୁକ୍ତାହାରାଦିଭୂଷିତଂ ମଧୁରମ୍ ।
ମନ୍ଦସ୍ମିତମଧୁରାସ୍ୟଂ ସୂର୍ୟେନ୍ଦୁଵିଲୋଚନଂ ଚ ବୁଧମାନ୍ୟମ୍ ॥ ୫୫ ॥

ନିବିଡକୁଚକୁମ୍ଭୟୁଗଲଂ ନିଜଦୃଗ୍ଜିତହରିଣଶାବକାକ୍ଷିୟୁଗମ୍ ।
ଲୀଲାଗତିଜିତକଲଭଂ ମଧୁଵୈରିମନୋହରଂ ଚ ସୁରମାନ୍ୟମ୍ ॥ ୫୬ ॥

ଦିଶି ଦିଶି ଵିସ୍ତୃତସଂପଦ୍ଵିଲାସମଧୁରଂ ଚ କୁନ୍ଦଦନ୍ତାଲି ।
ମଦନଜନକଂ ଚ ଵିଷ୍ଣୋଃ ସର୍ଵସ୍ଵଂ ସର୍ଵଦାନଚଣମ୍ ॥ ୫୭ ॥

କୁଲଦୈଵତମସ୍ମାକଂ ସଂଵିଦ୍ରୂପଂ ନତାର୍ତିହରରୂପମ୍ ।
ନାନାଦୁର୍ଗତିହରଣକ୍ଷମମମରୀସେଵିତଂ ସକଲମ୍ ॥ ୫୮ ॥

ପଞ୍ଚଦଶଵର୍ଣମାନଂ ପୟୋଜଵକ୍ତ୍ରଂ ପିତାମହସମର୍ଚ୍ୟମ୍ ।
ଜଗଦଵନଜାଗରୂକଂ ହରିହରସଂମାନ୍ୟଵୈଭଵଂ କିମପି ॥ ୫୯ ॥

କରୁଣାପୂରିତନୟନଂ ପରମାନନ୍ଦପ୍ରଦଂ ଚ ପରିଶୁଦ୍ଧମ୍ ।
ଆଗମଗଣସଂଵେଦ୍ୟଂ କୋଶଗୃହଂ ସର୍ଵସଂପଦାଂ ନିତ୍ୟମ୍ ॥ ୬୦ ॥

ମାତସ୍ତାଵକପାଦାମ୍ବୁଜୟୁଗଲଂ ସଂତତଂ ସ୍ଫୁରତୁ ।
ତେନାହଂ ତଵ ରୂପଂ ଦ୍ରକ୍ଷ୍ୟାମ୍ୟାନନ୍ଦସିଦ୍ଧୟେ ସକଲମ୍ ॥ ୬୧ ॥

ଦେଵ୍ୟା କଟାକ୍ଷିତାଃ କିଲ ପୁରୁଷା ଵା ୟୋଷିତଃ ପଶଵଃ ।
ମାନ୍ୟନ୍ତେ ସୁରସଂସଦି କଲ୍ପକକୁସୁମୈଃ କୃତାର୍ହଣାଃ କାଲେ ॥ ୬୨ ॥

ସୁମନୋଵାଞ୍ଛାଦାନେ କୃତାଵଧାନଂ ଧନଂ ଵିଷ୍ଣୋଃ ।
ଧିଷଣାଜାଡ୍ୟାଦିହରଂ ୟଦ୍ଵୀକ୍ଷଣମାମନନ୍ତି ଜଗତି ବୁଧାଃ ॥ ୬୩ ॥

ଅନ୍ତରପି ବହିରୁଦାରଂ ତଵ ରୂପଂ ମନ୍ତ୍ରଦେଵତୋପାସ୍ୟମ୍ ।
ଜନନି ସ୍ଫୁରତୁ ସଦା ନଃ ସଂମାନ୍ୟଂ ଶ୍ରେୟସେ କାଲେ ॥ ୬୪ ॥

ମୁରରିପୁପୁଣ୍ୟଶ୍ରେଣୀପରିପାକଂ ତାଵକଂ ରୂପମ୍ ।
କମଲେ ଜନନି ଵିଶୁଦ୍ଧଂ ଦଦ୍ୟାଚ୍ଛ୍ରେୟୋ ମୁହୁର୍ଭଜତାମ୍ ॥ ୬୫ ॥

ପୁଣ୍ୟଶ୍ରେଣୀ କମଲା ସା ଜନନୀ ଭକ୍ତମାନସେ ସ୍ଥିତିଭାକ୍ ।
ତେଜସ୍ତତିଭିର୍ମୋହିତଭୁଵନା ଭୁଵନାଧିନାଥଗୃହିଣୀୟମ୍ ॥ ୬୬ ॥

ଜଲନିଧିକନ୍ୟାରୂପଂ ହରିମାନ୍ୟଂ ସର୍ଵସଂପଦାଂ ହେତୁଃ ।
ଚିରକୃତସୁକୃତଵିଶେଷାନ୍ନୟନୟୁଗେ ଭାତି ସର୍ଵସ୍ୟ ॥ ୬୭ ॥

ଜଲନିଧିତପଃଫଲଂ ୟନ୍ମୁନିଜନହୃଦୟାବ୍ଜନିତ୍ୟକୃତନୃତ୍ତମ୍ ।
କରୁଣାଲୋଲାପାଙ୍ଗଂ ତତ୍ ତେଜୋ ଭାତୁ ନିଃସମଂ ଵଦନେ ॥ ୬୮ ॥

ଶମିତନତଦୁରିତସଂଘା ହରୟେ ନିଜନେତ୍ରକଲ୍ପିତାନଙ୍ଗା ।
କୃତସୁରଶାତ୍ରଵଭଙ୍ଗା ସା ଦେଵୀ ମଙ୍ଗଲୈସ୍ତୁଙ୍ଗା ॥ ୬୯ ॥

ନିଖିଲାଗମସିଦ୍ଧାନ୍ତଂ ହରିଶୁଦ୍ଧାନ୍ତଂ ସଦା ନୌମି ।
ତେନୈଵ ସର୍ଵସିଦ୍ଧିଃ ଶାସ୍ତ୍ରେଷୁ ଵିନିଶ୍ଚିତା ଵିବୁଧୈଃ ॥ ୭୦ ॥

କୃଷ୍ଣକୃତଵିଵିଧଲୀଲଂ ତଵ ରୂପଂ ମାତରାଦରାନ୍ମାନ୍ୟମ୍ ।
ସ୍ଫୁରତୁ ଵିଲୋଚନୟୁଗଲେ ନିତ୍ୟଂ ସଂପତ୍ସମୃଦ୍ଧ୍ୟୈ ନଃ ॥ ୭୧ ॥

କରୁଣାକଟାକ୍ଷଲହରୀ କାମାୟାସ୍ତୁ ପ୍ରକାମକୃତରକ୍ଷା ।
ଲକ୍ଷ୍ମ୍ୟା ମାଧଵମାନ୍ୟା ସତ୍ସୁଖଦାନେ ଦିଶି ଖ୍ୟାତା ॥ ୭୨ ॥

ଅପଵର୍ଗସିଦ୍ଧୟେ ତ୍ଵାମମ୍ବାମମ୍ଭୋଜଲୋଚନାଂ ଲକ୍ଷ୍ମୀମ୍ ।
ଅଵଲମ୍ବେ ହରିଦୟିତେ ପଦ୍ମାସନମୁଖସୁରେନ୍ଦ୍ରକୃତପୂଜାମ୍ ॥ ୭୩ ॥

ତାଵକକଟାକ୍ଷଲହରୀଂ ନିଧେହି ମୟି ଦେଵି କମଲେ ତ୍ଵମ୍ ।
ତେନ ମନୋରଥସିଧ୍ହିର୍ଭୁଵି ପରମେ ଧାମନି ପ୍ରଚୁରା ॥ ୭୪ ॥

ତ୍ଵାମାଦରେଣ ସତତଂ ଵୀକ୍ଷେମହି ମାତରବ୍ଜକୃତଵାସାମ୍ ।
ଵିଷ୍ଣୋର୍ଵକ୍ଷୋନିଲୟାମକ୍ଷୟସୁଖସିଦ୍ଧୟେ ଲୋକେ ॥ ୭୫ ॥

ସା ନଃ ସିଧ୍ୟତୁ ସିଦ୍ଧ୍ୟୈ ଦେଵାନାଂ ଵାଙ୍ମମନୋଽତୀତା ।
ହରିଗୃହିଣୀ ହରିଣାକ୍ଷୀ ପାଲିତଲୋକତ୍ରୟା ଚ ଜନନୀୟମ୍ ॥ ୭୬ ॥

See Also  Sri Surya Deva Ashtottara Sata Namavali In Odia

ସକଲଚରାଚରଚିନ୍ମୟରୂପଂ ୟସ୍ୟା ହି ଦେଵତୋପାସ୍ୟମ୍ ।
ସା ଦଦତୁ ମଙ୍ଗଲଂ ମେ ନିତ୍ୟୋଜ୍ଜ୍ଵଲମାଦରାଜ୍ଜନନୀ ॥ ୭୭ ॥

ଶୀତମୟୂଖସହୋଦରି ତାଂ ତ୍ଵାମମ୍ବାଂ ହି ଶୀଲୟେ ନିତ୍ୟମ୍ ।
ନିରସିତଵୈରିଗଣୋଽହଂ ହରିଚରଣନ୍ୟସ୍ତରକ୍ଷଶ୍ଚ ॥ ୭୮ ॥

ଦିକ୍ଷି ଵିଦିକ୍ଷୁ କୃତଶ୍ରୀଃ ସା ମେ ଜନନୀ ନଦୀଶତନୟେୟମ୍ ।
ହରିଣା ସାକଂ ଭଜତୁ ପ୍ରାକାଶ୍ୟଂ ହୃଦି ସତାଂ ସମୃଦ୍ଧ୍ୟୈ ନଃ ॥ ୭୯ ॥

ଵାରିନିଧିଵଂଶସଂପଦ୍ ଦିଵ୍ୟା କାଚିଦ୍ଧରେର୍ମାନ୍ୟା ।
ଅର୍ଚନ୍ତି ୟାଂ ତୁ ମୁନୟୋ ୟୋଗାରମ୍ଭେ ତଥାନ୍ତେ ଚ ॥ ୮୦ ॥

ଧୃତସୁମମଧୁପକ୍ରୀଡାସ୍ଥାନାୟିତକେଶଭାରାୟୈ ।
ନମ ଉକ୍ତିରସ୍ତୁ ମାତ୍ରେ ଵାଗ୍ଜିତପୀୟୂଷଧାରାୟୈ ॥ ୮୧ ॥

ସଂଦେହେ ସିଦ୍ଧାନ୍ତେ ଵାଦେ ଵା ସମରଭୂମିଭାଗେ ଵା ।
ୟା ରାଜତି ବହୁରୂପା ସା ଦେଵୀ ଵିଷ୍ଣୁଵଲ୍ଲଭା ଖ୍ୟାତା ॥ ୮୨ ॥

ପ୍ରତିଫଲତୁ ମେ ସଦା ତନ୍ମୁନିମାନସପେଟିକାରତ୍ନମ୍ ।
ଵିଷ୍ଣୋର୍ଵକ୍ଷୋଭୂଷଣମାଦୃତନିର୍ଗତିଜନାଵନଂ ତେଜଃ ॥ ୮୩ ॥

ବାଲକୁରଙ୍ଗଵିଲୋଚନଧାଟୀରକ୍ଷିତସୁରାଦି ମନୁଜାନାମ୍ ।
ନୟନୟୁଗାସେଵ୍ୟଂ ତଦ୍ ଭାତୀହ ଧରାତଲେ ତେଜଃ ॥ ୮୪ ॥

ମାଧଵଦୃକ୍ସାଫଲ୍ୟଂ ଭକ୍ତାଵଲିଦୃଶ୍ୟକାମଧେନୁକଲା ।
ଲକ୍ଷ୍ମୀରୂପଂ ତେଜୋ ଵିଭାତୁ ମମ ମାନସେ ଵଚସି ॥ ୮୫ ॥

