॥ Common Shlokas for Recitation Set 2 ॥
॥ શ્લોક સંગ્રહ ૨ ॥
સરસ્વતી નમસ્તુભ્યં વરદે કામરૂપિણિ ।
વિદ્યારમ્ભં કરિષ્યામિ સિદ્ધિર્ભવતુ મે સદા ॥
Oh Goddess Sarasvati, my humble prostrations unto
Thee, who are the fulfiller of all my wishes.
I start my studies with the request that Thou wilt
bestow Thy blessings on me .
આકાશાત્ પતિતં તોયં યથા ગચ્છતિ સાગરમ્ ।
સર્વદેવનમસ્કારાન્ કેશવં પ્રતિગચ્છતિ ॥
દીપજ્યોતિઃ પરબ્રહ્મ દીપજ્યોતિર્જનાર્દનઃ ।
દીપો હરતુ મે પાપં દીપજ્યોતિર્નમોઽસ્તુતે ॥
ગણનાથસરસ્વતીરવિશુક્રબૃહસ્પતીન્ ।
પંચૈતાન્ સંસ્મરેન્નિત્યં વેદવાણીપ્રવૃત્તયે ।
સુમુખશ્ચ એકદંતશ્ચ કપિલો ગજકર્ણકઃ ।
લમ્બોદરશ્ચ વિકટો વિઘ્નનાશો ગણાધિપઃ ॥
ધૂમ્રકેતુર્ગણાધ્યક્ષો ભાલચન્દ્રો ગજાનનઃ ।
દ્વાદશૈતાનિ નામાનિ યઃ પઠેચ્છૃણુયાદપિ ॥
વિદ્યારમ્ભે વિવાહે ચ પ્રવેશે નિર્ગમે તથા ।
સંગ્રામે સંકટે ચૈવ વિઘ્નસ્તસ્ય ન જાયતે ॥
શુક્લામ્બરધરં દેવં શશિવર્ણં ચતુર્ભુજમ્ ।
પ્રસન્નવદનં ધ્યાયેત્ સર્વવિઘ્નોપશાન્તયે ॥
સર્વદા સર્વકાર્યેષુ નાસ્તિ તેષામમઙ્ગલમ્ ।
યેષં હૃદિસ્થો ભગવાન્ મઙ્ગલાયતનં હરિઃ ॥
તદેવ લગ્નં સુદિનં તદેવ
તારાબલં ચંદ્રબલં તદેવ ।
વિદ્યાબલં દૈવબલં તદેવ
લક્ષ્મીપતે તેંઽઘ્રિયુગં સ્મરામિ ॥
કાયેન વાચા મનસેન્દ્રિયૈર્વા
બુદ્ધ્યાત્મના વા પ્રકૃતેઃ સ્વભાવાત્ ।
કરોમિ યદ્યદ્ સકલં પરસ્મૈ
નારાયણાયેતિ સમર્પયામિ ॥
હરિર્દાતા હરિર્ભોક્તા હરિરન્નં પ્રજાપતિઃ ।
હરિઃ સર્વઃ શરીરસ્થો ભુઙ્ક્તે ભોજયતે હરિઃ ॥
કર્પૂરગૌરં કરુણાવતારં
સંસારસારં ભુજગેન્દ્રહારમ્ ।
સદા વસન્તં હૃદયારવિન્દે
ભવં ભવાનીસહિતં નમામિ ॥
॥ શ્રીરામાયણસૂત્ર ॥
આદૌ રામતપોવનાદિગમનં હત્વા મૃગં કાઞ્ચનમ્
વૈદેહીહરણં જટાયુમરણમ્ સુગ્રીવસમ્ભાષણમ્ ॥
વાલીનિર્દલનં સમુદ્રતરણં લઙ્કાપુરીદાહનમ્
પશ્ચાદ્રાવણકુમ્ભકર્ણહનનં એતદ્ધિરામાયણમ્ ॥
॥ શ્રીભાગવતસૂત્ર ॥
આદૌ દેવકિદેવિગર્ભજનનં ગોપીગૃહે વર્ધનમ્
માયાપૂતનજીવિતાપહરણં ગોવર્ધનોદ્ધારણમ્ ॥
કંસચ્છેદનકૌરવાદિહનનં કુંતીસુતાં પાલનમ્
