॥ Dharmasastha Ashtottara Shatanama Stotram Malayalam Lyrics ॥
॥ ശ്രീധര്‍മശാസ്തുഃ അഷ്ടോത്തരശതനാമസ്തോത്രം ॥
ശ്രീ പൂര്‍ണാപുഷ്കലാംബാസമേത ശ്രീ ഹരിഹരപുത്രസ്വാമിനേ നമഃ ॥
ധ്യാനം ॥
കല്‍ഹാരോജ്വല നീലകുന്തലഭരം കാലാംബുദ ശ്യാമലം
കര്‍പൂരാകലിതാഭിരാമ വപുഷം കാന്തേന്ദുബിംബാനനം ।
ശ്രീ ദണ്ഡാങ്കുശ-പാശ-ശൂല വിലസത്പാണിം മദാന്ത-
ദ്വിപാരൂഢം ശത്രുവിമര്‍ദനം ഹൃദി മഹാ ശാസ്താരം ആദ്യം ഭജേ ॥
മഹാശാസ്താ മഹാദേവോ മഹാദേവസുതോഽവ്യയഃ ।
ലോകകര്‍താ ലോകഭര്‍താ ലോകഹര്‍താപരാത്പരഃ ॥ 1 ॥
ത്രിലോകരക്ഷകോ ധന്വീ തപസ്വീ ഭൂതസൈനികഃ ।
മന്ത്രവേദീ മഹാവേദീ മാരുതോ ജഗദീശ്വരഃ ॥ 2 ॥
ലോകാധ്യക്ഷോഽഗ്രണീഃ ശ്രീമാനപ്രമേയപരാക്രമഃ ।
സിംഹാരൂഢോ ഗജാരൂഢോ ഹയാരൂഢോ മഹേശ്വരഃ ॥ 3 ॥
നാനാശസ്ത്രധരോഽനര്‍ഘോ നാനാവിദ്യാവിശാരദഃ ।
നാനാരൂപധരോ വീരോ നാനാപ്രാണിനിഷേവിതഃ ॥ 4 ॥
ഭൂതേശോ ഭൂതിതോ ഭൃത്യോ ഭുജങ്ഗാഭരണോജ്വലഃ ।
ഇക്ഷുധന്വീ പുഷ്പബാണോ മഹാരൂപോ മഹാപ്രഭുഃ ॥ 5 ॥
മായാദേവീസുതോ മാന്യോ മഹനീയോ മഹാഗുണഃ ।
മഹാശൈവോ മഹാരുദ്രോ വൈഷ്ണവോ വിഷ്ണുപൂജകഃ ॥ 6 ॥
വിഘ്നേശോ വീരഭദ്രേശോ ഭൈരവോ ഷണ്‍മുഖപ്രിയഃ ।
മേരുശൃങ്ഗസമാസീനോ മുനിസംഘനിഷേവിതഃ ॥ 7 ॥
വേദോ ഭദ്രോ ജഗന്നാഥോ ഗണനാഥോ ഗണേശ്വരഃ ।
മഹായോഗീ മഹാമായീ മഹാജ്ഞാനീ മഹാസ്ഥിരഃ ॥ 8 ॥
വേദശാസ്താ ഭൂതശാസ്താ ഭീമഹാസപരാക്രമഃ ।
നാഗഹാരോ നാഗകേശോ വ്യോമകേശഃ സനാതനഃ ॥ 9 ॥
സഗുണോ നിര്‍ഗുണോ നിത്യോ നിത്യതൃപ്തോ നിരാശ്രയഃ ।
ലോകാശ്രയോ ഗണാധീശശ്ചതുഷഷ്ടികലാമയഃ ॥ 10 ॥
ഋഗ്യജുഃസാമഥര്‍വാത്മാ മല്ലകാസുരഭഞ്ജനഃ ।
ത്രിമൂര്‍തി ദൈത്യമഥനഃ പ്രകൃതിഃ പുരുഷോത്തമഃ ॥ 11 ॥
കാലജ്ഞാനീ മഹാജ്ഞാനീ കാമദഃ കമലേക്ഷണഃ ।
കല്‍പവൃക്ഷോ മഹാവൃക്ഷോ വിദ്യാവൃക്ഷോ വിഭൂതിദഃ ॥ 12 ॥
സംസാരതാപവിച്ഛേത്താ പശുലോകഭയങ്കരഃ ।
രോഗഹന്താ പ്രാണദാതാ പരഗര്‍വവിഭഞ്ജനഃ ॥ 13 ॥
സര്‍വശാസ്ത്രാര്‍ഥ തത്വജ്ഞോ നീതിമാന്‍ പാപഭഞ്ജനഃ ।
പുഷ്കലാപൂര്‍ണാസംയുക്തഃ പരമാത്മാ സതാംഗതിഃ ॥ 14 ॥
അനന്താദിത്യസങ്കാശഃ സുബ്രഹ്മണ്യാനുജോ ബലീ ।
ഭക്താനുകമ്പീ ദേവേശോ ഭഗവാന്‍ ഭക്തവത്സലഃ ॥
ഇതി ശ്രീ ധര്‍മശാസ്തുഃ അഷ്ടോത്തരശതനാമസ്തോത്രം സമ്പൂര്‍ണം ॥
– Chant Stotra in Other Languages –
Ayyappa Swamy Slokam » Sri Dharmasastha Ashtottara Shatanama Stotram Lyrics in Sanskrit » English » Bengali » Gujarati » Kannada » Odia » Telugu » Tamil