ହରିସରସକ୍ରୀଡାର୍ଥଂ ୟା ଵିଧୃତାନେକରୂପିକା ମାତା ।
ସା ଗେହଭୂଷଣଂ ନଃ ସ୍ଫୁରତୁ ସଦା ନିତ୍ୟସଂପୂଜ୍ୟା ॥ ୮୬ ॥

ଦ୍ଵାରଵତୀପୁରଭାଗେ ମୈଥିଲନଗରେ ଚ ୟତ୍କଥାସାରଃ ।
ସା ଦେଵୀ ଜଲଧିସୁତା ଵିହରଣଭାଙ୍ ମାମକେ ମନସି ॥ ୮୭ ॥

ଜଲନିଧିତପୋମହିମ୍ନେ ଦେଵ୍ୟୈ ପରମାତ୍ମନଃ ଶ୍ରିୟୈ ସତତମ୍ ।
ଭୂୟାଂସି ନମାଂସି ପୁନଃ ସର୍ଵା ନଃ ସଂପଦଃ ସନ୍ତୁ ॥ ୮୮ ॥

ପରମୌଷଧଂ ହି ସଂସୃତିଵ୍ୟାଧେର୍ୟତ୍ କୀର୍ତିତଂ ନିପୁଣୈଃ ।
ତଦହଂ ଭଜାମି ସତତଂ ଲକ୍ଷ୍ମୀରୂପଂ ସଦାନନ୍ଦମ୍ ॥ ୮୯ ॥

ଦଶରଥସୁତକୋଦଣ୍ଡପ୍ରଭାଵସାକ୍ଷାତ୍କୃତେ କୃତାନନ୍ଦା ।
ସୀତାରୂପା ମାତେ ଜଜ୍ଞେ ୟଜ୍ଞକ୍ଷିତୌ ହି ସା ସିଦ୍ଧ୍ୟୈ ॥ ୯୦ ॥

ମୁନିଜନମାନସନିଲୟେ କମଲେ ତେ ଚରଣପଙ୍କଜଂ ଶିରସି ।
ଅଵତଂସୟନ୍ନୁଦାରଂ ଵିଶାମି ଦେଵୈଃ ସୁଧର୍ମାଂ ଵା ॥ ୯୧ ॥

ଧନମଦମେଦୁରସେଵାଂ ତ୍ୟକ୍ତଵାହଂ ତେ ପଦାମ୍ଭୋଜମ୍ ।
ଶରଣଂ ୟାମି ପୁମର୍ଥସ୍ଫୂର୍ତିକଲାୟୈ ଭୃଶଂ ଦୀନଃ ॥ ୯୨ ॥

ନ ଘଟୟ କୁତ୍ସିତସେଵାଂ ଦୁଷ୍ଟୈର୍ଵା ସଂଗମଂ ମାତଃ ।
କୁରୁ ମାଂ ଦାସଂ ସଂସୃତିପାପଂ ଚ ହର ଶୀଘ୍ରମ୍ ॥ ୯୩ ॥

ମୟି ନମତି ଵିଷ୍ଣୁକାନ୍ତେ ତଵାଗ୍ରତସ୍ତାପଭାରାର୍ତେ ।
ମାତଃ ସହସା ସୁମୁଖୀ ଭଵ ବାଲେ ଦୋଷନିଲୟେ ଚ ॥ ୯୪ ॥

ହନ୍ତ କଦା ଵା ମାତସ୍ତଵ ଲୋଚନସେଚନଂ ଭଵେନ୍ମୟି ଭୋଃ ।
ଈତ୍ଥଂ ପ୍ରାତଃ ସ୍ତୁଵତାଂ ତ୍ଵମେଵ ରକ୍ଷାକରୀ ନିୟତମ୍ ॥ ୯୫ ॥

ସଂସାରରୋଗଶାନ୍ତିପ୍ରଦମେତଲ୍ଲୋଚନଂ ମାତଃ ।
ତାଵତ୍କମହମୁପାସେ ଦିଵ୍ୟୌଷଧମାଶୁ ସାଗରେନ୍ଦ୍ରସୁତେ ॥ ୯୬ ॥

ସଂସୃତିରୋଗାର୍ତାନାଂ ତଵ ନାମସ୍ମରଣମତ୍ର ଧରଣିତଲେ ।
ପୂଜାପ୍ରଦକ୍ଷିଣାଦିକମାର୍ୟା ମୁଖ୍ୟୌଷଧଂ ଵଦନ୍ତି କିଲ ॥ ୯୭ ॥

ମାତର୍ଵିନା ଧରଣ୍ୟାଂ ସୁକୃତାନାଂ ଖଣ୍ଡମିହ ଜନ୍ତୁଃ ।
ଧ୍ୟାନଂ ଵା ନ ହି ଲଭତେ ପ୍ରଣତିଂ ଵା ସଂପଦାଂ ଜନନୀମ୍ ॥ ୯୮ ॥

ଗୁରୁଵରକଟାକ୍ଷଵିଭଵାଦ୍ ଦେଵି ତ୍ଵାଙ୍ଘ୍ରିପ୍ରଣାମଧୁତପାପଃ ।
ତଵ ଚ ହରେର୍ଦାସଃ ସନ୍ ଵିଶାମି ଦେଵେଶ ମାନିତାଂ ଚ ସଭାମ୍ ॥ ୯୯ ॥

ମୁରହରନେତ୍ରମହୋତ୍ସଵତାରୁଣ୍ୟଶ୍ରୀର୍ନିରସ୍ତନତଶତ୍ରୁଃ ।
ଲଲିତଲିକୁଚାଭକୁଚଭରୟୁଗଲା ଦୃଗ୍ଵିଜିତହରିଣସଂଦୋହା ॥ ୧୦୦ ॥

କାରୁଣ୍ୟପୂର୍ଣନୟନା କଲିକଲ୍ମଷହାରିଣୀ ଚ ସା କମଲା ।
ମୁଖଜିତଶାରଦକମଲା ଵକ୍ତ୍ରାମ୍ଭୋଜେ ସଦା ସ୍ଫୁରତୁ ମାତା ॥ ୧୦୧ ॥

ତାଵକକଟାକ୍ଷସେଚନଵିଭଵାଂ ନିର୍ଧୂତଦୁରିତସଂଘା ହି ।
ପରମଂ ସୁଖଂ ଲଭନ୍ତେ ପରେ ତୁ ଲୋକେ ଚ ସୂରିଭିଃ ସାର୍ଧମ୍ ॥ ୧୦୨ ॥

ତଵ ପାଦପଦ୍ମଵିସୃମରକାନ୍ତିଝରୀଂ ମନସି କଲୟଂସ୍ତୁ ।
ନିରସିତନରକାଦିଭୟୋ ଵିରାଜତେ ନାକିସଦସି ସୁରଵନ୍ଦ୍ୟଃ ॥ ୧୦୩ ॥

ହନ୍ତ ସହସ୍ରେଷ୍ଵଥ ଵା ଶତେଷୁ ସୁକୃତୀ ପୁମାନ୍ ମାତଃ ।
ତାଵକପାଦପୟୋରୁହଵରିଵସ୍ୟାଂ କଲୟତେ ସକଲମ୍ ॥ ୧୦୪ ॥

ଜନନି ତରଙ୍ଗୟ ନୟନେ ମୟି ଦୀନେ ତେ ଦୟାସ୍ନିଗ୍ଧେ ।
ତେନ ଵୟଂ ତୁ କୃତାର୍ଥା ନାତଃ ପରମସ୍ତିଃ ନଃ ପ୍ରାର୍ଥ୍ୟମ୍ ॥ ୧୦୫ ॥

ତାଵକକୃପାଵଶାଦିହ ନାନାୟୋଗାଦିନାଶିତଭୟା ୟେ ।
ତେଷାଂ ସ୍ମରଣମପି ଦ୍ରାକ୍ ଶ୍ରିୟାଵହଂ ନିତ୍ୟମାକଲୟେ ॥ ୧୦୬ ॥

ନୈଵ ପ୍ରାୟଶ୍ଚିତ୍ତଂ ଦୁରିତାନାଂ ମାମକାନାଂ ହି ।
ତ୍ଵାମେଵ ୟାମି ଶରଣଂ ତସ୍ମାଲ୍ଲକ୍ଷ୍ମି କ୍ଷମାଧାରେ ॥ ୧୦୭ ॥

ମୁରଵୈରିମାନ୍ୟଚରିତେ ମାତସ୍ତ୍ଵାମଖିଲଲୋକସାମ୍ରାଜ୍ୟେ ।
ପଶ୍ୟନ୍ତି ଦିଵି ସୁରେନ୍ଦ୍ରା ମୁନୟସ୍ତତ୍ତ୍ଵାର୍ଥିନଶ୍ଚ ନିତ୍ୟକଲାମ୍ ॥ ୧୦୮ ॥

ସ୍ଵୀୟପଦପ୍ରାପ୍ତ୍ୟୈ ନନୁ ଵିବୁଧେଶା ଜଲଧିକନ୍ୟକେ ମାତଃ ।
ଆରାଧ୍ୟ ଦିଵ୍ୟକୁସୁମୈସ୍ତଵ ପାଦାବ୍ଜଂ ପରଂ ତୁଷ୍ଟାଃ ॥ ୧୦୯ ॥

ସୃଷ୍ଟିସ୍ଥିତ୍ୟାଦୌ ହରିରମ୍ବ ତଵାପାଙ୍ଗଵୀକ୍ଷଣାଦରଵାନ୍ ।
ଜଗଦେତଦଵତି କାଲେ ତ୍ଵଂ ଚ ହରିର୍ନଃ କ୍ରମାତ୍ ପିତରୌ ॥ ୧୧୦ ॥

ରାଜ୍ୟସୁଖଲାଭସଂପତ୍ପ୍ରାପ୍ତ୍ୟୈ କ୍ଷିତିପାଶ୍ଚ ୟେ ଚ ଵିପ୍ରାଦ୍ୟାଃ ।
ଗାଙ୍ଗଜଲୈରପି କୁସୁମୈର୍ଵରିଵସ୍ୟାଂ ତେ କ୍ରମେଣ କଲୟନ୍ତି ॥ ୧୧୧ ॥

ସଂତ୍ୟକ୍ତକାମତଦନୁଜଡମ୍ଭାସୂୟାଦୟୋ ନରାଃ କମଲେ ।
ଆରାଧ୍ୟ ତ୍ଵାଂ ଚ ହରିଂ କାଲେ ଚୈକାସନସ୍ଥିତାଂ ଧନ୍ୟାଃ ॥ ୧୧୨ ॥

ଜନନୀ କଦା ପୁନୀତେ ମମ ଲୋଚନମାର୍ଗମାଦରାଦେଷା ।
ୟେ କିଲ ଵଦନ୍ତି ଧନ୍ୟାସ୍ତେଷାଂ ଦର୍ଶନମହଂ କଲୟେ ॥ ୧୧୩ ॥

କରଧୃତଲୀଲାପଦ୍ମା ପଦ୍ମା ପଦ୍ମାକ୍ଷଗେହିନୀ ନୟନେ ।
ସିଞ୍ଚତି ସକଲଶ୍ରେୟଃପ୍ରାପ୍ତ୍ୟୈ ନିର୍ଵ୍ୟାଜକାରୁଣ୍ୟା ॥ ୧୧୪ ॥

ନାନାଵିଧଵିଦ୍ୟାନାଂ ଲୀଲାସଦନଂ ସରୋଜନିଲୟେୟମ୍ ।
କଵିକୁଲଵଚଃପୟୋଜଦ୍ୟୁମଣିରୁଚିର୍ଭାତି ନଃ ପୁରତ୍ଃ ॥ ୧୧୫ ॥

ଅତସୀକୁସୁମଦ୍ୟୁତିଭାଙ୍ ନାକିଗଣୈର୍ଵନ୍ଦ୍ୟପାଦପଦ୍ମୟୁଗା ।
ସରସିଜନିଲୟା ସା ମେ ପ୍ରସୀଦତୁ କ୍ଷିପ୍ରମାଦରାତ୍ ସିଦ୍ଧ୍ୟୈ ॥ ୧୧୬ ॥