એતદ્ભાગવતં પુરાણકથિતં શ્રીકૃષ્ણલીલામૃતમ્ ॥
॥ ગીતાસ્તવ ॥
પાર્થાય પ્રતિબોધિતાં ભગવતા નારાયણેન સ્વયમ્
વ્યાસેનગ્રથિતાં પુરાણમુનિના મધ્યે મહાભારતે
અદ્વૈતામૃતવર્ષિણીં ભગવતીમષ્ટાદશાધ્યાયિનીમ્
અમ્બ ત્વામનુસન્દધામિ ભગવદ્ગીતે ભવેદ્વેષિણીમ્ ॥
સર્વોપનિષદો ગાવો દોગ્ધા ગોપાલનન્દનઃ ।
પાર્થો વત્સઃ સુધીર્ભોક્તા દુગ્ધં ગીતામૃતં મહત્ ॥
॥ વ્યાસસ્તુતી ॥
નમોસ્તુ તે વ્યાસ વિશાલબુદ્ધે ફુલ્લારવિન્દાયતપત્રનેત્ર ।
યેન ત્વયા ભારતતૈલપૂર્ણઃ પ્રજ્વાલિતો જ્ઞાનમયપ્રદીપઃ ॥
વ્યાસાય વિષ્ણુરૂપાય વ્યાસરૂપાય વિષ્ણવે ।
નમોવૈ બ્રહ્મનિધયે વાસિષ્ઠાય નમોનમઃ ॥
॥ શ્રીદત્તગુરુધ્યાનમ્ ॥
બ્રહ્માનંદં પરમસુખદં કેવલં જ્ઞાનમૂર્તિં
દ્વંદ્વાતીતં ગગનસદૃશં તત્ત્વમસ્યાદિલક્ષ્યમ્ ।
એકં નિત્યં વિમલમચલં સર્વધીસાક્ષિભૂતં
ભાવાતીતં ત્રિગુણરહિતં સદ્ગુરું તં નમામિ ॥
યં બ્રહ્માવરુણેન્દ્રરુદ્રમરુતઃ સ્તુવન્તિ દિવ્યૈઃ સ્તવૈઃ
વેદૈઃ સાઙ્ગપદક્રમોપનિષદૈઃ ગાયન્તિ યં સામગાઃ ।
ધ્યાનાવસ્થિતતદ્ગતેન મનસા પશ્યન્તિ યં યોગિનો
યસ્યાન્તં ન વિદુઃ સુરાસુરગણા દેવાય તસ્મૈ નમઃ ॥
મૂકં કરોતિ વાચાલં પઙ્ગું લઙ્ઘયતે ગિરિમ્ ।
યત્કૃપા તમહં વન્દે પરમાનન્દમાધવમ્ ॥
શ્રીકેશવાય નમઃ । નારાયણાય નમઃ । માધવાય નમઃ ।
ગોવિંદાય નમઃ । વિષ્ણવે નમઃ । મધુસૂદનાય નમઃ ।
ત્રિવિક્રમાય નમઃ । વામનાય નમઃ । શ્રીધરાય નમઃ ।
હૃષીકેશાય નમઃ । પદ્મનાભાય નમઃ । દામોદરાય નમઃ ।
સંકર્ષણાય નમઃ । વાસુદેવાય નમઃ । પ્રદ્યુમ્નાય નમઃ ।
અનિરુદ્ધાય નમઃ । પુરુષોત્તમાય નમઃ । અધોક્ષજાય નમઃ ।
નારસિંહાય નમઃ । અચ્યુતાય નમઃ । જનાર્દનાય નમઃ ।
ઉપેન્દ્રાય નમઃ । હરયે નમઃ । શ્રીકૃષ્ણાય નમઃ ।
॥ દેવતાવંદનમ્ ॥
શ્રીમન્મહાગણાધિપતયે નમઃ ।
શ્રી સરસ્વત્યૈ નમઃ । શ્રીગુરવે નમઃ ।
શ્રીમાતાપિતૃભ્યાં નમઃ ।
શ્રીલક્ષ્મીનારાયણાભ્યાં નમઃ ।
શ્રીઉમામહેશ્વરાભ્યાં નમઃ ।
ઇષ્ટદેવતાભ્યો નમઃ । કુલદેવતાભ્યો નમઃ ।
સ્થાનદેવતાભ્યો નમઃ । વાસ્તુદેવતાભ્યાં નમઃ ।
સરેવેભ્યો દેવેભ્યો નમો નમઃ ॥ અવિઘ્નમસ્તુ ॥
॥ ૐ તત્સત્ ઇતિ ॥