॥ Kashi Panchakam in Gujarati Lyrics ॥
॥ કાશીપઞ્ચકમ્ ॥
મનોનિવૃત્તિઃ પરમોપશાન્તિઃ
સા તીર્થવર્યા મણિકર્ણિકા ચ ।
જ્ઞાનપ્રવાહા વિમલાદિગઙ્ગા
સા કાશિકાહં નિજબોધરૂપા ॥ ૧ ॥
યસ્યામિદં કલ્પિતમિન્દ્રજાલં
ચરાચરં ભાતિ મનોવિલાસમ્ ।
સચ્ચિત્સુખૈકા પરમાત્મરૂપા
સા કાશિકાહં નિજબોધરૂપા ॥ ૨ ॥
કોશેષુ પઞ્ચસ્વધિરાજમાના
બુદ્ધિર્ભવાની પ્રતિદેહગેહમ્ ।
સાક્ષી શિવઃ સર્વગતોઽન્તરાત્મા
સા કાશિકાહં નિજબોધરૂપા ॥ ૩ ॥
કાશ્યાં હિ કાશ્યતે કાશી કાશી સર્વપ્રકાશિકા ।
સા કાશી વિદિતા યેન તેન પ્રાપ્તા હિ કાશિકા ॥ ૪ ॥
કાશીક્ષેત્રં શરીરં ત્રિભુવન-જનની વ્યાપિની જ્ઞાનગઙ્ગા ।
ભક્તિઃ શ્રદ્ધા ગયેયં નિજગુરુ-ચરણધ્યાનયોગઃ પ્રયાગઃ ।
વિશ્વેશોઽયં તુરીયઃ સકલજન-મનઃસાક્ષિભૂતોઽન્તરાત્મા
દેહે સર્વં મદીયે યદિ વસતિ પુનસ્તીર્થમન્યત્કિમસ્તિ ॥ ૫ ॥
ઇતિ શ્રીમદ્ શઙ્કરાચાર્યવિરચિતં કશિપન્ચકં સમાપ્તમ્ ।
– Chant Stotra in Other Languages –
Kasi or Kashi Panchakam Lyrics in Sanskrit » English » Bengali » Marathi » Kannada » Malayalam » Odia » Telugu » Tamil