ଜଗଦୀଶଵଲ୍ଲଭେ ତ୍ଵୟି ଵିନ୍ୟସ୍ତଭରଃ ପୁମାନ୍ ସହସା ।
ତୀର୍ତ୍ଵା ନାକିସ୍ଥାନଂ ଵିଶତି ପରଂ ଵୈଷ୍ଣଵଂ ସୁରୈର୍ମାନ୍ୟମ୍ ॥ ୧୧୭ ॥

ମାତର୍ଜ୍ଞାନଵିକାସଂ କାରୟ କରୁଣାଵଲୋକନୈର୍ମଧୁରୈଃ ।
ତେନାହଂ ଧନ୍ୟତମୋ ଭଵେୟମାର୍ୟାଵୃତେ ସଦସି ॥ ୧୧୮ ॥

ହରିଵକ୍ଷସି ମଣିଦୀପପ୍ରକାଶଵତ୍ୟାନ୍ୟା ମାତ୍ରା ।
ନିତ୍ୟଂ ଵୟମିହ ଦାସାଃ ଶ୍ରିୟା ସନାଥା ମୁଦା ପରଂ ନୌମଃ ॥ ୧୧୯ ॥

ଵିଦ୍ରାଵୟତୁ ସରୋଜାସନେ ତ୍ଵଦୀୟା କଟାକ୍ଷଧାଟୀ ନଃ ।
ଅଜ୍ଞାନାଙ୍କୁରମୁଦ୍ରାଂ ପୁନରପି ସଂସାରଭୀତିଦାଂ ସହସା ॥ ୧୨୦ ॥

ତାଵକକଟାକ୍ଷସୂର୍ୟୋଦୟେ ମଦୀୟଂ ହୃଦମ୍ଭୋଜମ୍ ।
ଭଜତେ ଵିକାସମଚିରାତ୍ ତମୋଵିନାଶଶ୍ଚ ନିଶ୍ଚିତୋ ଵିବୁଧୈଃ ॥ ୧୨୧ ॥

ଲକ୍ଷ୍ମୀକଟାକ୍ଷଲହରୀ ଲକ୍ଷ୍ମୀଂ ପକ୍ଷ୍ମଲୟତି କ୍ରମାନ୍ନମତାମ୍ ।
ପାଦପୟୋରୁହସେଵା ପରଂ ପଦଂ ଚିତ୍ସୁଖୋଲ୍ଲାସମ୍ ॥ ୧୨୨ ॥

ଚିଦ୍ରୂପା ପରମା ସା କମଲେକ୍ଷଣନାୟିକା ମୁଦେ ଭଜତାମ୍ ।
ୟତ୍ପ୍ରଣୟକୋପକାଲେ ଜଗଦୀଶଃ କିଂକରୋ ଭଵତି ॥ ୧୨୩ ॥

କାଚନ ଦେଵୀ ଵିହରତୁ ମମ ଚିତ୍ତେ ସଂତତଂ ସିଦ୍ଧ୍ୟୈ ।
ୟାପତ୍ୟଂ କଲଶାବ୍ଧେରୁରଗେଶୟସତ୍କଲତ୍ରଂ ଚ ॥ ୧୨୪ ॥

ଅଷ୍ଟସୁ ମହିଷୀଷ୍ଵେକା କମଲା ମୁଖ୍ୟା ହି ନିର୍ଦିଷ୍ଟା ।
ଅନୟୈଵ ସର୍ଵଜଗତାମୁଦୟାଦିସ୍ତନ୍ୟତେ କାଲେ ॥ ୧୨୫ ॥

କୈଵଲ୍ୟାନନ୍ଦକଲାକନ୍ଦମହଂ ସଂତତଂ ଵନ୍ଦେ ।
ତତ୍ତୁ ମୁକୁନ୍ଦକଲତ୍ରଂ ଚିନ୍ତିତଫଲଦାନଦୀକ୍ଷିତଂ କିମପି ॥ ୧୨୬ ॥

ଈକ୍ଷେ କମଲାମେନାମମ୍ବାମମ୍ଭୋଜଲୋଚନାଂ ସତତମ୍ ।
ମନ୍ଦସ୍ମିତମଧୁରାସ୍ୟାଂ ନିତ୍ୟଂ ଚାଜ୍ଞାତକୋପମୁଖଦୋଷାମ୍ ॥ ୧୨୭ ॥

ଅଙ୍କିତମାଧଵଵକ୍ଷଃସ୍ଥଲା ସରୋଜେକ୍ଷଣା ଚ ହରିକାନ୍ତା ।
କବଲୟତି ମାନସଂ ମେ ଦୟାପ୍ରସାରାଦିଭିର୍ନିତ୍ୟମ୍ ॥ ୧୨୮ ॥

ଭୂତ୍ୟୈ ମମ ଭଵତୁ ଦ୍ରାଗଜ୍ଞାନଧ୍ଵଂସିନୀ ନମତାମ୍ ।
ନାଥାନୁରୂପରୂପା ଶ୍ରୁତ୍ୟନ୍ତେଡ୍ୟା ଦଶାଵତାରେଷୁ ॥ ୧୨୯ ॥

ସକଲଜନରକ୍ଷଣେଶୁ ପ୍ରଣିହିତନୟନା ତ୍ରିଲୋକମାତା ନଃ ।
ପୁଷ୍ଣାତି ମଙ୍ଗଲାନାଂ ନିକରଂ ସେଵାକ୍ରମେଣ incomplete ॥ ୧୩୦ ॥

ପଦ୍ମାସନଜନନୀ ମାଂ ପାତୁ ମୁଦା ସୁନ୍ଦରାପାଙ୍ଗୈଃ ।
ସର୍ଵୈଶ୍ଵର୍ୟନିଦାନଂ ୟାମାହୁର୍ଵୈଦିକା ଦୀପ୍ତାମ୍ ॥ ୧୩୧ ॥

ନାନାଲଂକାରଵତୀ ମୁନିମାନସଵାସିନୀ ହରେଃ ପତ୍ନୀ ।
ତ୍ରୈଲୋକ୍ୟଵିନୁତଵିଭଵା ମାଂ ପାୟାଦାପଦାଂ ନିଚୟାତ୍ ॥ ୧୩୨ ॥

ଵିଦ୍ରାଵୟତୁ ଭୟଂ ନଃ ସା କମଲା ଵିଷ୍ଣୁଵଲ୍ଲଭା ମାତା ।
ଅବ୍ଧିଃ ସଂକ୍ଷୁଭିତୋଽଭୂତ୍ ୟଦର୍ଥମାର୍ୟେଣ ରାମେଣ ॥ ୧୩୩ ॥

ଭୂୟୋ ୟଦର୍ଥମିନ୍ଦ୍ରଃ ସୁରତରୁକୁସୁମାର୍ଥିନା ଚ କୃଷ୍ଣେନ ।
ହତଗର୍ଵୋଽଜନି ୟୁଦ୍ଧେ ସା ନିତ୍ୟଂ ଶ୍ରେୟସେ ଭୂୟାତ୍ ॥ ୧୩୪ ॥

ତ୍ଵାମାରାଧ୍ୟ ଜନା ଅପି ଧନହୀନାଃ ସୌଧମଧ୍ୟତଲଭାଜଃ ।
ନାନାଦେଶଵନୀପକଜନସ୍ତୁତା ଭାନ୍ତି ନିତ୍ୟମେଵ ରମେ ॥ ୧୩୫ ॥

ସଂସୃତିତାପୋ ନ ଭଵତି ପୁନରପି ୟତ୍ପାଦପଙ୍କଜଂ ନମତାମ୍ ।
ସା ମୟି କଲିତଦୟା ସ୍ୟାଦମ୍ବା ଵିଷ୍ଣୋଃ କଲତ୍ରମନୁରୂପମ୍ ॥ ୧୩୬ ॥

ଜନନୀକଟାକ୍ଷଭାଜାମିହ ମର୍ତ୍ୟାନାଂ ସୁରାସ୍ତୁ କିଂକରତାମ୍ ।
ରିପଵୋ ଗିରିତଟଵାସଂ ଭଜନ୍ତି ଵେଶ୍ମାନି ସିଦ୍ଧୟଃ ସର୍ଵାଃ ॥ ୧୩୭ ॥

ସ୍ମରଣାଦ୍ଵା ଭଜନାଦ୍ଵା ୟସ୍ୟାଃ ପାଦାମ୍ବୁଜସ୍ୟ ଭୁଵି ଧନ୍ୟାଃ ।
ହନ୍ତ ରମନ୍ତେ ସ୍ତମ୍ବେରମନିଵହାଵୃତଗୃହାଙ୍ଗଣେ ମନୁଜାଃ ॥ ୧୩୮ ॥

ଚିରକୃତସୁକୃତନିଷେଵ୍ୟା ସା ଦେଵୀ ଵିଷ୍ଣୁଵଲ୍ଲଭା ଖ୍ୟାତା ।
ୟସ୍ୟାଃ ପ୍ରସାଦଭୂମ୍ନା ଜାତାଃ ପଶ୍ଵାଦୟୋ ଵଦାନ୍ୟା ହି ॥ ୧୩୯ ॥

ଅମ୍ବ ମଧୁରାନ୍ କଟାକ୍ଷାନ୍ ତାପହରାନ୍ ଵିକିର ମୟି କୃପାଜଲଧେ ।
ୟେ ଵିନ୍ୟସ୍ତାଃ କରିଵରମାରୁତିମୁଖଭକ୍ତଵର୍ୟେଷୁ ॥ ୧୪୦ ॥

ଅମୃତଲହରୀଵ ମଧୁରା ଜଲଧରରୁଚିରା ନତାର୍ତିହରଶୀଲା ।
ସର୍ଵଶ୍ରେୟୋଦାତ୍ରୀ କାଚିଦ୍ ଦେଵୀ ସଦା ଵିଭାତୁ ହୃଦି ॥ ୧୪୧ ॥

ଗୀତାଚାର୍ୟପୁରନ୍ଧ୍ରୀ ତ୍ଵଦୀୟନାମପ୍ରଭାଵକଲନାଦ୍ୟୈଃ ।
ୟମଭୟଵାର୍ତା ଦୂରେ ହରିସାଂନିଧ୍ୟଂ କୁତୋ ନ ସ୍ୟାତ୍ ॥ ୧୪୨ ॥

ଜଲନିଧିତନୟେ କାନ୍ତେ ଵିଷ୍ଣୋରୁଷ୍ଣାଂଶୁଚନ୍ଦ୍ରନୟନେ ତେ ।
ଚତୁରାନନାଦୟସ୍ତୁ ଖ୍ୟାତା ବାଲାଃ ଶ୍ରୁତୌ ଚୋକ୍ତାଃ ॥ ୧୪୩ ॥

ମନସିଜଵୈରଂ ଗାତ୍ରଂ ଵାଣୀ ସୌଧାରସୀ ଚ ୟଦ୍ଭଜତାମ୍ ।
ଶ୍ଲାଧ୍ୟା ସଂପତ୍ ସଜ୍ଜନସମାଗମଶ୍ଚାଶୁ ସିଧ୍ୟନ୍ତି ॥ ୧୪୪ ॥

ସଫଲୟତୁ ନେତ୍ରୟୁଗଲଂ ହତନତଦୁରିତା ଚ ସା ପରା ଦେଵୀ ।
ଜଲନିଧିକନ୍ୟା ମାନ୍ୟା ପତ୍ୟଵତାରାନୁକୂଲନିଜଚରିତା ॥ ୧୪୫ ॥

ନିତ୍ୟଂ ସ୍ମରାମି ଦେଵୀଂ ନମତାଂ ସର୍ଵାର୍ଥଦାୟିନୀଂ କମଲାମ୍ ।
ୟାମାହୁର୍ଭଵନିଗଲଧ୍ଵଂସନଦୀକ୍ଷାଂ ଚ incomplete ॥ ୧୪୬ ॥=୨୦
ସକଲଜଗଦଘନିଵାରଣସଂକଲ୍ପାଂ ମଧୁଜିତୋ ଦୟିତାମ୍ ।
ଜୀଵାତୁମେଵ କଲୟେ ମୋକ୍ଷାର୍ଥିଜନସ୍ୟ ଭୂମିସୁତାମ୍ ॥ ୧୪୭ ॥

ମନ୍ଦାନାମପି ଦୟୟା ତମୋନିରାସଂ ଵିତନ୍ଵନ୍ତୀ ।
ସର୍ଵତ୍ର ଭାତି କମଲା ତନୁରିଵ ଵିଷ୍ଣୋର୍ନିରସ୍ତାଘା ॥ ୧୪୮ ॥

ବାଲମରାଲୀଗତ୍ୟୈ ସୁରପୁରକନ୍ୟାଦିମହିତକଲଗୀତ୍ୟୈ ।
ଵିରଚିତନାନାନୀତ୍ୟୈ ଚେତୋ ମେ ସ୍ପୃହୟତେ ବହୁଲକୀର୍ତ୍ୟୈ ॥ ୧୪୯ ॥

ଅଭିଲଷିତଦାନକୁଶଲା ଵାଗ୍ଦେଵୀଵନ୍ଦିତା ଚ ସା କମଲା ।
ନିତ୍ୟଂ ମାନସପଦ୍ମେ ସଂଚାରଂ କଲୟତେ ମୁହୁଃ କୁତୁକାତ୍ ॥ ୧୫୦ ॥

ମୁରମଥନନୟନପଙ୍କଜଵିଲାସକଲିକା ସୁରେଶମୁଖସେଵ୍ୟା ।
ଭୂତମୟୀ ସାଵିତ୍ରୀ ଗୟତ୍ରୀ ସର୍ଵଦେଵତା ଜୟତି ॥ ୧୫୧ ॥

ସା ହି ପରା ଵିଦ୍ୟା ମେ ଲକ୍ଷ୍ମୀରକ୍ଷୋଭଣୀୟକୀର୍ତିକଲା ।
ହୃଦ୍ୟାଂ ଵିଦ୍ୟାଂ ଦୟାଦଦ୍ୟ ଶ୍ରେୟଃପରଂପରାସିଦ୍ଧ୍ୟୈ ॥ ୧୫୨ ॥

See Also  Sri Vishnu Ashtottara Shatanama Stotram In Odia

କାମଜନନୀ ହି ଲକ୍ଷ୍ମୀଃ ନାନାଲୀଲାଦିଭିର୍ନିଜଂ ନାଥମ୍ ।
ମୋହୟତି ଵିଷ୍ଣୁମଚିରାତ୍ ପ୍ରକୃତୀନାଂ କ୍ଷେମସିଦ୍ଧ୍ୟର୍ଥମ୍ ॥ ୧୫୩ ॥

ମନସିଜସାମ୍ରାଜ୍ୟକଲାନିଦାନମାର୍ୟାଭିଵନ୍ଦିତଂ କିମପି ।
ଲକ୍ଷ୍ମୀରୂପଂ ତେଜୋ ଵିଲସତି ମମ ମନସି ଵିଷ୍ଣୁସଂକ୍ରାନ୍ତମ୍ ॥ ୧୫୪ ॥

ଵିଷ୍ଣୁମନୋରଥପାତ୍ରଂ ସଂତପ୍ତସ୍ଵର୍ଣକାମ୍ୟନିଜଗାତ୍ରମ୍ ।
ଆଶ୍ରିତଜଲନିଧିଗୋତ୍ରଂ ରକ୍ଷିତନତବାହୁଜଚ୍ଛାତ୍ରମ୍ ॥ ୧୫୫ ॥

କଵିକୁଲଜିହ୍ଵାଲୋଲଂ ମୁରମର୍ଦନକଲିତରମ୍ୟବହୁଲୀଲମ୍ ।
ନିରସିତନତଦୁଷ୍କାଲଂ ଵନ୍ଦେ ତେଜଃ ସଦାଲିନୁତଶୀଲମ୍ ॥ ୧୫୬ ॥

ଆଦିମପୁରୁଷପୁରନ୍ଧ୍ରୀମମ୍ବାମମ୍ଭୋଜଲୋଚନାଂ ଵନ୍ଦେ ।
ୟାଂ ନତ୍ଵା ଗତତାପାସ୍ତ୍ୟକ୍ତ୍ଵା ଦେହଂ ଵିଶନ୍ତି ପରମପଦମ୍ ॥ ୧୫୭ ॥

ଲକ୍ଷ୍ମ୍ୟା ହରିରପି ଭାତି ପ୍ରକୃତିକ୍ଷେମାୟ ଦୀକ୍ଷିତାୟାସୌ ।
ମମ ଲୋଚନୟୋଃ ପୁରତୋ ଲସତୁ ଗଭୀରଂ କ୍ରିୟାସିଦ୍ଧ୍ୟୈ ॥ ୧୫୮ ॥

ଜନନି କଦା ଵା ନେଷ୍ୟାମ୍ୟହମାରାଦର୍ଚିତତ୍ଵଦୀୟପଦଃ ।
ନିମିଷମିଵ ହନ୍ତ ଦିଵସନ୍ ଦୃଷ୍ଟ୍ଵା ତ୍ଵାମାଦରେଣ କଲ୍ୟାଣୀମ୍ ॥ ୧୫୯ ॥

ସଂପୂର୍ଣୟୌଵନୋଜ୍ଜ୍ଵଲଦେହାଂ ୟାଂ ଵୀକ୍ଷ୍ୟ ଶୌରିରପି ।
କୁସୁମଶରଵିଦ୍ଧଚେତାଃ କିଂକରଭାଵଂ ସ୍ଵୟଂ ପ୍ରାପ୍ତଃ ॥ ୧୬୦ ॥

ଅନୁନୟଶୀଲସ୍ତଦନୁ ପ୍ରଣୟକ୍ରୋଧାଦିନା ଭୀତଃ ।
ଆଦିମପୁରୁଷଃ ସୋଽୟଂ ସା ଲକ୍ଷ୍ମୀର୍ନ ଶ୍ରିୟୈ ଭଵତୁ ॥ ୧୬୧ ॥

ମଣିକୁଣ୍ଡଲଲସିତାସ୍ୟଂ କୃପାକରଂ କିମପି କୁଙ୍କୁମଚ୍ଛାୟମ୍ ।
ହରିଣା କୃତସଂଚାରଂ ତେଜୋ ମେ ଭାତୁ ସର୍ଵଦା ସିଦ୍ଧ୍ୟୈ ॥ ୧୬୨ ॥

ସାମ୍ରାଜ୍ୟମଙ୍ଗଲଶ୍ରୀଃ ଶ୍ରୀରେଷା ପୁଷ୍କରାକ୍ଷସ୍ୟ ।
ଗନ୍ଧର୍ଵକନ୍ୟକାଦ୍ୟୈର୍ଗଙ୍ଗାତୀରେଷୁ ଗୀତକୀର୍ତିର୍ହି ॥ ୧୬୩ ॥

କଵିତାଭାଗ୍ୟଵିଧାତ୍ରୀ ପରିମଲସଂକ୍ରାନ୍ତମଧୁପଗଣକେଶା ।
ମମ ନୟନୟୋଃ କଦା ଵା ସା ଦେଵୀ କଲିତସଂନିଧାନକଲା ॥ ୧୬୪ ॥

କୀର୍ତିଃ ସ୍ଵୟଂ ଵୃଣୀତେ ଵାଗ୍ଦେଵୀ ଚାପି ଵିଜୟଲକ୍ଷ୍ମୀଶ୍ଚ ।
ତଂ ନରମଚିରାଲ୍ଲୋକେ ୟୋ ଲକ୍ଷ୍ମୀପାଦଭକ୍ତସ୍ତୁ ॥ ୧୬୫ ॥

ସନ୍ମିତ୍ରଂ ପାଣ୍ଡିତ୍ୟଂ ସଦ୍ଦାରାଃ ସତ୍ସୁତାଦ୍ୟାଶ୍ଚ ।
ଜାୟନ୍ତେ ତସ୍ୟ ଭୁଵି ଶ୍ରୀଭକ୍ତୋ ୟଶ୍ଚ ନିର୍ଦିଷ୍ଟଃ ॥ ୧୬୬ ॥

ପରମାଚାର୍ୟୈର୍ଵିନୁତାଂ ତାମମ୍ବାମାଦରାନ୍ନୌମି ।
ପରମୈଶ୍ଵର୍ୟଂ ଵିଷ୍ଣୋରପି ୟା ଵେଦେଷୁ ନିର୍ଦିଷ୍ଟା ॥ ୧୬୭ ॥

କଵିକୁଲସୂକ୍ତିଶ୍ରେଣୀଶ୍ରଵଣାନନ୍ଦୋଲ୍ଲସଦ୍ଵତଂସସୁମା ।
ସା ଦେଵୀ ମମ ହୃଦୟେ କୃତସାଂନିଧ୍ୟା ଵିରାଜତେ ପରମା ॥ ୧୬୮ ॥

ତାପାର୍ତାସ୍ତୁ ତଟାକଂ ୟଥା ଭଜନ୍ତେ ରମାଂ ଦେଵୀମ୍ ।
ସଂସୃତିତପ୍ତାଃ ସର୍ଵେ ୟାନ୍ତି ହି ଶରଣଂ ଶରଣ୍ୟାଂ ତାମ୍ ॥ ୧୬୯ ॥

ସର୍ଵଜ୍ଞତ୍ଵଂ ଶ୍ଲାଧ୍ୟଂ ଧରାଧିପତ୍ୟଂ ରମେ ଦେଵି ।
ୟଦ୍ୟତ୍ ପ୍ରାର୍ଥ୍ୟଂ ଦୟୟା ତଦ୍ ଦିଶ ମୋକ୍ଷଂ ଚ ମେ ଜନନି ॥ ୧୭୦ ॥

ଵିଦ୍ୟୁତମଚଞ୍ଚଲାଂ ତ୍ଵାଂ କୃଷ୍ଣେ ମେଘେ ପୟୋଧିଵରକନ୍ୟେ ।
ନିତ୍ୟମଵୈମି ଶ୍ରେୟଃସିଧ୍ୟ ମାତଃ ପ୍ରସନ୍ନେ ନଃ ॥ ୧୭୧ ॥

ତ୍ଵାମମ୍ବ ସଂତତରୁଚିଂ କୃଷ୍ଣୋ ମେଘଃ ସମାସାଦ୍ୟ ।
ସଦ୍ଵର୍ତ୍ମନି ଵର୍ଷତି କିଲ କାଙ୍କ୍ଷାଧିକମାଦରେଣ ଵାର୍ଧିସୁତେ ॥ ୧୭୨ ॥

ଅମ୍ବ ତ୍ଵମେଵ କାଲେ ମୁକୁନ୍ଦମପି ଦର୍ଶୟନ୍ତୀହ ।
ଶ୍ରେୟଃସିଦ୍ଧ୍ୟୈ ନମତାଂ ଭାସି ହୃଦି ଶ୍ରୁତିଶିରଃସୁ ସଲ୍ଲୋକେ ॥ ୧୭୩ ॥

ଵିନମଦମରେଶସୁଦତୀକଚସୁମମକରନ୍ଦଧାରୟା ସ୍ନିଗ୍ଧମ୍ ।
ତଵ ପାଦପଦ୍ମମେତତ୍ କଦା ନୁ ମମ ମୂର୍ଧ୍ନି ଭୂଷଣଂ ଜନନି ॥ ୧୭୪ ॥

ଅପଵର୍ଗସୌଖ୍ୟଦେ ତେ ଦୟାପ୍ରସାରଃ କଥଂ ଵର୍ଣ୍ୟଃ ।
ୟାମଵଲମ୍ବ୍ୟ ହି ୟଷ୍ଟିଂ ନ ପତତି ସଂସାରପଙ୍କିଲେ ମାର୍ଗେ ॥ ୧୭୫ ॥

ସୂକ୍ଷ୍ମାତ୍ ସୂକ୍ଷ୍ମତରଂ ତେ ରୂପଂ ପଶ୍ୟନ୍ତି ୟୋଗିନୋ ହୃଦୟେ ।
ତାଂ ତ୍ଵାମହଂ କଦା ଵା ଦ୍ରକ୍ଷ୍ୟେଽଲଂକାରମଣ୍ଡିତାଂ ମାତଃ ॥ ୧୭୬ ॥

ଚିରତରତପସା କ୍ଲିଷ୍ଟେ ୟୋଗିହୃଦି ସ୍ଥାନଭାଗ୍ ରମା ଦେଵୀ ।
ଦର୍ଶନମଚିରାଦ୍ ଦୟୟା ଦଦାତି ୟୋଗାଦିହୀନାନାମ୍ ॥ ୧୭୭ ॥

ତୀରଂ ସଂସୃତିଜଲଧେଃ ପୂରଂ କମଲାକ୍ଷଲୋଚନପ୍ରୀତେଃ ।
ସାରଂ ନିଗମାନ୍ତାନାଂ ଦୂରଂ ଦୁର୍ଜନତତେର୍ହି ତତ୍ତେଜଃ ॥ ୧୭୮ ॥

ଲକ୍ଷ୍ମୀରୂପଂ ତେଜୋ ମମାଵିରସ୍ତୁ ଶ୍ରିୟୈ ନିତ୍ୟମ୍ ।
ୟନ୍ନିତ୍ୟଧର୍ମଦାରାନ୍ ଵିଷ୍ଣୋରମିତୌଜସଃ ପ୍ରାହୁଃ ॥ ୧୭୯ ॥

ଜଲଧିସୁତେ ତ୍ଵଂ ଜନନୀ ସ ଵାସୁଦେଵଃ ପିତା ଚ ନଃ କଥିତଃ ।
ଶରଣଂ ୟୁଵାଂ ପ୍ରପନ୍ନା ନାତୋ ଦୁର୍ଗତିପରିସ୍ଫୂର୍ତିଃ ॥ ୧୮୦ ॥

ହରିନୀଲରତ୍ନଭାସା ପ୍ରକଶିତାତ୍ମା ସମୁଦ୍ରଵରକନ୍ୟା ।
ମଙ୍ଗଲମାତନୁତେୟଂ କଟାକ୍ଷକଲିକାପ୍ରସାରୈସ୍ତୁ ॥ ୧୮୧ ॥

ମଚ୍ଚିତ୍ତମତ୍ତଵାରଣବନ୍ଧନମଧୁନା ତ୍ଵଦୀୟପାଦୟୁଗେ ।
କଲୟାମି ରମେ ମାତର୍ମାଂ ରକ୍ଷ କ୍ଷିପ୍ରମେଵ ସଂସୃତିତଃ ॥ ୧୮୨ ॥

ମୋଚୟ ସଂସୃତିବନ୍ଧଂ କଟାକ୍ଷକଲିକାଙ୍କୁରୈ ରମେ ମାତଃ ।
ନାତଃ ପରମର୍ଥ୍ୟମିହ କ୍ଷମାତଲେ ତ୍ଵଂ ଦୟାମୂର୍ତିଃ ॥ ୧୮୩ ॥

ମଞ୍ଜୁଲକଵିତାସଂତତିବୀଜାଙ୍କୁରଦାୟିସାରସାଲୋକା ।
ଜନନି ତଵାପାଙ୍ଗଶ୍ରୀଃ ଜୟତି ଜଗତ୍ତ୍ରାଣକଲିତଦୀକ୍ଷେୟମ୍ ॥ ୧୮୪ ॥

ଅମ୍ବ ତଵାପାଙ୍ଗଶ୍ରୀରପାଙ୍ଗକେଲୀଶତାନି ଜନୟନ୍ତୀ ।
ମୁରହନ୍ତୁର୍ହୃଦି ଜୟତି ଵ୍ରୀଡାମଦମୋହକାମସାରକରୀ ॥ ୧୮୫ ॥

ବଦ୍ଧମପି ଚିତ୍ତମେତଦ୍ ୟମନିୟମାଦ୍ୟୈଃ ପରିଷ୍କାରୈଃ ।
ଧାଵତି ବଲାଦ୍ ରମେ ତଵ ପାଦାବ୍ଜଂ ୟାମି ଶରଣମହମ୍ ॥ ୧୮୬ ॥

ମତ୍ତଗଜମାନ୍ୟଗମନା ମଧୁରାଲାପା ଚ ମାନ୍ୟଚରିତା ସା ।
ମନ୍ଦସ୍ମେରମୁଖାବ୍ଜା କମଲା ମେ ହୃଦୟସାରସେ ଲସତୁ ॥ ୧୮୭ ॥

ଶାସ୍ତ୍ରସ୍ମରଣଵିହୀନଂ ପାପିନମେନଂ ଜନଂ ରମା ଦେଵୀ ।
ଦୟୟା ରକ୍ଷତି କାଲେ ତସ୍ୟାସ୍ତେନ ପ୍ରଥା ମହତୀ ॥ ୧୮୮ ॥

ମୁଖଵିଜିତଚନ୍ଦ୍ରମଣ୍ଡଲମିଦମମ୍ଭୋରୁହଵିଲୋଚନଂ ତେଜଃ ।
ଧ୍ୟାନେ ଜପେ ଚ ସୁଦୃଶାଂ ଚକାସ୍ତି ହୃଦୟେ କଵୀଶ୍ଵऱାଣାଂ ଚ ॥ ୧୮୯ ॥

ଅମ୍ବ ଵିଵେକଵିଦୂରଂ ଜନମେନଂ ଶିଶିରଲୋଚନପ୍ରସରୈଃ ।
ଶିଶିରୟ କୃପୟା ଦେଵି ତ୍ଵମେଵ ମାତା ହି ଲୋକସ୍ୟ ॥ ୧୯୦ ॥

କୋପଦୁପେକ୍ଷସେ ୟଦି ମାତର୍ମେ ରକ୍ଷକଃ କଃ ସ୍ୟାତ୍ ।
ମୟି ଦୀନେ କୋ ଲାଭସ୍ତଵ ତୁ ଦୟାୟାଃ ପ୍ରସାରିଣ୍ୟାଃ ॥ ୧୯୧ ॥

ଭଵଚଣ୍ଡକିରଣତପ୍ତଃ ଶ୍ରାନ୍ତୋଽହଂ ଜ୍ଞାନଵାରିଦୂରସ୍ଥଃ ।
ଶିଶିରାମଙ୍ଘ୍ରିଚ୍ଛାୟାଂ ତଵ ମାତର୍ୟାମି ଶରଣମାରାତ୍ତୁ ॥ ୧୯୨ ॥

ମାତରଶୋକୋଲ୍ଲାସଂ ପ୍ରକଟୟ ତଵ କୋମଲକଟାକ୍ଷୈଃ ।
ୟୈର୍ଦୀନା ନରପତୟଃ କଲିତା ଵାରଣଶତାଵୃତେ ଗେହେ ॥ ୧୯୩ ॥

ଜୟତି ରମେ ତଵ ମହତୀ କୃପାଝରୀ ସର୍ଵସଂମାନ୍ୟା ।
କ୍ଷେମଂକରୀ ୟଦେଷା ପ୍ରତିକଲ୍ପଂ ସର୍ଵଜଗତାଂ ଚ ॥ ୧୯୪ ॥

ଅଜ୍ଞାନକୂପକୁହରେ ପତିତଂ ମାଂ ପାହି କମଲେ ତ୍ଵମ୍ ।
ନଗରେ ଵା ଗ୍ରାମେ ଵା ଵନମଧ୍ୟେ ଦିକ୍ଷୁ ରକ୍ଷିଣୀ ତ୍ଵମସି ॥ ୧୯୫ ॥

ତଵ ଚରଣୌ ଶରଣମିତି ବ୍ରୁଵନ୍ନହଂ ମାତରବ୍ଧିତନୟେ ତ୍ଵମ୍ ।
ହରିଣା ସହିତା ଦୟୟା ପ୍ରାହ୍ୟଵିଲମ୍ବେନ ଦୀନଂ ମାମ୍ ॥ ୧୯୬ ॥

ପରିସରନତଵିବୁଧାଲୀକିରୀଟମଣିକାନ୍ତିଵଲ୍ଲରୀଵିସରୈଃ ।
କୃତନୀରାଜନଵିଧି ତେ ମମ ତୁ ଶିରୋଭୂଷଣଂ ହି ପଦୟୁଗଲମ୍ ॥ ୧୯୭ ॥

ମମ ହୃଦୟପଙ୍କଜଵନୀଵିକାସହେତୌ ଦିନାଧିପାୟେତାମ୍ ।
ତଵ ତୁ କଟାକ୍ଷପ୍ରସରଃ ଦୀପାୟେତାଂ ତମୋନିରାକରଣେ ॥ ୧୯୮ ॥

ୟାଵଚ୍ଛରଣଂ ୟାତି କ୍ଷିତିତନୟେ ତ୍ଵାଂ ହି ଜନ୍ତୁରିହ ମୂଢଃ ।
ତାଵତ୍ ତସ୍ୟ ତୁ ରସନାଙ୍ଗଣେ ତୁ ଵାଣୀ ସମାକଲିତନୃତ୍ତା ॥ ୧୯୯ ॥

ପଙ୍କଜନିଲୟେ ତାଵକଚରଣଂ ଶରଣଂ ସମାକଲୟେ ।
ତେନ ହି ସର୍ଵକୃତାନାଂ ଭଵିଷ୍ୟତାଂ ହାନିରେଵ ଦୁରିତାନାମ୍ ॥ ୨୦୦ ॥

ଶ୍ରୁତ୍ୟନ୍ତସେଵିତଂ ତେ ଚରଣସରୋଜଂ ପ୍ରଣମ୍ୟ କିଲ ଜନ୍ତୁଃ ।
ଛତ୍ରୋଲ୍ଲସିତଶିରାଃ ସନ୍ ଵନୀପକାନ୍ ଦାନଵାରିଣା ସିଞ୍ଚନ୍ ॥ ୨୦୧ ॥

ଵିଷ୍ଵକ୍ସେନମୁଖାଦ୍ୟୈଃ ସେଵିତମମ୍ବ ତ୍ଵଦୀୟପାଦୟୁଗମ୍ ।
ଅଵତଂସୟନ୍ତି ସନ୍ତଃ କଲିତାପପ୍ରଶମନାୟାସ୍ତୁ ॥ ୨୦୨ ॥

ଦୁଗ୍ଧୋଦଧିତନୟେ ତ୍ଵାଂ ଦିଶାଗଜେନ୍ଦ୍ରାଃ ସୁଵର୍ଣଘଟତୋୟୈଃ ।
ମଣିମଣ୍ଟପମଧ୍ୟତଲେ ସମଭ୍ୟଷିଞ୍ଚନ୍ ହରିପ୍ରୀତ୍ୟୈ ॥ ୨୦୩ ॥

ଦିଗ୍ଗଜପୁଷ୍ପକରକୁମ୍ଭୈରଭିଷିକ୍ତାଂ ତ୍ଵାଂ ହରିଃ ପ୍ରୀତ୍ୟା ।
ଉଦଵହଦାରାନ୍ମୁନିଗଣମଧ୍ୟେ ସର୍ଵଶ୍ରିୟୋ ମୂଲମ୍ ॥ ୨୦୪ ॥

ଜାତପରାକ୍ରମକଲିକା ଦିଶି ଦିଶି କିଂନରସୁଗୀତନିଜୟଶସଃ ।
ଧନ୍ୟା ଭାନ୍ତି ହି ମନୁଜାଃ ୟଦ୍ଵୀକ୍ଷାଲଵଵିଶେଷତଃ କାଲେ ॥ ୨୦୫ ॥

ନମଦମରୀକଚଭରସୁମମରନ୍ଦଧାରାଭିଷିକ୍ତଂ ତେ ।
ପଦକମଲୟୁଗଲମେତଚ୍ଛ୍ରେୟଃସ୍ଫୂର୍ତ୍ୟୈ ସଦା ଭଵତୁ ॥ ୨୦୬ ॥

ରାଗଦ୍ଵେଷାଦିହତଂ ମାମଵ କମଲେ ହରେଃ କାନ୍ତେ ।
ଦର୍ଶୟ ଦୟୟା କାଲେ ହ୍ୟପଵର୍ଗସ୍ଥାନମାର୍ଗଂ ଚ ॥ ୨୦୭ ॥

ନ ହି ଜାନେ ଵର୍ଣୟିତୁଂ ପରମେ ସ୍ଥନେ ତ୍ଵଦୀୟଵିଭଵମହମ୍ ।
ମୁନୟଶ୍ଚ ସୁରା ଵେଦା ୟତୋ ନିଵୃତ୍ତାଃ କ୍ଷମାତନୟେ ॥ ୨୦୮ ॥

ମନୁଜାଃ କଟାକ୍ଷିତାଃ କିଲ ତଥାମ୍ବୟା ମେଦିନୀପୁତ୍ର୍ୟା ।
ସତ୍ସୁତକଲତ୍ରସହିତାଃ ସୁରଭିଂ କାଲେନ ନିର୍ଵିଶାନ୍ତି ମୁଦା ॥ ୨୦୯ ॥

ଜଲଧୀଶକନ୍ୟକା ସା ଲସତୁ ପୁରୋଽସ୍ମାକମାଦରକୃତଶ୍ରୀଃ ।
ୟତ୍ପ୍ରଣମନାଜ୍ଜନାନାଂ କଵିତୋନ୍ମେଷଃ ସଦୀଡିତେ ଭାତି ॥ ୨୧୦ ॥

ଦୂରିକରୋତୁ ଦୁରିତଂ ତ୍ଵଦ୍ଭକ୍ତିର୍ମାମକଂ କମଲେ ।
ଅହମପି ସୁରେଶସେଵ୍ୟେ ତଵ ସଦସି ଵିଶାମି କୀର୍ତିଗାନପରଃ ॥ ୨୧୧ ॥

ପରମଜ୍ଞାନଵିଧାତ୍ରୀ ତଵ ପାଦପୟୋଜଭକ୍ତିରସ୍ମାକମ୍ ।
କିଂ ଵାଶାସ୍ୟମତୋଽନ୍ୟତ୍ ସମୁଦ୍ରତନୟେ ହରେର୍ଜାୟେ ॥ ୨୧୨ ॥

ଅମ୍ବ କଦା ଵା ଲପ୍ସ୍ୟେ ମଦୀୟପାପାପନୋଦାୟ ।
ତଵ ପାଦକମଲସେଵାମବ୍ଜଭଵାଦ୍ୟୈସ୍ତୁ ସଂପ୍ରାର୍ଥ୍ୟାମ୍ ॥ ୨୧୩ ॥

ମନ୍ଦାନାମପି ମଞ୍ଜୁଲକଵିତ୍ଵରସଦାୟିନୀ ଜନନୀ ।
କାପି କରୁଣାମୟୀ ସା ଲସତୁ ପୁରସ୍ତାତ୍ ସଦାସ୍ମାକମ୍ ॥ ୨୧୪ ॥

ସକଲକଵିଲୋକଵିନୁତେ କମଲେ କମଲାକ୍ଷି ଵଲ୍ଲଭେ ଵିଷ୍ଣୋଃ ।
ତ୍ଵନ୍ନାମାନି ହି କଲୟେ ଵନେ ଜଲେ ଶତ୍ରୁପୀଡାୟାମ୍ ॥ ୨୧୫ ॥

ଦିଵି ଵା ଭୁଵି ଦିକ୍ଷୁ ଜଲେ ଵହ୍ନୌ ଵା ସର୍ଵତଃ କମଲେ ।
ଜନ୍ତୂନାଂ କିଲ ରକ୍ଷା ତ୍ଵଦଧୀନା କୀର୍ତ୍ୟତେ ଵିବୁଧୈଃ ॥ ୨୧୬ ॥

କୁଶଲଵିଧୟେ ତଦସ୍ତୁ ତ୍ରିଵିକ୍ରମାସେଵ୍ୟରମ୍ୟନିଜକେଲି ।
କବଲିତପଦନତଦୈନ୍ୟଂ ତରୁଣାମ୍ବୁଜଲୋଚନଂ ତେଜଃ ॥ ୨୧୭ ॥

ଜନନୀ ସୁଵର୍ଣଵୃଷ୍ଟିପ୍ରଦାୟିନୀ ଭାତି ଵିଷ୍ଣୁଵକ୍ଷଃସ୍ଥା ।
କମଲା କଲିତକ୍ଷେମା ପ୍ରକୃତୀନାଂ ଶୀତଲାପାଙ୍ଗୈଃ ॥ ୨୧୮ ॥

ଜଗତାମାଦିମଜନନୀ ଲସତି କଵେରାତ୍ମଜାପୁଲିନେ ।
କ୍ଷେତ୍ରେଷୂତ୍ତମଜୁଷ୍ଟେଷ୍ଵୟୋନିଜା ଲୋକରକ୍ଷାୟୈ ॥ ୨୧୯ ॥

କୁଚଶୋଭାଜିତଵିଷ୍ଣୁଃ କୁଙ୍କୁମପଙ୍କାଙ୍କିତା କମଲା ।
କାଞ୍ଚ୍ୟାଂ ରାଜତି କାଞ୍ଚୀମଣିଗଣନୀରାଜିତାଙ୍ଘ୍ରିୟୁଗା ॥ ୨୨୦ ॥

ମନ୍ଦାରକୁସୁମମଦହରମନ୍ଦସ୍ମିତମଧୁରଵଦନପଙ୍କରୁହା ।
ହୃଦ୍ୟତମନିତ୍ୟୟୌଵନମଣ୍ଡିତଗାତ୍ରୀ ଵିରାଜତେ କମଲା ॥ ୨୨୧ ॥

କଂସରିପୁଗେହିନୀ ସା ହଂସଗତିର୍ହଂସମାନ୍ୟନିଜଚରିତା ।
ସଂସାରତାପହାନିଂ କଲୟତୁ କାଲେ ରମାସ୍ମାକମ୍ ॥ ୨୨୨ ॥

ମନସିଜଜନନୀ ଜନନୀ ଚାସ୍ମାକମିହାଦରାତ୍ କାଲେ ।
ଶୀତଲଲୋଲାପାଙ୍ଗୈସ୍ତରଙ୍ଗୟତି ଶ୍ରେୟସାଂ ସରିଣମ୍ ॥ ୨୨୩ ॥

ତଵ ମନ୍ଦହାସକଲିକାଂ ଭଜେ ଭୁଜଙ୍ଗେ ଶୟାନଂ ତମ୍ ।
ୟା କଲୟତି ଗତକୋପଂ ବାଲାନାଂ ନଃ କୃତାପରାଧାନାମ୍ ॥ ୨୨୪ ॥

ସା ସାଧୟେଦଭୀଷ୍ଟଂ କମଲା ଶ୍ରୀର୍ଵିଷ୍ଣୁଵକ୍ଷଃସ୍ଥା ।
ୟସ୍ୟାଃ ପଦଵିନ୍ୟାସଃ ଶ୍ରୁତିମୌଲିଷୁ ତନ୍ୟତେ ମହାଲକ୍ଷ୍ମ୍ୟାଃ ॥ ୨୨୫ ॥

ଶାନ୍ତିରସନିତ୍ୟଶେଵଧିମମ୍ବାଂ ସେଵେ ମନୋରଥାଵାପ୍ତ୍ୟୈ ।
ୟାମାରାଧ୍ୟ ସୁରେଶାଃ ସ୍ଵପଦଂ ପ୍ରାପୁର୍ହି ତାଦୃକ୍ଷମ୍ ॥ ୨୨୬ ॥

ଧାତୁରପି ଵେଦଵଚସାଂ ଦୂରେ ୟତ୍ସ୍ଥାନମାମନନ୍ତି ବୁଧାଃ ।
ସାସ୍ତୁ ମୁଦେ ଶ୍ରୀରେଷା ମୁରମର୍ଦନସତ୍କଲତ୍ରମମିତୌଜଃ ॥ ୨୨୭ ॥

ଭଵଦୁଃଖରାଶିଜଲଧେର୍ହଠାତ୍ ତରିତ୍ରୀଂ ପରଂ ଵିଦ୍ମଃ ।
ତାମମ୍ବାଂ କମଲସ୍ଥାଂ ମୁରାରିଵକ୍ଷୋମଣିପ୍ରଦୀପାଂ ଚ ॥ ୨୨୮ ॥

ମୁନିସାର୍ଵଭୌମଵର୍ଣିତମହାଚରିତ୍ରଂ ହରେଃ କଲତ୍ରଂ ତତ୍ ।
ପଥି ମଙ୍ଗଲାୟ ଭଵତୁ ପ୍ରସ୍ଥାନଜୁଷାଂ କୃପାଧାରମ୍ ॥ ୨୨୯ ॥

ଖଣ୍ଡିତଵୈରିଗଣେୟଂ ମଣ୍ଡିତଭକ୍ତା ସୁତାଦ୍ୟୈଶ୍ଚ ।
ଭାସୁରକୀର୍ତିର୍ଜୟତି କ୍ଷୋଣୀସୁରଵନ୍ଦ୍ୟଚରଣାବ୍ଜା ॥ ୨୩୦ ॥

See Also  300 Names Of Prachanda Chandi Trishati In Odia

ନତପାଲିନି ମାଂ ପାହି ତ୍ରିଜଗଦ୍ଵନ୍ଦ୍ୟେ ନିଧେହି ମୟି ଦୟୟା ।
ତାଵକକଟାକ୍ଷଲହରୀଃ ଶକ୍ତିମୟେ ସକଲସିଦ୍ଧୀନାମ୍ ॥ ୨୩୧ ॥

ଭଵସାଗରଂ ତିତୀର୍ଷୁସ୍ତଵ ଚରଣାବ୍ଜଂ ମହାସେୟୁମ୍ ।
ମାତଃ କଦା ନୁ ଲପ୍ସ୍ୟେ ଘନତାପୋର୍ମ୍ୟାଦିପୀଡିତୋ ଦୀନଃ ॥ ୨୩୨ ॥

କଵିଵାଗ୍ଵାସନ୍ତୀନାଂ ଵସନ୍ତଲକ୍ଷ୍ମୀର୍ମୁରାରିଦୟିତା ନଃ ।
ପରମାଂ ମୁଦଂ ଵିଧତ୍ତେ କାଲେ କାଲେ ମହାଭୂତ୍ୟୈ ॥ ୨୩୩ ॥

ସୁରହରପରତନ୍ତ୍ରଂ ତଦ୍ ଗତତନ୍ଦ୍ରଂ ଵସ୍ତୁ ନିସ୍ତୁଲମୁପାସେ ।
ତେନୈଵାହଂ ଧନ୍ୟୋ ମଦ୍ଵଂଶ୍ୟା ନିରସିତାତ୍ମତାପଭରାଃ ॥ ୨୩୪ ॥

ତୃଷ୍ଣାଂ ଶମୟତି ଦେଵୀ ରାଘଵଦୟିତା ନତାଲିସୁରଵଲ୍ଲୀ ।
ଇଟ୍ୟାର୍ୟଵଚୋ ଧୈର୍ୟଂ ଜନୟତି କାଲେ ଧରାପୁତ୍ରି ॥ ୨୩୫ ॥

ରଘୁପତିଦୟିତେ ମାତଃ କାକାସୁରରକ୍ଷଣାଦିନା ଲୋକେ ।
ତାଵକକରୁଣାମହିମା ପ୍ରଥିତଃ କିଲ ଭୂତିଦାୟୀ ନଃ ॥ ୨୩୬ ॥

ପ୍ରଚୁରତଦୁରିତପାଲୀସମାଵୃତାନାଂ କଲୌ ହି ତପ୍ତାନାମ୍ ।
ତାଵକଦୟା ହି ମାତଃ ଶରଣଂ ଵରମିତି ସତାଂ ଗଣଃ ସ୍ତୌତି ॥ ୨୩୭ ॥

ଅତ୍ୟନ୍ତଶୀତଲାଂ ତାଂ କଟାକ୍ଷଧାଟୀମୁପାସେଽହମ୍ ।
ତେନ ମମ ତ୍ରିଦଶାନାଂ ନ କୋଽପି ଭେଦୋ ଧରାତନୟେ ॥ ୨୩୮ ॥

ୟୈଃ ସେଵା ସଂକଲିତା ତଵ ପାଦାବ୍ଜେ ଧରାତନୟେ ।
ତେଷାମଜ୍ଞାନଝରୀ ୟାତି ହି ଵିଲୟଂ କ୍ଷଣେନୈଵ ॥ ୨୩୯ ॥

ଜ୍ଞାନାରଵିନ୍ଦଵିଲସନମଚିରାଦସ୍ୟ ସ୍ତୁତୌ ହି କଵିଵର୍ୟାଃ ।
ସଂପଦ୍ ଦିଵ୍ୟା ଚ ତଥା ଵିବୁଧାଵଲିମାନନୀୟାତ୍ର ॥ ୨୪୦ ॥

ମାତସ୍ତଵ ପାଦାବ୍ଜଂ ୟସ୍ୟ ଲଲାଟେ କୃତୋରୁନିଜକାନ୍ତି ।
ତତ୍ପାଦପଦ୍ମମଚିରାଦ୍ ଵିମାନଗା ଦେଵତା ଵହତି ॥ ୨୪୧ ॥

ଆଜ୍ଞାଵଶେନ ଦେଵ୍ୟା ଲସନ୍ତି ଦିଵି ଦେଵତାମାନ୍ୟାଃ ।
ଇନ୍ଦ୍ରାଦ୍ୟାଃ ସ ଚ ଧାତା ଦିକ୍ପାଲାଶ୍ଚାପି ଗନ୍ଧର୍ଵାଃ ॥ ୨୪୨ ॥

କୈଵଲ୍ୟାନନ୍ଦକଲାଦାତ୍ରୀଂ କମଲାମହର୍ନିଶଂ ନୌମି ।
ତେନୈଵ ଜନ୍ମ ସଫଲଂ ତୀର୍ଥାଦିନିଷେଵଣାଦ୍ୟଚ୍ଚ ॥ ୨୪୩ ॥

ୟଚ୍ଚ ହରିପାଦପଙ୍କେରୁହପରିଚରଣାଦିନା ଲୋକେ ।
ତତ୍ ସର୍ଵମାଶୁ ଘଟୟତି ସହସା ମନ୍ଦସ୍ୟ ମେ ମାତା ॥ ୨୪୪ ॥

ନାନାଶ୍ରୁତ୍ୟନ୍ତକଲାପରିମଲପରିଵାହଵାସିତଂ ମାତଃ ।
ତଵ ଚରଣକମଲୟୁଗଲଂ ମମାଵତଂସଃ କ୍ଷଣଂ ଭାତୁ ॥ ୨୪୫ ॥

ନତଦେଵନଗରନାରୀଧମ୍ମିଲ୍ଲଲସତ୍ସୁମାଲିକୃତନାଦାଃ ।
ପ୍ରାତର୍ମୁରଜଵିଲାସଂ କଲୟନ୍ତି ଭୃଶଂ ତଵାଗ୍ରତୋ ଭୃଙ୍ଗାଃ ॥ ୨୪୬ ॥

ପାପପ୍ରଶମନଦୀକ୍ଷାକଲାଧୁରୀଣାଃ ପୟୋଜନିଲୟେ ତେ ।
ମାଂ ଚ ପଵିତ୍ରୀକୁର୍ୟୁଃ ପାଦପରାଗାଃ କୃପାଵଶତଃ ॥ ୨୪୭ ॥

ହନ୍ତ କଦା ଵା ଲପ୍ସ୍ୟେ ତଵାଙ୍ଘ୍ରିଶୁଶ୍ରୂଷଣାସକ୍ତିମ୍ ।
ସହଜାନନ୍ଦଂ ତେନ ହି ପଦଂ କ୍ରମାତ୍ ପ୍ରାପ୍ୟମାଦିଷ୍ଟମ୍ ॥ ୨୪୮ ॥

ନଲିନୀଵିଲାସରୁଚିରାଂ ମୟି ଦେଵି ତ୍ଵତ୍କଟାକ୍ଷଲହରୀଂ ହି ।
କାଲେ ନିଧେହି ଦୟୟା ସ୍ଫୀତା ତେ କୀର୍ତିରାଦୃତା ସର୍ଵୈଃ ॥ ୨୪୯ ॥

ଵିନିହତଦୁରିତସ୍ତୋମା କାପି ମଦୀୟେ ହୃଦମ୍ଭୋଜେ ।
ଲସତୁ ପରଦେଵତାଖ୍ୟା ମାଧଵନେତ୍ରପ୍ରିୟଂକରୀ କଲିକା ॥ ୨୫୦ ॥

ପଞ୍ଚାୟୁଧଗୁରୁମନ୍ତ୍ରଂ କଲନୂପୁରନିନଦମାଦରାତ୍ କମଲେ ।
କଲୟତି ରମାଧଵଗୃହଂ ୟାତୁଂ କାଲେ ତ୍ଵୟି ପ୍ରଵୃତ୍ତାୟାମ୍ ॥ ୨୫୧ ॥

ନତନାକିଲୋକଵନିତାଲଲାଟସିନ୍ଦୂରଶୋଣକାନ୍ତିଭୃତୋଃ ।
କଲୟେ ନମାଂସି କମଲେ ତଵ ପାଦପୟୋଜୟୋର୍ନିତ୍ୟମ୍ ॥ ୨୫୨ ॥

କମଲସୁଷୁମାନିଵାସସ୍ଥାନକଟାକ୍ଷଂ ଚିରାୟ କୃତରକ୍ଷମ୍ ।
ରକ୍ଷୋଗଣଭୀତିକରଂ ତେଜୋ ଭାତି ପ୍ରକାମମିହ ମନସି ॥ ୨୫୩ ॥

ଜ୍ୟୋତ୍ସ୍ନେଵ ଶିଶିରପାତା କଟାକ୍ଷଧାଟୀ ତ୍ଵଦୀୟା ହି ।
ଅମ୍ବ ମୁକୁନ୍ଦ ( … incomplete … ) କୁରୁତେ ॥ ୨୫୪ ॥

ତାପହରରସଵିଵର୍ଷଂଅଧୃତକୁତୁକା କାପି ନୀଲନଲିନରୁଚିଃ ।
କାଦମ୍ବିନୀ ପୁରସ୍ତଦାସ୍ତାଂ ନଃ ସଂତତଂ ଜନନୀ ॥ ୨୫୫ ॥

ସଫଲୟତୁ ନେତ୍ରୟୁଗଲଂ ମାମକମେତତ୍ ତ୍ଵଦୀୟରୂପମହୋ ।
ୟତ୍ କମଲନେତ୍ରସୁଚରିତପଚେଲିମଂ ଵୈଦିକୀ ଶ୍ରୁତିର୍ବ୍ରୂତେ ॥ ୨୫୬ ॥

ମାଧଵନେତ୍ରପୟୋଜାମୃତଲହରୀ ଭାତି ତାଵକଂ ରୂପମ୍ ।
ଅମ୍ବ ୟୁଵାମାଦ୍ୟୌ ନଃ ପିତରୌ ଵନେ ସୁଖାଵାପ୍ତ୍ୟୈ ॥ ୨୫୭ ॥

ସରସକଵିତାଦିସଂପଦ୍ଵିଲସନମାରାଦୁଶାନ୍ତି କଵିଵର୍ୟାଃ ।
ୟତ୍ପ୍ରୀଣନେନ ସା ମେ ଭଵତୁ ଵିଭୂତ୍ୟୈ ହି ସା କମଲା ॥ ୨୫୮ ॥

ମନସିଜଜୟାଦିକାର୍ୟଂ ୟଦପାଙ୍ଗଲଵାନ୍ନୃଣାଂ ଭଵତି ।
ତତ୍ପଦମାନନ୍ଦକଲଂ ସେଵ୍ୟଂ ଚ ଭଜେ ରମାଂ ଜନନୀମ୍ ॥ ୨୫୯ ॥

ଶିଥିଲତତମଃସମୂହା ଭକ୍ତାନାଂ ସା ରମା ଦେଵୀ ।
ଜନୟତି ଧୈର୍ୟଂ ଚ ହରେଃ କାଲେ ୟା ସର୍ଵଦା ସେଵ୍ୟା ॥ ୨୬୦ ॥

ୟଦ୍ଭ୍ରୂଵିଲାସଵଶତଃ ଶକ୍ତଃ ସୃଷ୍ଟ୍ୟାଦିକଂ କର୍ତୁମ୍ ।
ହରିରପି ଲୋକେ ଖ୍ୟାତଃ ସା ନଃ ଶରଣଂ ଜଗନ୍ମାତା ॥ ୨୬୧ ॥

ନୟନୟୁଗଲୀଂ କଦା ମେ ସିଞ୍ଚତି ଏଵ୍ୟାଃ ପରଂ ରୂପମ୍ ।
ୟଦ୍ଭଜନାନ୍ନ ହି ଲୋକେ ଦୃଷ୍ଟଂ ଶ୍ଲାଧ୍ୟଂ ପରଂ ଵସ୍ତୁ ॥ ୨୬୨ ॥

ସୁଚରିତଫଲଂ ତ୍ଵଦୀୟଂ ରୂପଂ ନଃ କଲିତଭକ୍ତୀନାମ୍ ।
ଅତ ଏଵ ମାମକାନାଂ ପାପାନାଂ ଵିରତିରୂର୍ଜିତା କମଲେ ॥ ୨୬୩ ॥

ସୁକୃତିଵିଭଵାଦୁପାସ୍ୟା କମଲା ସା ସର୍ଵକଲ୍ୟାଣା ।
ହରିଵକ୍ଷସି କୃତଵାସା ରକ୍ଷତି ଲୋକାନହୋରାତ୍ରମ୍ ॥ ୨୬୪ ॥

ସଂଵିଦ୍ରୂପା ହି ହରେଃ କୁଟୁମ୍ବିନୀ ଭାତି ଭକ୍ତହୃଦୟେଷୁ ।
ସର୍ଵଶ୍ରେୟଃପ୍ରାପ୍ତ୍ୟୈ ୟାଂ ଵିଦୁରାର୍ୟା ରମାଂ କମଲାମ୍ ॥ ୨୬୫ ॥

ଵିଷୟଲହରୀପ୍ରଶାନ୍ତ୍ୟୈ କମଲାପାଦାମ୍ବୁଜଂ ନୌମି ।
ପୂର୍ଵଂ ଶୁକାଦିସୁଧିୟୋ ୟଦ୍ଧ୍ୟାନାଦ୍ ଗଲିତଶତ୍ରୁଭୟାଃ ॥ ୨୬୬ ॥

ଲଲିତଗମନଂ ତ୍ଵଦୀୟଂ କଲନୂପୁରନାଦପୂରିତଂ ମାତଃ ।
ନୌମି ପଦାମ୍ବୁଜୟୁଗଲଂ ଭଵତାପନିରାସନାୟାଦ୍ୟ ॥ ୨୬୭ ॥

ଵିରଲୀକରୋତି ତାପଂ କମଲାୟା ମନ୍ଦହାସଝରୀ ।
ୟତ୍ସେଵନେଷୁ ସମୁଦିତକୌତୁକରସନିର୍ଭରୋ ହରିର୍ଜୟତି ॥ ୨୬୮ ॥

ପ୍ରତିଫଲତୁ ସଂତତଂ ମେ ପୁରତୋ ମାତସ୍ତ୍ଵଦୀୟରୂପମିଦମ୍ ।
ୟଦ୍ଦର୍ଶନରସଭୂମ୍ନା ହରିରପି ନାନାସ୍ଵରୂପଭାକ୍ କାଲେ ॥ ୨୬୯ ॥

ଅମ୍ବ ତଵ ଚରଣସେଵାଂ ସଂତତମହମାଦରାତ୍ କଲୟେ ।
ତେନ ମମ ଜନ୍ମ ସଫଲଂ ତ୍ରିଦଶାନାମିଵ ମୁନୀନ୍ଦ୍ରାଣାମ୍ ॥ ୨୭୦ ॥

ଦୁର୍ଵାରଗର୍ଵଦୁର୍ମତିଦୁରର୍ଥନିରସନକଲାନିପୁଣାଃ ।
ତଵ ଚରଣସେଵୟୈଵ ହି କମଲେ ମାତର୍ବୁଧା ଜଗତି ॥ ୨୭୧ ॥

ଆନଦମେତି ମାତସ୍ତଵ ନାମୋଚ୍ଚାରଣେନ ସିନ୍ଧୁଭଵେ ।
ସଂପ୍ରାପ୍ତତ୍ଵଦ୍ରୂପଂ ମମ ମାନସମାତ୍ତୟୋଗକଲମ୍ ॥ ୨୭୨ ॥

ତଵ ଦୃଷ୍ଟିପାତଵିଭଵାତ୍ ସର୍ଵେ ଲୋକେ ଵିଧୂତତାପଭରାଃ ।
ୟାନ୍ତି ମୁଦା ତ୍ରିଦଶୈଃ ସହ ଵିଭାନମାରୁହ୍ୟ ମାତରହୋ ॥ ୨୭୩ ॥

କୋ ଵା ନ ଶ୍ରୟତି ବୁଧଃ ଶ୍ରେୟୋଽର୍ଥୀ ତାମିମାଂ କମଲାମ୍ ।
ୟାଂ ପନ୍ନଗାରିଵାହନସଦ୍ଗର୍ମିଣୀମର୍ଚୟନ୍ତି ସୁରନାଥାଃ ॥ ୨୭୪ ॥

ତାମରଵିନ୍ଦନିଵାସାମମ୍ବାଂ ଶରଣାର୍ଥିନାଂ କଲିତରକ୍ଷାମ୍ ।
ବହୁରୂପେଷ୍ଵଘନିଚୟେଷ୍ଵପି ନିଶ୍ଚିତ୍ୟାତ୍ମନୋ ଧୈର୍ୟମ୍ ॥ ୨୭୫ ॥

କରୁଣାପ୍ରଵାହଝର୍ୟା ଗତପଙ୍କ ଭୂତଲଂ ମାତଃ ।
ସତ୍ଵାଙ୍କୁରାଦିଲସିତଂ ଜୟତି ପୟୋରାଶିକକନ୍ୟକେ କମଲେ ॥ ୨୭୬ ॥

ଵିଧିଶିଵଵାସଵମୁଖ୍ୟୈର୍ଵନ୍ଦ୍ୟପଦାବ୍ଜେ ନମସ୍ତୁଭ୍ୟମ୍ ।
ମାତର୍ଵିଷ୍ଣୋର୍ଦୟିତେ ସର୍ଵଜ୍ଞତ୍ଵଂ ଚ ମେ କଲୟ ॥ ୨୭୭ ॥

ପରଦେଵତେ ପ୍ରସୀଦ ପ୍ରସୀଦ ହରିଵଲ୍ଲଭେ ମାତଃ ।
ତ୍ଵାମାହୁଃ ଶ୍ରୁତୟଃ କିଲ କଲ୍ୟାଣଗୁଣାକରାଂ ନିତ୍ୟାମ୍ ॥ ୨୭୮ ॥

କ୍ଷନ୍ତଵ୍ୟମମ୍ବ ମାମକମଘରାଶିଂ କ୍ଷପୟ ଵୀକ୍ଷଣତଃ ।
ସତ୍ଵୋନ୍ମେଷଂ ଦେହି ପ୍ରିୟେ ହରେର୍ଦାସମପି କୁରୁ ମାମ୍ ॥ ୨୭୯ ॥

ଵାଞ୍ଛିତସିଦ୍ଧିର୍ନ ସ୍ୟାଦ୍ ୟଦି ପାଦାବ୍ଜେ କୃତପ୍ରଣାମାନାମ୍ ।
ହାନିସ୍ତ୍ଵଦୀୟୟଶସାମିତି କେଚିଦ୍ଧୈର୍ୟଵନ୍ତଶ୍ଚ ॥ ୨୮୦ ॥

ସଦସଦନୁଗ୍ରହଦକ୍ଷାଂ ତ୍ଵାଂ ମାତଃ ସଂତତଂ ନୌମି ।
ଗ୍ରହପୀଡା ନୈଵ ଭଵେଦ୍ୟମପୀଡା ଦୂରତଃ କାଲେ ॥ ୨୮୧ ॥

ଵିଦ୍ୟାଃ କଲାଶ୍ଚ କାଲେ କୃପୟା କଲୟ ପ୍ରସୀଦାଶୁ ।
ମାତସ୍ତ୍ଵମେଵ ଜଗତାଂ ସର୍ଵେଷାଂ ରକ୍ଷଣଂ ତ୍ଵୟା କ୍ରିୟତେ ॥ ୨୮୨ ॥

ଉଛେଷ୍ଵପି ନୀଚେଷୁ ପ୍ରକାଶତେ ତୁଲ୍ୟମେଵ ତଵ ରୂପମ୍ ।
ଏତଦ୍ ଦୃଷ୍ଟ୍ଵା ଧୈର୍ୟଂ ଘନାଗସୋଽପ୍ୟମ୍ବ ଜାୟତେ ନନୁ ମେ ॥ ୨୮୩ ॥

କା ଶଙ୍କା ତଵ ଵୈଭଵଜାଲଂ ଵକ୍ତୁଂ ଦିଗନ୍ତରେ ମାତଃ ।
ଵରହାରାଲଂକାରାଂ ସେଵନ୍ତେ ତ୍ଵାଂ ହରିତ୍ପତୟଃ ॥ ୨୮୪ ॥

କମଲାୟାଶ୍ଚ ହରେରପି ସଂଦୃଷ୍ୟଂ ଦିଵ୍ୟଦାଂପତ୍ୟମ୍ ।
ତାଵେଵ ନଃ ପତୀ କିଲ ଜନ୍ମାନ୍ତରପୁଣ୍ୟପରିପାକାତ୍ ॥ ୨୮୫ ॥

ସର୍ଵାସାମୁପନିଷଦାଂ ଵିଦ୍ୟାନାଂ ତ୍ଵଂପରଂ ସ୍ଥାନମ୍ ।
ଅଲ୍ପଧିୟୋ ଵୟମେତେ ତ୍ଵତ୍ସ୍ତୋତ୍ରେ ଭୋଃ କଥଂ ଶକ୍ତାଃ ॥ ୨୮୬ ॥

ସାଷ୍ଟାଙ୍ଗପ୍ରଣତିରିୟଂ ପ୍ରକଲ୍ପିତା ମାତରଦ୍ୟ ତଵ ଚରଣେ ।
ତେନାହଂ ହି କୃତାର୍ଥଃ କିଂ ପ୍ରାର୍ଥ୍ୟଂ ଵସ୍ତ୍ଵତଃ କମଲେ ॥ ୨୮୭ ॥

ସ୍ତୋତ୍ରମିଦଂହି ମୟା ତେ ଚରଣାମ୍ଭୋଜେ ସମର୍ପିତଂ ଭକ୍ତ୍ୟା ।
ତଵ ଚ ଗୁରୋରପି ଵୀକ୍ଷା ତତ୍ର ନିଦାନଂ ପରଂ ନାନ୍ୟତ୍ ॥ ୨୮୮ ॥

ଦେହାନ୍ତେ ନନୁ ମାତର୍ମୋକ୍ଷଂ ତ୍ରିଦଶୈଃ ସମଂ ଦେହି ।
ଅହମପି ସାମ ପଠନ୍ ସନ୍ ତ୍ଵାଂ ଚ ହରିଂ ୟାମି ଶରଣାର୍ଥୀ ॥ ୨୮୯ ॥

ଶୁକଵାଣୀମିଵ ମାତର୍ନିରର୍ଥକାଂ ମଦ୍ଵଚୋଭଙ୍ଗୀମ୍ ।
ଆରାଚ୍ଛୃଣୋଷି ଦୟୟା ତଦେଵ ଚୋତ୍ତମପଦଵ୍ୟକ୍ତ୍ୟୈ ॥ ୨୯୦ ॥

ଵିଦ୍ୟାଂ କଲାଂ ଵରିଷ୍ଠାଂ ଅମ୍ବ ତ୍ଵାଂ ସଂତତଂ ଵନ୍ଦେ ।
ୟା ଵ୍ୟାକରୋଷି କାଲେ ଵିଦ୍ଵଦ୍ଭିର୍ଵେଦତତ୍ତ୍ଵାଦି ॥ ୨୯୧ ॥

ଵୈଦୁଷ୍ୟଂ ଵାଣ୍ୟାଃ ସତ୍ସଂପଜ୍ଝର୍ୟୋ ୟଦୀୟଵୀକ୍ଷଣତଃ ।
ସିଧ୍ୟନ୍ତ୍ୟପି ଦେଵାନାଂ ସା ନଃ ଶରଣଂ ରମା ଦେଵୀ ॥ ୨୯୨ ॥

ଵିପୁଲଂ ଶ୍ରିୟୋ ଵିଲାସଂ ଶ୍ରଦ୍ଧାଂ ଭକ୍ତ୍ୟାଦିକଂ ଦେହି ।
ଅମ୍ବ ପ୍ରସୀଦ କାଲେ ତଵ ପାଦାବ୍ଜୈକସେଵିନାମିହ ନଃ ॥ ୨୯୩ ॥

କେଚିତ୍ ପ୍ରାଞ୍ଚଃ କମଲାଂ ପ୍ରାପ୍ୟ ହି ଶରଣଂ ଵିପତ୍କାଲେ ।
ଝଟିତି ଵିଧୂନିତତାପାଃ ସା ମେ ଦେଵୀ ପ୍ରସନ୍ନାସ୍ତୁ ॥ ୨୯୪ ॥

ମରକତକାନ୍ତିମନୋହରମୂର୍ତିଃ ସୈଷା ରମା ଦେଵୀ ।
ପାତି ସକଲାନି କାଲେ ଜଗନ୍ତି କରୁଣାଵଲୋକାଦ୍ୟୈଃ ॥ ୨୯୫ ॥

ଭାଗୀରଥୀଵ ଵାଣୀ ତଵ ନୁତିରୂପା ଵିରାଜତେ ପରମା ।
ଇହ ମାତର୍ୟଦ୍ଭଜନଂ ସର୍ଵେଷାଂ ସର୍ଵସଂପଦାଂ ହେତୁଃ ॥ ୨୯୬ ॥

କଲଶପୟୋଦଧିତନୟେ ହରିପ୍ରିୟେ ଲକ୍ଷ୍ମି ମାତରମ୍ବେତି ।
ତଵ ନାମାନି ଜପନ୍ ସନ୍ ତ୍ଵଦ୍ଦାସୋଽହଂ ତୁ ମୁକ୍ତୟେ ସିଦ୍ଧଃ ॥ ୨୯୭ ॥

ନିଖିଲଚରାଚରରକ୍ଷାଂ ଵିତନ୍ଵତୀ ଵିଷ୍ଣୁଵଲ୍ଲଭା କମଲା ।
ମମ କୁଲଦୈଵତମେଷା ଜୟତି ସଦାରାଧ୍ୟମାନ୍ୟପାଦକମଲା ॥ ୨୯୮ ॥

ସର୍ଵଜନ୍ନୁତଵିଭଵେ ସଂତତମପି ଵାଞ୍ଛିତପ୍ରଦେ ଦେଵି ।
ଅମ୍ବ ତ୍ଵମେଵ ଶରଣଂ ତେନାହଂ ପ୍ରାପ୍ତସର୍ଵକାର୍ୟାର୍ଥଃ ॥ ୨୯୯ ॥

କମଲେ କଥଂ ନୁ ଵର୍ଣ୍ୟସ୍ତଵ ମହିମା ନିଗମମୌଲିଗଣଵେଦ୍ୟଃ ।
ଇତି ନିଶ୍ଚିତ୍ୟ ପଦାବ୍ଜଂ ତଵ ଵନ୍ଦେ ମୋକ୍ଷକାମୋଽହମ୍ ॥ ୩୦୦ ॥

ତ୍ଵାମମ୍ବ ବାଲିଶୋଽହଂ ତ୍ଵଚମତ୍କାରୈର୍ଗିରାଂ ଗୁମ୍ଭୈଃ ।
ଅୟଥାୟଥକ୍ରମଂ ହି ସ୍ତୁଵନ୍ନପି ପ୍ରାପ୍ତଜନ୍ମସାଫଲ୍ୟଃ ॥ ୩୦୧ ॥

ଇତି ଶ୍ରୀକମଲାତ୍ରିଶତୀ ସମାପ୍ତା

– Chant Stotra in Other Languages -309 Names of Sri Kamala Trishati:
Kamala Trishati – 300 Names of Kamala in SanskritEnglishBengaliGujaratiKannadaMalayalam – Odia – TeluguTamil